|
للكوسه فى بلدى شئون!!!!
للكوسه في بلادي شئون
بتخلي المسنود فرعون يتفرعن فين مهما يكون وتخلي الجاهل أستاذ والأعرج لاعب جمباز وتخلي الأحول هداف والكوره الآوت ف الجون للكوسه ف بلادي شئون لو تعرف واحد ف الشرطه راح تخرج من أجدع ورطه والراجل اللي انت ظلمته تلاقيه متلقح مسجون أو تعرف شخصيه كبيره شغاله ف البنك مديره راح تاخد من غير ضمانات كام قرض بمليون مليون وهروبك طبعا مضمون ويا عيني لو تعرف نايب ف المجلس مش نايب خايب راح تبني أبراج وهميه أوراقها مظبوطه أكيد وفلوس الناس المهريه حتجيلك م الجيب للإيد بعديها تروح المستشفى وتقيد نفسك مجنون أحكامك تسقط ف ساعتها بعديها ترجع موزون ويا عيني لو تعرف شيخ فجنابك طاهر علطول وصيامك طبعا مقبول وإذا فرضا حبيت تتجوز تتجوز من غير مأذون وإذا ساكن ف عماره جديده وحبيبك راجل مسئول فسيادتك من غير ما تقول يركب لك فورا تليفون ولو انت عندك عربيه ونمرها سوده بنسرين حتعدي أجدعها كمين وحتكسر أوضحها إشاره ماهو نمرك سوده جباره ولا تعرف أيتها قانون ولو انت بتعرف فرّان أو واحد بياع جرنان راح تاخد طلبك وحتمشي من غير ولا دوشه ولا دور والناس الغلبانه حتاخد طلباتها بعدك وتغور ماهو كله غيرك بيهون ولو انت زميل الحلاق راح تحلق اولها زبون وإذا كنت بتعرف دكتور حتعيش متطمن مسرور وحتسلك ف لجان الشفوي ومجال تعيينك موفور وحتطلع فالتليفزيون بالبدله وفيها الببيون تتكلم وبكل بساطه عن شرف المهنه المدفون لكن لو شاعر غلبان قلت اللي ف نفسك علطول حيقولو مين قال لك قول ويهاجمك مليون إنسان |
ههههههههههههههههه
غلى فكره الكلام ده ممكن يتلحن و تبقى اغنيه تمام بس كلنا هنتسجن:d</STRONG> |
هههههههههههههههه.... كلام جميل ..... بجد موهوب .. ربنا يحفظك
|
الله ------ رائع
كلام معبر وصادق شكرا لك |
فعلا الكوسه..موجوده فى بلدي...
وربنا يحييني واشوفها من غير كوسه.. مرسي ع التوبيك |
أحلى كوسة اتعرضت قدامي .....
شكرا جزيلا ... |
اقتباس:
اعوذ بالله من هذه السخرية لا حول ولا قوة إلا بالله |
اقتباس:
رب كلمة تقول لصاحبها دعنى ــ يقول النبي صلى الله عليه و سلم: "إن الرجل ليتكلم بالكلمة من سخط الله لا يلقي لها بالاً تهوي به في جهنم سبعين خريفاً" و يقول مخاطباً معاذ بن جبل: "أمسك عليك هذا" و أشار إلى لسانه. وفى قوله تعالى : ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون ( 65 ) لا تعتذروا قد كفرتم بعد إيمانكم إن نعف عن طائفة منكم نعذب طائفة بأنهم كانوا مجرمين ( 66 ) ) قال رجل من المنافقين : ما أرى قراءنا هؤلاء إلا أرغبنا بطونا ، وأكذبنا ألسنة ، وأجبننا عند اللقاء . فرفع ذلك إلى رسول الله - صلى الله عليه وسلم - فجاء إلى رسول الله وقد ارتحل وركب ناقته ، فقال : يا رسول الله ، إنما كنا نخوض ونلعب . فقال : ( أبالله وآياته ورسوله كنتم تستهزئون ) إلى قوله : ( مجرمين ) وإن رجليه لتنسفان الحجارة وما يلتفت إليه رسول الله - صلى الله عليه وسلم - وهو متعلق بنسعة رسول الله - صلى الله عليه وسلم - . نسأل الله لكم الهداية وعفا الله عنكم |
اقتباس:
جميلة ورائعة ومعبرة عن الواقع إلي حد كبير لولا هذه الأسطر !! فلا حاجب ولا موانع بينك وبين ربك . والجواز من غير مأذون لا يحتاج إلي واسطة , وانما يحتاج إلي أشياء أخري !! |
:dنو فو كوسة
|
اقتباس:
ثانيا على فكره كلام جامد والله . تقبل مرورى |
يا سلام لما ندخل كلنا السجن ونغنى الاغنية دى هههههههه
|
لو كان نهر النيل صلصة مش هيكفى الكوسة الى فى البلد
اللهم ارفع مقتك وغضبك عنا يارب العالمين |
اول شكرا على المرور دا
واحب اعرفكم ان دا منقول ثالثا انا الحمد لله عارفه انى مفيش وسطه بين العبد وربه لكن انا بكلم عن حال البلاد دلواتى وهو دا اللى بيحصل فعلا واكيد حضراتكم بتشوفوا دا لكن مش معنى كدا انى بكفر بالله والعياذ بالله لكن يا جماعه والله هو دا اللى ببحصل ولو حضراتكم مش مصدئين او بمعنى اصح مش بتشوفوا هذا الكلام فغيركم بيشوف وعارف شكرا لمروركم الطيب |
كوسة جديدة كلها اطعم جديدة:angry2::angry2:
|
| جميع الأوقات بتوقيت GMT +2. الساعة الآن 07:38 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.