بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   منتدى معلمي التربية والتعليم (https://www.thanwya.com/vb/forumdisplay.php?f=737)
-   -   لابد منها (https://www.thanwya.com/vb/showthread.php?t=274806)

ابوامانى 31-12-2010 06:23 PM
لابد منها
 
يا اخوانا ليه هو الوزير مايحددش يوم معين ليه بيلعب بينا كدا لازم نعمل حاجه اضراب وهى فرصتنا الامتحانات عاى الابواب وياريت يا اخوانا ناخد هذا الموضوع على محمل الجد وشكرااا

miss_emy 31-12-2010 07:08 PM
انا معاكى بس مين يسمع وينفذ زينا

رضا عبد الحميد عبد الرازق 31-12-2010 07:54 PM
والله هو ده رأيى لأن طول ما الموضوع مفتوح يبقى ربنا يستر

علي عضاضلي 31-12-2010 08:01 PM
الصبر الصبر يا رجاااااااله

aleman 31-12-2010 08:03 PM
ان شاء الله خيررررررررررر
احنا لسه عقدنا حينتهى اخر3
شهر تلاتة

جارةالوادى 31-12-2010 09:02 PM
احنا لسة عقدنا فعلا هينتهى فى شهر 3 يبقى ايه حجتنا فى اننا نعمل اضراب ونعطل العمل ويمسكو علينا فرصة وقتها باذن الله لما يخلص واذا محصلتش حاجة يبقى من حقنا نرفع قضية لتنفيذ القانون اللى الزمو نفسهم بيه وباذن الله ربنا فرجه قريب وبلاش نبص للموضوع ده على ان حياتنا متوقفة عليه لاننا مهما عملنا فى نفسنا وقلقنا وزعلنا مش هناخد غير رزقنا
ومن غير فلسفة كتير كلنا عارف كويس ان لو فضلنا فى الوضع ده طول عمرنا مش هنعمل اى حاجة ولاهنتحرك

رامي ابو عاشور 31-12-2010 09:40 PM
اقتباس:
المشاركة الأصلية كتبت بواسطة ابوامانى (المشاركة 2964944)
يا اخوانا ليه هو الوزير مايحددش يوم معين ليه بيلعب بينا كدا لازم نعمل حاجه اضراب وهى فرصتنا الامتحانات عاى الابواب وياريت يا اخوانا ناخد هذا الموضوع على محمل الجد وشكرااا
تذكر يا ابو أماني
أن المصري دائما لا يحدد موعد معين لأي شيء في حياته سواء مهم أو غير وذلك منذ الثورة لانه يعلم جيدا أنه لو قام بتحديد موعد بتاريخ معين فأنه لن ينجزه في موعده وهيكسف نفسه علي الفاضي وسلملي علي كل مطالع الشهور وأهلا بيك في مصر

محمد ابو مريم 84 31-12-2010 09:44 PM
على فكرة يا استاذة / جارة الوادى . انت اسلوبك اسلوب كل المعلمين هو اللامسئولية تجاه قضية عامة... ازاى ... انتى لسه عقدك هيخلص فى 1/3 وناس عقدها خلص بالفعل النهاردة ولسه ناس عقدها يخلص فى 1/7 .. ليه مش يبقى تفكرنا واحد وتحركنا واحد . احنا فعلا اختر مجال كلنا نتشابه فيه من حيث الانانية والسلبية والخوف و...... تعالوا ناخد المثلوالقدوة من شباب مراكز المعلومات ... والا من شباب محولجيات السكك الحديدية .... والا من شباب 6 ابريل اللى مالوا مصر بحسن تنظيمهم واجتماعهم على رأى واحد فى قضية هما اصلا بعيد عنها .
عند اقتراح ياللا نبعتلهم " شباب 6 ابريل " ونكلهم قصتنا يمكن ينشروها مكنا !!!!! وعجبى

جارةالوادى 31-12-2010 10:16 PM
اقتباس:
المشاركة الأصلية كتبت بواسطة محمد ابو مريم 84 (المشاركة 2965642)
على فكرة يا استاذة / جارة الوادى . انت اسلوبك اسلوب كل المعلمين هو اللامسئولية تجاه قضية عامة... ازاى ... انتى لسه عقدك هيخلص فى 1/3 وناس عقدها خلص بالفعل النهاردة ولسه ناس عقدها يخلص فى 1/7 .. ليه مش يبقى تفكرنا واحد وتحركنا واحد . احنا فعلا اختر مجال كلنا نتشابه فيه من حيث الانانية والسلبية والخوف و...... تعالوا ناخد المثلوالقدوة من شباب مراكز المعلومات ... والا من شباب محولجيات السكك الحديدية .... والا من شباب 6 ابريل اللى مالوا مصر بحسن تنظيمهم واجتماعهم على رأى واحد فى قضية هما اصلا بعيد عنها .
عند اقتراح ياللا نبعتلهم " شباب 6 ابريل " ونكلهم قصتنا يمكن ينشروها مكنا !!!!! وعجبى
انا مش هدافع عن نفسى عشان فيه جزء كبير من الصحة بس للاسف ان اتعلمت الموضوع ده هنا وقت ماقلنا نعمل وقفة احتجاجية عشان الوزير يهتم بينا ويبطل يتجاهلنا فى مقابلاته الاعلامية وتصريحاته الصحفية ومحدش راح وقف معايا عند المديرية كانى انا لوحدى اللى عايزة اتثبت عشان كدة بقيت صوت نفسى وبس ومش مستعدة اقود اى تحرك زى ده عشان محسش بنفس خيبة الامل اللى حسيت بيها وقتها وبعدين حضرتك بتلومنى ليه ؟ هو انا اللى عقدى خلص 31/12 ومتحركتش ولااخدت موقف ولاحتى رفعت قضية عشان اخد حقى بموجب القانون 155 وعلى فكرة انا كلامى برضو مش غلط انا لسة عقدى هينتهى فى 3 ايه خلانى اعمل اضراب وانا على راس العمل واعرض نفسى للمساءلة لتعطيلى العمل


جميع الأوقات بتوقيت GMT +2. الساعة الآن 07:12 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.