خبر هاااااااااااااااام ومزعج
 

يا جماعة أنا تعاقد شهر مايو 2009 وفى واحد صاحبى من الناس اللى تم قبول أوراقهم فى الاكاديمية قالى حاجة مزعجة قال إن أى معلم متعينش طبقا لمؤهلة سوف يحرم من دخول إمتحانات الكادر يعنى أنا مثلا خريج كلية التجارة وأعمل معلم مساعد لمادة الحاسب الالى فطبقا لهذا الكلام إن كان صحيحا سأحرم من دخول إمتحانات الكادر فهل هذا الكلام صحيح ياريت يا جماعة اللى يعرف المعلومة الصحيحة يقولى لأننا مش ناقصين قلق.
وإذا كان الكلام ده مش صحيح هل ستكون مادة التخصص طبقا للمؤهل أم طبقا للمادة التى أقوم بتدريسها يعنى مادة التخصص ستكون ( المواد التجارية أم الكمبيوتر ) أرجو الرد من فضلكم علشان أطمن وارتاح.

أنا والحمد لله حصلت على الدبلومة التربوية وطبعا شهادة الicdl يعنى دلوقتى الكلام اللى قاله صاحبى مش مظبوط ؟

مش تقلق وياريت تقول صاحبك والناس اللى متعرفش حاجة مش تفتى فيها اصلها مش ناقصة الوزير قالها مليون مرة العبره بالعقد او المادة التى تدرسها وليس المؤهل ولكن بشرط تحصل على التربوى والicdl انتا كده فى التمام يا استاذ

العبرة بما تم كتابته فى العقد و ليس المؤهل
أهم حاجة تخلص الرخصة الدولية و الدبلومة التربوية

وشن بدر هجوماً شديداً على معلمى المدارس غير الحاصلين على شهادات تربوية مثل الحاصلين على دبلومات تجارية وصناعية وبكالوريوس غير متخصص فى التعليم قائلاً : إن هؤلاء لن يكون لهم مكاناً داخل المدارس لأنهم يستخدمون التربية والتعليم كمصدر للدخل دون وجود أدنى صلة لهم بالتربية والتعليم متابعاً قوله " إن هناك قلة خارجة عن مهنة التعليم تأخذه كوسيلة للتعيين به والعمل فيه طالماً لم يجدوا مهنة أخرى مطابقة لشهاداتهم ، وأنا أؤكد لهؤلاء أنه لم يعد هناك مكان فى التربية والتعليم إلا لخريجى كليات التربية فقط ومن ينطبق عليهم شروط الكادر للقيام بالتدريس للتلاميذ والإشتغال بمهنة التعليم .

http://dostor.org/politics/egypt/10/december/18/33469

يعني هيعمل ايه في المدرسين اللى موجدين من عشرين سنة او يزيد احنا مانتمناش الشر لاحد ولكن هذه من وجهة نظري مجرد تصريحات رنانة

!!!!!!!!!!!!!!!!

اللهم اكرمنا جميعاً

والنبى ماهى فارقة كلو محصل بعضو يعنى عمل اية لخريجين التربية اصلا واللى معاهم دبلومات كمان

الحق اعمل تربوى بسرعه

انا مدرسة حاسب آلى وطبعا حضرتك عارف ان تخصصنا فيه عجز علشان كده لازم يخدوا غير متخصصين زى حضرتك يعنى ان شاء الله هتمتحن على اساس مدرس حاسب آلى وزى ما زملائنا قلولك اهم حاجه التربوى و icdl