|
اكتب هنا اسوا موقف حصلك بعد ما بقيت مساعد
فكرت ازاى نقدر نستفيد من بعض ونلاقى حلول لبعض لاشهر المواقف اللى اتعرضنا لها من يوم ما اشتغلنا معلمين مساعدين ملقتش افضل من كده فياريت محدش يبخل علينا بالمواقف اللى حصلت له واكيد دى كتيرة جدا
|
اضف موقف نفاق وازاى اتغلبت عليه
انا طبعا من نوعية الناس اللى يا ابيض يا اسود عشان كده دايما ممكن تقول انى بليدة فى النفاق ومعرفش ارد بلف ودوران زى ناس كتيرة ما تقدر عشان كده قلت جايز اتعلم من غيرى لما يقولى قدر يطلع ازاى من حفرة حفرها له منافق
اللى يغيظ فى المنافق انه يتكلم قدام الناس كان اللى حصل صدق ويكذبك انت الصادق. |
اللهم إنا نعوذ بك من النفاق والمنافقين
كل حياتى مواقف لاتنسي من أولا ما عملت بالحصة ثم بالعقد ثم الأمتحانات لللكادر المزعوم ثم الicdlثم غير ذلك الكثير الذى لايحكى فالصمت عليه أفضل ..........لأنها مواقف مخزية |
أسوأ موقف :جالي عقد عمل في الدمام بمميزات صعب تتعوض!!
ومعرفتش اطلع عشاااااان مالناش اجازات |
أسوأ موقف إنى لقيت نفسى بالعقد ..
حتى إنى أتعقدت |
انا بقى فاكر ان اسوا حاجة عملتها وانا معلم مساعد هى اللى خلتنى احسن من مدير الادارة نفسه
انا فضل الموجة الاول بتاعى حاططنى فى دماغة لغاية ما لقيت نفسى ماسكة وعمال اضرب فيه خدته من الفصل فوق لغاية الناظر تحت ولما جة الناظر يقولى ما ينفعش كدة شتمته ما تستغربوش بس هو ده اللى حصل فعلا واقسم بالله من ساعتها وانا بدخل على مدير الادارة بيستقبلنى احسن من وكيل الوزارة |
طبعا الحمد لله على كل حال بجد اسوا حاجه حصلت لى فى حياتى وندمانه عليها انى تعاقدت طول الوقت بقى شغلى الشاغل هو التثبيت اللى الله اعلم هيحصل ولا لا لدرجه انه محسسنى انى فى سجن مش عارفه اخرج منه لعدم وجود اجازات
|
بصراحة مفيش حاجة شخصية حصلت معايا غير انى مش عارفة انقل من المدرسة بتاعتى لان الاساسى طبعا اولى منى بيه عشان الاقدمية والدرجة والحاجات اللى مش عندنا دى وبرضو عايزة انقل لمجرد التغيير وبجد مبقيتش بحبها ودمها تقيل على قلبى كدة بس الحمد لله مرتاحة جدا فيها ومش بسمع نبرة متعاقد واساسى وبالقلم الرصاص والحاجات دى لان االاساسى مدير وناظر و3 مدرسين رجالة و3 ستات واخصائية و2 ادارى يعنى احنا الاغلبية واللى شايلين المدرسة
|
بس بجد انا عايزة اعرف حاجة واحدة يعنى ايه معلم مساعد مين اللى بيساعدنا يعنى ؟؟؟؟؟؟؟؟؟ مسمى وظيفى غبى زى اللى عامله
|
مافيش اسوا من انى مضيت العقد وفضلت استنى التثبيت
|
من كتر المواقف محتار احكى ايه ولا ايه محتاج مجلدات اكتبها
:angry2::angry2::angry2::angry2::angry2::angry2::a ngry2::angry2::angry2::angry2::angry2::angry2::ang ry2::angry2::angry2::angry2::angry2::angry2::angry 2::angry2::angry2::angry2::angry2::angry2::angry2: :angry2: |
أسوء حاجة حصلتلى فى حياتى إنى اشتغلت شغلانه (معلم مساعد)ما فيهاش أجازات بدون مرتب ولو لسنة
|
كنت فى مدرسة ونقلت منها
ودلوقتى اتمنى انى ارجعها تانى او انقل اى مدرسة ولكنى مش عرفة خالص |
أسوأ حاجة حصلتلى انى عملت دبلومة وبالتالى كملت فى مجال التدريس والتربية والتعليم
انا بكالوريوس تجارة وكان مجالى احلى من كده بس انا استسهلت هههههههههههه ويارتنى مااستسهلت والاصعب من كده اننا بنصعب على السواقين واحنا بنديهم الاجرة مرة سواق قاللى ياابلة هو انتى يعنى بتاخدى كام للشحططة والمرمطة دى انتى اقعدى فى البيت احسنلك بلا بهدلة بلا قلة قيمة هههههههههههه ونعم النصيحة من الاخ الفاضل السواق ولا كمان مرة طالب عندى فى التجارة يعنى ابوظ وافشل ناس قاللى هو انتو يعنى بتاخدو كام ده انتى تلاقيكى بتصرفيهم مواصلات يلا ربنا يارب يطلعنى منها على خير بقى |
اسوأ حاجة حصلتي وبتحصلي
اني دايما اخر واحدة بتقبض المرتب في المدرسة الشيك مش بيطلع غير يوم 10 او 15 وساعات شهرين مع بعض لما بجد ارفت انا مش مادية ولا حاجة بس اللي رايح اكتر من الي جاي واكيد كلنا محتاجين المرتب مش كده ولا ايه |
| جميع الأوقات بتوقيت GMT +2. الساعة الآن 02:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.