بوابة الثانوية العامة المصرية - واحد يا نيل ومصر واحده شعر/ سمير الأمير

بوابة الثانوية العامة المصرية (https://www.thanwya.com/vb/index.php)

- إبداعات ونقاشات هادفة (https://www.thanwya.com/vb/forumdisplay.php?f=59)

- - واحد يا نيل ومصر واحده شعر/ سمير الأمير (https://www.thanwya.com/vb/showthread.php?t=277510)

واحد يا نيل ومصر واحده شعر/ سمير الأمير

واحد يا نيل ومصر واحده
******* شعر/ سمير الأمير
أنا أمى فجأه
جالها ضيوف
حتدبح ايه؟
يادى الكسوف
بصلة محبه
زى الخروف
ناخد وندى والناس تشوف
**
تشوف ناصيبها
واللى واخدها
لما يجيبها
نقوله خلى
خللى علينا
يانور عينينا
**
اهلا يا جارنا
النبى زارنا
من بعد غيبه
خضر شجرنا
ده كفايه إنك
من صغر سنك
بتحب دارنا
**
اشتقنا ليهم
صلى عليهم
أحمد وعيسى
ستنا مريم
أخت النفيسه
جامع ومدنه
ف حضن الكنيسه
**
زغروته يا ا مه
عزوه ولمه
ونور ينور
جوه ف قلوبنا
والناس تشوفنا
تقول بلدنا
غيطها وسيع
لم الجميع
على كلمه واحده
من عهد مينا
والدنيا شاهده
واحد يا نيل
ومصر واحده.

___________

إن شاء الله ستبقى ( مصر واحدة ) لكل المصريين و( نيلها واحد ) يروي جميع العطشانين و( بصلة المحب خروف ) تطعم كل الجائعين
سيبقى المصريون طعامهم واحد.. شرابهم واحد .. ربهم واحد .. وطنهم واحد .. قلبهم واحد
ستبقى مصر ( جامع وكنيسة ) يتعانق فيها صوت المؤذن مع أجراس الكنيسة .. سيبقى الود والحب رغم أنف الحاقدين وسيبطل الله كيد الكائدين
أحمد عز

كلمات روعة تسلم ايدك

سلمت يداك حاجه جديده وغريبه جدا اللي يحدث وكلنا يعرف من هم وراء هذه الاعمال
التي تزيد الفرقه وتضعف البلاد العربيه
تحياتي لحضرتك استاذ سمير