|
بما ان العملية ف النملية والازازه ف البزازه اذا كل عام وانتم بخير
بكرا العيد او بعده بالكتير ......بأي حال عدت يا عيد وكما يقال الشئ لزم الشئ اذا كل سنه وانت طيب ... وطيب هنا ليس معناها ساذج او عبيط لا سمح الله بس معناها ان حضرتك طيب وبكويس وبخير ... واحنا من ساعه ما وعينا ع الدنيا وعرفنا الاعياد والحاجات دي واحنا بنستخدم الافتراض الدعائي دا في أي مناسبه واي ظرف ...كل سنة وانت طيب ... يعني زي ما قلنا طيب وكويس وبخير ... ولو يشغل احد دماغه بمدي تحقق ذلك وهي مسأله نسبية " يا نظرياتك يا اينشتاين " :D يعني ممكن حضرتك تكون عيان و بتتعالج بس لاقي الدوا يعني اديك عايش اهو يعني حضرتك غصبن عنك بخير :d او يمكن حضرتك عضو معانا ف منتدي الثانوية ولسه مجتلكش جلطه يبقي انت برضه بخيروبكل تأكيد لو السنه عدت عليك من غير ما تصاب بالالضغط والسكر والسكته الدماغية – رغم كونك زملكاوي _ اذا حضرتك بخير وكويس وميت فل واربعتاشر برضه :d تفتكروا مثلا زكريا موافي زمان ايام ماكان جته لما بيطلع عصبجي ف الافلام ويقول جملته المضهوره عن التقرير العصابي الجامل الشامل " العملية ف النملية و الازازه ف البزازه والفله ف المنافله وكل عام وانتم بخير " ..... النهارده بقي واحنا ف القرن الواحد والعشرين والدنيا مليانه تلاجات وديب فريزات تفتكروا العملية حتتحط ف النملية ليه بقي ... وايه يا تري اهداف وفاعليات الخطة المشئومه المرسومه وازاي حتترسم بقي وهل هي عملية ****** ولا اغتيال ولا متكنش حرب ضد الشائعات الصحفيين السباله ع رأي شيخ الازهر يستهلوا الجلد :d ازاي يتكلموا عن صحه ريسنا الهمام " طويل العمر يطول عمره هاي هي " ولا متكنش بقي عملية مسح ذري لاي اشاعه حتي لو اشاعه حب " الله يرحمك يا يوسف بك وهبي "دا طبعا لان وطننا الحبيب انتي اشاعات يعني متقفش ف وشه أي اشاعه وربنا ومبيحبهاش لله ف الله ودا بالرغم من وجود حاجات اكتر اهميه زي مسلسلات رمضان وقضيه طنط يسرا و حادث هيفا وشريط شيرين والاهلي اللي عمال يجيب اجوان والاهلاوية بيحلموا يروح اليابان رغم انه اخره مع الهلال :p بس سيبكم من الكلام دا هي كحكايه بسكر و مج نسكافيه وسيجاره جامده ف صباحيه العيد " ع فكره انا مبدخنش مقضيها حقن " وتكبيرات العيد شغاله مع حضرتك كدا مشيعه جو من البهجه والسعاده رغم كل شئ فأذكركم بأن العملية ف النملية والازازه ف البزازه والفله ف المنافله وكل عام وانتم بخير ....بخييييييييييير فين بقي العيدية بتاعتي :d |
كل سنة وانت طيب يا بيسو
مش عارف ياد انا ليه باحبك مع انى دايمآ مختلف معاك فى الرأى:p |
اقتباس:
و انت طيب يا ميدو :D اختلاف البط لا يفسد للطعم شهية :D اه بالمره ليا عندك عزومه بس ياريت مفيهاش بط عشان مبحبهوش |
ههههههههههههه كل ده عشان الهديه يا عم بسام طب قول كده من الصبح بدل الصداع ده خلاص انا اوعدك انى هديك جنيه مصرى متين
وكل سنه وانت طيب وكل الاعضاء طيبين |
اقتباس:
جنيه مين خلهولك انا بصرف اكتر من ميايه ف الاسبوع كل سنة وانتي طيبه يا ياسمين |
كل سنه واحنا طيبين:D وعيديتى ليك سحتوت:p:D |
:D:D انا ايه اللى جابنى هنا مش مهم كل سنه بقى وانتو طيبين العيد بعد بكره :D:D خد العديه يا بسام قرش ساغ |
مش عارف ليه مع أول كلمتين اتخنقت من الموضوع مكملتوش على العموم كل سنه وانت طيب يا جميل وعيد سعيد ووحشنى جدااااااااااا على فكره يا بسام |
مش عاجبك الموضوع متقرهوش :)
|
أكيد أنا مقرأتش غير العنوان وأول سطرين
كل سنة وانت طيب |
كل سنة وانتا طيب يابسام
على فكرة انا قريت الموضوع كله جميل بجد بس انا مش هقولك كل شى تمام احنا فعلا عندنا كم من المشاكل لا حصر لها واحسن حاجة اننا بنفضفض مع بعضنا كده احسن ما نطق تسمع عن دولة اسمها بورما انا قريت عنها شوية اكتشفت اننا عايشين فى نعمة هنا قول الحمد لله |
اااااها
انا اللى مضيقنى ان بكره ازاى رمضان يعنى بكره واحد شوال عند باقى الدول وعندنا احنا تلاتين رمضان يلا كل عيد وانتوا طيبين |
اقتباس:
كل سنه وانت طيب :D |
انا كنت هديك بالدولار بس ياعينى خفت لقولك الكلمه متكنش عارف يعنى ايه دولار احرجك قدام الناس
مش عاجبك الجنيه اهى البت مطار هتديك سحتوت عشان تتبطر ع النعمه وبالنسبه لموضوعك العجيب ده ياابنى احنا داخلين ع عيد مش لازم تقلب المواجع |
ههههههههههه
ع راي محمد اللي مش عاجبه الموضوع يا ميقرهوش يا يكتب احسن منه :d كل سنه وانتم طيبين |
| جميع الأوقات بتوقيت GMT +2. الساعة الآن 11:14 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.