اللغة الفرنسية الي اين ؟ والي متي ؟
 

الفصل الدراسي الاول اوشك علي النتهاء , ماذا سوف يحدث بعد ذلك , امتحان الصف الثالث الاعدادي تم ولكن بدون فائده .
طالبة في المدرسة عندي بتقولي يا مسيو احنا اصلا لو مش روحنا الامتحان ناجحين اي الفايدة من الامتحان ؟
الطالبة قالت كدا بنفس اللفظ , بصراحه انا معرفتش ارد عليها .
في بعض الزملاء بيقولوا احنا اللي نحدد اهتمام الطلاب وكلام كتير بس دا كلة شعارات فاضية ومش ليها اي لازمة .
عارفين لو قالوا الفرنساوي اتلغي اكرم وافضل من اللي احنا فية
انا حاسس اني مليش لازمة في المدرسة
برضو في ناس هتقول علمهم حاجه للثانوي , بس للأسف احنا يهمنا اكتر الامتحان اللي لية فايدة اللي بيضاف مش اللي تجريبي .
ارجو من الساده المشرفين الرد علينا وافادتنا بأخبار موثوق بها مش اجتهادات او شعارات ويقول اية مصدر كلامة
لأني بصراحه زهقت من اللي انا فية

ماحدش ها يرد عليك لأن ما حدش عارف حاجه مؤكده لكن أحب أكدلك أن الفرنساوى فى كل المدارس الخاصه موجود و لا يضاف للمجموع و مع ذلك هذا لا يقلل من أهميته و له مدرسيين و له موجهيين و أولياء الأمور بيهتموا بيه جدا رغم أنه مش أساسى و الطالبه اللى قالت كده مش فاهمه صح أنا شخصيا عندى أولاد فى رابعه ابتدائى تجريبى أصروا على أنهم ياخدوا درس فى الفرنساوى و بيدو له نفس الأهتمام بتاع كل المواد رغم عدم إضافته للجموع و رغم أن الأمتحان فيه كان شفوى وجود الفرنساوى فى المرحله الأعداديه مهم حتى لو بقى الوضع على ما هو عليه و لا أرى داعى للقلق

انا معك يا استاذ احمد ولابد من وقفة

خلاص نعمل إعتصام قدام ماسبيرو و نطالب بتطبيق الفرنساوى و ليه كمان ما نطلبش بأن تدريس الفرنساوى يبقى ماده فى الدستور ؟

المدرس هو اللى بيعمل للمادة قيمة حتى وان لم تكن أساسية

ياريت يطبقوها بس في مشكلة كبيرة جدا ان القائمين على تعليم اللغة الفرنسية كانهم مش معانا ولا حاسين بالدنيا
الالماني كاسح الدنيا والفرنساوي بيقل اكتر كل سنة عن التانية دة حتى السنة الجاية الطلبة الاخدوا فرنساوي فالاعدادي وعارفين انهو سهل هيدخلوا بردة الماني عشان بيقولوا عايزين نجيب الخمسين
دي مشكلة الفرنساوي
لاززززززززززززززززززززززززم امتحانات الثانوية العامة تبقا سهلة جدا والطلاب كلهم او اغلبيتهم يجيبوا خمسين
والمنهج بتاع الثانوية العامة يخلوة 10 دروس زي الالماني
والا حل اخر

ان الفرنساوي يبقا اساسي على المرحلة الثانوية ويبقا في لغة تالتة يعني يبقا الطالب بياخد فرنساوي وانجليزي اظافة الى الماني او ايطالي او اسباني
عشان لو غير كدة والله محدش هياخد فرنساوي تاني
انا مدرس فرنساوي بس لو فضلت الامتحانات كدة هدخل ابني الماني عشان يجيب الخمسين

ولا اية رؤيكووااااااااااااااااا؟