الي جميع مدرسي اللغة الفرنسية ( ارجو المشاركه )
 

الفصل الدراسي الاول اوشك علي النتهاء , ماذا سوف يحدث بعد ذلك , امتحان الصف الثالث الاعدادي تم ولكن بدون فائده .
طالبة في المدرسة عندي بتقولي يا مسيو احنا اصلا لو مش روحنا الامتحان ناجحين اي الفايدة من الامتحان ؟
الطالبة قالت كدا بنفس اللفظ , بصراحه انا معرفتش ارد عليها .
في بعض الزملاء بيقولوا احنا اللي نحدد اهتمام الطلاب وكلام كتير بس دا كلة شعارات فاضية ومش ليها اي لازمة .
عارفين لو قالوا الفرنساوي اتلغي اكرم وافضل من اللي احنا فية
انا حاسس اني مليش لازمة في المدرسة
برضو في ناس هتقول علمهم حاجه للثانوي , بس للأسف احنا يهمنا اكتر الامتحان اللي لية فايدة اللي بيضاف مش اللي تجريبي .
ارجو من الساده المشرفين الرد علينا وافادتنا بأخبار موثوق بها مش اجتهادات او شعارات ويقول اية مصدر كلامة
لأني بصراحه زهقت من اللي انا فية

جميل احمد حشمت

عندك حق استاذي الفاضل الواحد شغال ومش شغال والطلاب مش في دماغهم خالص اللغه الفرنسيه دول بيحترموا الرسم عنه ............. اه يابلد عاوزه ولد بس اعمل ايه مدرس فرنساوي!!!!!!!!!!!!!

يحب ان تدخل مادة اللغه الفرنسيه فى المجموع حتى يهتم بها الطالب مثلها مثل باقى المواد التى تدخل فى المجموع

استاذى الفاضل اسمحلى انا طالب أعدادى مش عارف اقولك ايه الفرنساوى بقالى سنتين باخده ومش فاهم أى حاجة مفيش ضمير يا استااء والله مافيش وبعدين المفروض كانوا يخلوا الفرنساوى من ابتدائى يا أما يلغوه علشان ما يصدموناش فى اعدادى

راجع نفسك يا مسيو
انا عملت امتحان نصف الفصل
العيال بكوا منه
عشان كان نفسهم يجيبوا النهائية
بصراحة انا ف المدرسة واخد حقى تالت متلت والولاد حبين المادة وبيعملولها الف حساب
راااااااااااااااااااااجع نفسك

بدون شعارات بس فعلا في اكتر من 60% مهتمين بالمادة وهم عارفين انها لا تضاف
على فكرة انا اللى بقل للطالب ان المادة لا تضاف
طالب 3ع كان مهتم زى اى امتحان بنسبة 50%

اخوانى المدرسين العيب مش فى المادة العيب فى المدرسة لانها بتفرق من مدرسة لاخرى يعنى هناك مدرسة تجبر الطلبة على احترام المادة ومدارس اخرى لا تجبرهم وبتنجح الطلبة حتى لو الورقة فاضية