الي جميع مدرسي اللغه الفرنسية ( ارجو المشاركه)
 

الفصل الدراسي الاول اوشك علي النتهاء , ماذا سوف يحدث بعد ذلك , امتحان الصف الثالث الاعدادي تم ولكن بدون فائده .
طالبة في المدرسة عندي بتقولي يا مسيو احنا اصلا لو مش روحنا الامتحان ناجحين اي الفايدة من الامتحان ؟
الطالبة قالت كدا بنفس اللفظ , بصراحه انا معرفتش ارد عليها .
في بعض الزملاء بيقولوا احنا اللي نحدد اهتمام الطلاب وكلام كتير بس دا كلة شعارات فاضية ومش ليها اي لازمة .
عارفين لو قالوا الفرنساوي اتلغي اكرم وافضل من اللي احنا فية
انا حاسس اني مليش لازمة في المدرسة
برضو في ناس هتقول علمهم حاجه للثانوي , بس للأسف احنا يهمنا اكتر الامتحان اللي لية فايدة اللي بيضاف مش اللي تجريبي .
ارجو من الساده المشرفين الرد علينا وافادتنا بأخبار موثوق بها مش اجتهادات او شعارات ويقول اية مصدر كلامة
لأني بصراحه زهقت من اللي انا فية

كلامك فعلا مظبوط ومتزعلش ابدا على مجهود انت بذلته لأنك بترضي ضميرك قبل اي شئ ومهما شعرت بعدم اهمية المنهج دا دلوقتي الا انه ان شاء الله هايتقرر والناس تحس بأهمية اللغة الفرنسية في حياتنا

عندك حق انا بزعل جدا لما الطلبه يقولولى ده مش بيضاف للمجموع

معك حق , الامر بدأ يجل اللغة تفقد بعض من أهميتها خصوصاً بعد القرار المتعلق بامتحانات نصف العام و بقت المادة مثل الانشطة , لكن هناك الكثير من الطلبة الذين يقبلون علي التعلم رغم العوائق بعدما عرفوا أهميتها بالنسبة للثانوية العامة أو النسبة للسفر و السياحة ,,,, وما زال النيل يجري .
m/ ashraf aboul - gheit

رسااااااله
 

شكرا لمروركم جميعا وامني من الله تعميم اللغة الفرنسية

المفروض نعلم الطلبه مش للامتحان احنا نعلمهم ونحببهم فى الماده دى وبكده مش هنحس اننا بنضيع وقت

وفقك الله والى الامام