مظاهرة الغضب أمام وزارة الداخلية يوم 25 يناير
 

مظاهرة الغضب أمام "وزارة الداخلية يوم 25 يناير

http://www.youm7.com/images/NewsPics...1019222014.jpg

قالت حملة دعم صباحى فى بيان لها، إن مشروع التغيير فى مصر يبدو قريبا وملحا، مضيفة نريد من 25 يناير أن يكون عنوانا لبدء مرحلة جديدة فى مسيرة التغيير الجذرى فى مصر وخروج الآلاف من المصريين فى شوارع القاهرة والمحافظات.

ودعت الحملة،كافة القوى السياسية من حركة كفاية والجمعية الوطنية للتغيير، ومن أحزاب الكرامة والعمل والغد والجبهة والعمل والوسط، وجماعة الإخوان المسلمين وأحزاب الناصرى والتجمع والوفد والاشتراكيين الثوريين وتيار التجديد الاشتراكى والحملة الشعبية لدعم البرادعى ورابطة البرادعى للتغيير، وحركات شباب من أجل العدالة والحرية و 6 أبريل والجبهة الحرة للتغيير السلمى، إلى جلسة تشاورية عاجلة للتوصل إلى التفاصيل النهائية ليوم 25 يناير بهدف توحيد المطالب والهتافات، مع إصدار بيان موحد للدعوة.

http://www.youm7.com/News.asp?NewsID=338717&SecID=65

[SIZE="5"] عشرات الناشطين يحتجون أمام النائب العام للمطالبة بإطلاق الحريات
http://www.youm7.com/images/NewsPics...1117223854.jpg[/SIZE
]

كما نظم العشرات من حركتى "شباب من أجل العدالة والحرية" و"الجبهة الحرة للتغيير السلمى"، وقفة احتجاجية أمام مكتب النائب العام مساء اليوم، الاثنين، اعتراضاً منهم على الوضع الاقتصادى، وسوء أداء الحكومة.
وطالب المحتجون بإطلاق الحريات ومحاسبة المتسببين فى هذه الأوضاع التى دفعت مواطن مصرى إلى حرق نفسه ومحاسبة من يستغل الركود السياسى لتحقيق مصالحه الشخصية، ووجود نسبة كبيرة من المصريين تحت خط الفقر، وتغيير الأوضاع الحالية للمصريين.

انا بقول الناس دي تنام احسن

احنا شعب سلبي محدش عامل حاجة والحكومة لم تسمع لاحد دي بلدهم وهما حرين فيها

واطالب تتغير النشيد الوطني


من بلادي بلادي بلادي لك حبي وفوادي

الي
بلادهم بلادهم بلادهم لك حبهم وفؤدهم

وشكرا للجمع

اكيد دا مصفحة واحدة تفضي شارع

واحنا شعب مسكين

السلام عليكم ورحمة الله وبركاته

و الله ياريت نعمل حاجه .. للإصلاح

التغيير و الاصلاح ما بيكونوش بالساهل لازم ليهم ضحايا .

ربنا يستر .
مشكور ع الموضوع

يد الله مع الجماعه

اللهم اصلح مافسد وانتقم اللهم من كل ماسولت له نفسه أن يرهب الناس ويستغل الناس ويحرم الناس من حقوقهم وحياتهم

ولاتملك فينا أهل الفتنه -- ووفق بعدلك وكرمك كل المصلحين

وأمن لنا الأوطان يارب العالمين

ربنا يستر ---------------

thaaaaaaaaaaaaaanks

لا تعليق لا تعليق لا تعليق

[ما اعتقدش ان اللي هاقوله ده فيه سلبية ولا حاجة لكنه هيكون اكثر واقعية احنا مش هنعمل اي حاجه وان عملنا هتكون حاجات طفيفة لان الى الان في 4 منتحرين ومحدش اتحرك عشان يعمل حاجة وعشان كمان في ظاهرة غريبة في مصر اسمها يلا نفسي وعشان كمان ان الامن بتعنا مش فاهم اي حاجة خالص في تونس مات 90 شخص بس عشان الامن متفاهم معاهم وعارف هو ايه اللي بيحصل لكن عندنا هيموت الالاف والالاف وكمان عشان فيه فروق كثير بيننا وبين تونس اهمها الفروق الثقافية احنا عندنا امية اكثر ومفيش وعي وما تقوليش ما احنا عملنا ثورة قبل كدة الاولانية دي كانت بمساعدة الجيش وكمان عشان ارخص حاجة في البلد دي هم ابناؤه ده طبعا بالنسبة للاسعار دلوقت والدليل على كدة بيموت عندنا كل يوم الالاف من الشباب اللي مش لاقيين شغل ده غير اللي بيموتوا في الحوادث وغير اللي بيموتوا في المعتقلات ليه ما اتحركناش من زمان كنا مستنيين دولة ثانية تقوم بانقلاب ضد حاكمهم عشان احنا كمان نعمل زيها ثم انهم طالبوا بتغيير الحكومة لكن احنا بالكثير قوي هنطالب بتغيير حاجات صغيرة وبعدين هم ثاروا عشان الثراء الفاحش والسريع اللي اصبح فيه كل قريب للريس بتاعهم طب ما احنا عندنا كل من له صلة بالحكومة بيكون في ثراء وعنده اموال ولا اموال قارون ثم ان مين اللي هيعمل المظاهرات دي مش هما يبقوا رؤساء صحف المعارضة اللي هي مش معارضة اصلا واحد زي مجدي الجلاد اللي بياخذ 50 الف في الشهر هيحس ازاي بمعاناة موظف غلبان وعلى فكرة هو اللي كان قايل المبلغ ده لممتاز القط والا واحد زي ابراهيم عيسى اللي بيدور على الشهرة وخلاص وبعدين اوعوا تكونوا فاكرين ان الحكومة المصرية سايبة دول يشتما فيها كدة من باب الديمقراطية لا طبعا دي سيباهم كدة عشان يلهوا الشعب بكلامهم وسايبة واحد زي عادل امام وغيره يضيعوا اخلاق الشباب بافلامهم ده بس علشان يلها الشعب عن الحكومة عمر ما هيحصل ثورة وانقلاب على الحكم غير لما يتوفر الجيش والشرطة لخدمة الشعب مش لخدمة الحكومة وخدمة طبعا حبيب العادلي ولما كمان الطبقة الكادحة والفقيرة والمنسية توجه غضبها نحو الحكومة بس هو فيه شبه وحيد بيننا وبين تونس هو ان الحاكم بتاعهم كان عمل انقلاب ضد حاكمهم وقاد الشعب نحو الحرية والمساواة والعدالة هذه المفاهيم التي تطلع الشعب التونسي لها مثل شعبنا المحروم من هذه المفاهيم فاستحوذ على ثقتهم واصبح هو الحاكم الى ان اصبح الديكتاتور زي عندنا فقد كان الريس هو احد الاحرار الذين ارادوا لمصر الحرية والمساواة والعدل الى ان اصبح هو نفسة الذي يمنع الشعب من هذه المفاهيم وعرفهم على معاني اخرى هي الظلم والقهر والفقر والجوع و و و في النهاية الديكتاتور مش شخص او حكومة الديكتاتور موجود داخل كل انسان اسف على الاطالة

شعارهم نموت نموت وتحيا النخب

كلام جميل

شكرا لك

الحل يا اخواني بسيط وسهل تعرفو هو ايه اقرأوا (الكتاب الأخضر) للعقيد معمر القذافي فالديمقراطية المباشرة والتي تعني الشعب رقيب على الشعب وذلك من خلال المؤتمرات الشعبية واللجان الشعبية والاثنين مسؤلين امام مؤتمر الشعب العام فهيا بنا نجعلها اشتراكية شعبية عظمى بدل من البرلمان المزيف والسلطة التنفيذية الت تسرق الشعب

انا عندي ملحوظه ان الناس اللي مش عاجبها حال البلد تطلع تتظاهر وفككم من التجمعات وعلي فكره لو عندنا نقابات قويه زي اللي في تونس صدقوني البلد دي هتتعدل

سيبكم من الجيش والشعب في فرنسا بس لما اي نقابه بتعمل اضراب اضراب مش مظاهره البلد بتنشل والرئيس نفسه بيطلع ويتكلم

مش كل النقابات مسيطر عليها شويه ناس بيتخانقوا علشان مصالح احزابهم وميهمهمش مصالح ابناء مهنتهم

المظاهرات المعدة سلفاً دائماً ما يحالفها الفشل
حلاوتها فى حموتها