|
موضوع عجبنى...بنت هى اللى كاتبة الموضوع...ماتقولش مـــزة يا استاذ
السلام عليكم ورحمة الله وبركاته للأسف كلمة مزة بقت سلاح بيستخدم ضد المرأة في مصر خلاص الجنس الأنثوي كله بقى بيصنف على انه مزة والكلمة بقت على كل لسان وكل الأعمار والمستويات والطبقات الاجتماعية بتستخدمها مش ممكن نطالب بحقوق مرأة أو ان الست في مصر توصل لمناصب قيادية وهي مجرد مزة ! مين هينتخب مزة عشان تمثله ف البرلمان؟ مين هيروح لدكتورة مزة عشان تعالجه؟ مين هيحترم استاذة مزة بتدرسله؟ ازاي المجتمع هيعاملها ياحترام وياخدنا بجدية واحنا واقفين نتفرج عليه وهو بيخترعلنا اسم جديد وبيفرضه علينا بكل وسيلة وفي كل مكان ؟ لازم كل ست وكل بنت بتحترم آدميتها ترفض ان يتقال عليها مزة لازم نقف في وجه المجتمع ونمنعه من اختزال المراة في مجرد اجساد لازم كل واحدة تعلن انها انسان نوعها امرأة مش مزة لازم كل واحدة تدافع عن كرامتها وتقول أنا مش مزة انا لى حقوق مثلك بالضبط ايها الشاب...طالما انى اراعى الاداب والعادات والتقاليد فليس من حقك ان تعاكسنى نعم...هذه بدايه قبل ان يقول احد ان البنت بلبسها تجبر الولد على ذلك...انا سأتكلم عن فئه لاترتدى الكت ولا شورت ولا بنتاكور..(وحتى لو كنت كذلك فذلك ليس مبررا) من حقى عندما اخرج انا وصديقاتى واحترم كل من حولى من حقى ان تحترمنى وتدعنى لخصوصيتى..لماذا تلاحقنى عيناك ولماذا تسمعنى كلمات غزل؟؟؟؟ انا لم اطلب منك ذلك...ولم افعل مايشجعك على ذلك...انا احترم نفسى اذا يجب ان تحترمنى.. سيقول الشباب البنات بتحب كده واحنا بنرفع روحهم المعنويه وانت يعنى بتشيل على اكتافك الواجب الوطنى ده وهترفع روحنا المعنويه!!!!!!! ليه تفرض نفسك على اذنى؟؟؟وليه تسمعنى هذه الكلمات البذيئه نعم...انا اعتبر كلمه (مزه) كلمه بذيئه كلمه تحط من قدرى وتختصر انسانه بثقافتها وعقلها واخلاقها وتعليمها ودينها فى مجرد(مزه).... عفوا انا انســـــــانه مــــــــــش مـــــــــزه نعم فلتعلم ايها الشاب قبل ان تفكر ان تعاكس (ولن اتكلم من الناحيه الدينيه لانها معروفه للجميع) اعلم انك بهذا لا تنول اعجاب الفتاه وانها تعتبرك طفل صغير او مراهق لايستطيع التعامل او التحاور مع الفتاه فكل مايراه انها (مزه ) لا يستطيع ان بقيم معها حوار وقد تكون تلك(المزه) تفوقه ثقافة وعلما... وللامانه طلعت اليومين دول كلمه سخيفه ايضا بين البنات ..لما تحب توصف ولد تقول(مز)!!!!!! وانا اصلا يوم محب واحد اقول عليه مز عادى كده وفرحانه ودا كده راجل فى عينى والولد بأه بيكون سعيد ومنشكح لما يعرف انه اتقال عليه (مز)..!!!! وبالله عليكم محدش يقولى على فكره البنات دلوقتى بتعاكس الولاد!!!!قولى نسبتهم كام!!ا أو هم مين وتربيتهم ايه...وكلنا عارفين ان البنات المحترمات عمرهم مهيعملوا كده..فانا مش بتكلم عن دول كلامى واضح... انا بتكلم عن بنات محترمه لا عاكسوا حضرتك ولا طلبوا رأيك فى شكلهم..ليه تفرض نفسك عليهم!!! ليه تيجى جمبى وترمى الكلمه وتقول( يامزه ) وتجرى زى اللى عارف انه بيعمل حاجه غلط.. |
اقتباس:
لا يشترط أن تكون معاكسة الفتاة للشاب مثل معاكسته هو لها ! فالفتاة تستطيع أن تثير الشاب وتحرضه علي معاكستها بعدة طرق مثل الملبس ( ودا لوحده مصيبة وكارثة ) , وطريقة المشي , وطريقة الكلام , وطريقة الضحك , ونظرة العين . أتمني منك استبدال اللفظ الذي تكرر كثيراً بلفظ أخر مثل ( انثي مثلاً ) |
انا بتقزز من اللفظة دي واكره وافظع حاجة عندي حد ينطقها قدامي .. بجد بجد بحسها امتهان لانسانيتي .. وياريت فعلا نتخلص منها هي واختها ال بقت بتتقال على الولد .. ويعاكسو براحتهم بس بلاش الكلمة الغبية دي :angry2: شكرا عالموضوع ال تعب اعصابي .. |
فى كل المجتمعات فى وحش و حلو و برده زى ما فيه مزة .. فيه باب تانى بيكلم مع البنت و بيقولها يا اختى ... ^^ و احنا م هنعرف نغير قوم كامل لان ربنا هو اللى عمل كده خلى فيه ناس مش كويسة و ناس كويسة ^^
|
مازلنا فى مصر نعيش الثقافة الذكورية ، التى تنظر الى الفتاه أو المرأة على أنها أنثى ، و أنها فى مرتبة ثانية أو مرتبة أقل من الرجل أو أنها خلقت فقط لامتاع الرجل ، و لا أعرف الام يستندون هؤلاء ، مع أن الأصل فى التعامل مع المرأة على كونها أنسان لها نفس التكاليف ونفس الأوامر التى يتلقاها الذكر ، كما أنها بالنسبة للمجتمع فهى مواطنة لها نفس الحقوق و عليها نفس الواجبات ، فيجب أن تنتهى هذه النظرة من مجتمعنا ، فالمرأة تكون أنثى فقط فى بيتها ، أما خارج البيت هى مواطنة يجب أن تعامل على هذا الأساس ، و أعتقد أن السبب فى هذا مردوده الى نظرة المجتمع الذكورية أولا وثانيا ضعف المستوى الثقافى العام والموجود أيضا عند البعض من الفتيات ، فلا تجد الفتاة وسيلة للفت الانتباه اليها الا كونها أنثى ، فتتفنن فى ارتداء كل ما يصف ويشف ، و اذا تحدثت اليها تجد خواءا فكريا .
كم اتمنى أن ندرك جميعا أن المرأة لها عقل مثل الرجل وتجارب الحياة تثبت لنا ذلك ، بل وهناك من النساء من يتفوقن على الكثير من الرجال العاقلين ، و لكنا نصر دائما على الحط من قيمتها ، و نظن مخطئين اننا بذلك نخضع لتعاليم الدين ، وننادى فى كل وقت وحين أن المرأة مكانها الأمين أن نحجبها عن الناظرين ، و بدلا من تنبيه الغافلين أن النظر الى حرمات الآخرين شئ مهين ، نتبارى فى الهجوم عليها ، ولا نلوم شبابنا على اهمال تعاليم الدين بأن غض البصر هو حصن لجميع المتدينين . |
اقتباس:
بس اللفظ ده هو اساس الموضوع |
اقتباس:
يا ريت الجميع يستفاد منه |
اقتباس:
|
اقتباس:
لدرجة ان فى بنات بتقول على نفسها كده رربنا يهدى الجميع شكرا للمشاركة الجميلة |
جزاك الله خيرا على الموضوع
حضرتك لو جيت تدور هتلاقيها على لسان البنات أيضا بيقولوها لبعض اللهم اهدى شباب وبنات المسلمين والمسلمات |
السلام عليكم
فعلا واللة عندك حق بتحصل قدامى كتير ان ولد يقول لبنت قشطة دة انتى مزة ههههههههههههههههههههههههة بس واللة هى اللى بتلفت نظر الشاب ليها من خلال لبسها وطريقة مشيها يعنى مفيش واحد محترمة ماشية فى حالها وهتتعاكس شكرا على موضوعك الرائع:d |
فى البداية الموضوع جميل وهادف لكن لازم يعترف الجميع ان
المرأة اساس الرجل.. وسر حياته وهى التى تدفعه الى الامام كما إنها إنسان كامل الحرية ولها الحق في التعليم وكل شئ مثل الرجل وهناك من السيدات من يتمتعن بقوة الشخصية والتفكير ويرفضن ما يسئ اليهم بدليل وجود من يرفض اطلاق مثل هذه الكلمه على الرغم من انى اعتقد ان من اطلق هذا اللفظ هم فئة لم تنال حقهامن التعليم والثقافة وعلى فكرة الافلام بتساعد فى نشر الكلمات الغير مفهومة ويتنقلها الشباب وتصبح موضة وحاجات كثيرة شبيهة ودائما هناك من يقول ان البنت المسئولة الاولى عما يحدث لها بطريقة لبسها وغيره وانا اسأل اين كان الاب الذى هو رجل اذا كلنا بشررررررر اذا لن نعمم ان كل شئ المسئولة عنه المرأة فقط واذا كان هناك من الفتيات من تساعد على ما يحدث من الشباب داخل الشارع فهى حرة لها كيانها المستقل وهى المسئولة الاولى عن ذنوبها امام الله ونفسها وضميرها لا امام الرجل اى من سيحاسبها هو الله سبحانه وتعالى اما ما نملكه هو النصح والارشاد وبطريقة لينة تصل الى عقولهم وقلوبهم فى نفس الوقت لكن السؤال المهم كيف امنع مثل هذا اللقب المسئ الى المرأة التى هى الام والزوجة والاخت والابنة اى انها مشكلة الجميع من النساء والرجال بارك الله فيك اخى الفاضل موضوع جميل شكراااااااااااا تقبل تحياتى |
والله اصبح في العديد والعديد من الكلامات المستفذة موجودة في المجتمع
|
اقتباس:
فعلا عندك حق إمتي بقا يعقلوا كده ويبطلوا يفكروا بالطريقه التافهه دي بجد بكره النوع ده من البنات (ربنا يهديهم) النهارده طلعت كلمه (مزه) ياتري بكره ايه اللى هيطلع؟؟؟ بجد موضوع اكتر من رااااااااائع ومتميز وقيم ومفيد ورووووووووووووعه و-------- من الآخر موضوع جميل اشكرك جزاك الله خيرا:078111rg3: |
هذا اللفظ لا يطلق علي كل الفتيات , وانما فتيات معينة فقط والغالبية منهن يرغبن في سماع هذه الكلمة من كل الشباب وبعضهن من نوع معين من الشباب !!
هل يقال هذا اللفظ لمن ترتدي الحجاب الشرعي مثلاً ؟!! هناك من الفتيات من ترتدي زياً لو خرجت من دونه لكان الأمر أهون علي الشباب !! الكثير جداً من الفتيات ينتابهن حزن شديد ان لم يقم الشباب بمعاكستهن ( أقسم بالله أن هذا من فم الفتيات وليس من اختراعي أو توهمي ) ولا يقل لي أحد أن هذه الفتيات قلة قليلة , لا بل هن الكثرة , والا لما أصبح حالنا كهذا !!! نفس الأمر ينطبق علي الشباب , فمعظمه أصبح تافه وفارغ !! كيف لشخص جائع لا يجد طعام أن يطلب ممن يتناول أمامه الكباب وأطايب الطعام ألا ينظر اليه وهو يأكل , وان طال واستمر الأمر لفترة طويلة , فكيف يطلب منه أن يظل صامتاً !!! ان أردت أن تطاع , فأمر بما يستطاع . كلامي هذا ليس دفاعاً أو مبرراً لما يفعله أي شاب تافه وانما هو توضيح لمن تفعل ما يحث الشباب علي معاكستها ثم تظهر الضيق من هذا الأمر !! |
| جميع الأوقات بتوقيت GMT +2. الساعة الآن 11:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.