عايزة اخد icdl بالمنوفية او بنها
 

السلام عليكم ورحمة الله وبركاته

بداية الأمر ليس بهذه الصعوبة ولا داعي للقلق
1- عليكم أولا أن تذهبوا إلى كلية الحاسبات والمعلومات بشبين الكوم يوم الأربعاء وذلك لكتابة استمارة الاختبار
2- يكون معكم بطاقة الرقم القومي سارية أو جواز سفر ساري وصورة شخصية ومبلغ 360 جنيه ثمن الاستمارة والاختبارات مقدما
3- ستقومين سيادتكم بحجز الاختبارات مقدما وليكن يومي السبت والثلاثاء وبالتالي سيكون الوقت حوالي ثلاثة أسابيع
4- الامتحانات غاية في السهولة وليكن معك مثلا الاختبار التفاعلي الخاص بالأستاذ الشافعي الموجود في هذا المنتدى الرائع
5- وفقكم الله

السلام عليكم
ممكن حضرتك تاخديها فى مركز نظم المعلومات
وفية كذا طريقة
الاولى ممكن تاخديها تبع المنحة المجانية الخاصة بالمدرسين اذا كنتى بتعملى مدرسة بالازهر او بالتربية والتعليم
ودى بتكلف حضرتك 200جنية ويسمى تأمين وتسترديهم بعد ما تخلصى الدورة عن طريق الايصال اللى ها تخدية بعد ما تدفعى
والايصال مهم جداً لاستلام المبلغ
واذا فقد لن تستردى البلغ
والثانية
ممكن تاخديها على حسابك الخاص
وتدفعى 120 جنية ويسمى رسوم الدراسة وهذا المبلغ لا يسترد
وعند الامتحان تدفعى 30جنية لكل امتحان ويسترد عند نهاية الدورة
وهذا للعلم لمن يهمة الامر
والسلام عليكم ورحمة الله وبركاتة

استمارة اختبار يعنى اكون دارسة الاول انا معلوماتى محدودة كمان الاكسيل والبوربوينت حجات كتير معرفش فيها حاجة
انا محتاجة ادرس الاول وبعدين امتحن عشان محتاجة اجيب تقدير كويس
انا خريجة خدمة اجتماعية جامعة حلوان ولم اعمل دفعة 2007

شكرا جزيلا لك
مركز المعلومات بشبين تقصد ياريت توضح
والدراسة بتكون مدتها اد ايه؟

السلام عليكم
اولا مركز نظم المعلومات غير مركز المعلومات
مركز نظم المعلومات بتبقا مدة الدراسة والامتحان شهرين وبتدفعى المبلغ المحدد اللى هوة 120جنية تمن الدراسة وهذا المبلغ لا يسترد
واما 30 جنية بتوع الامتحان بتسترديهم بعد ما تخلصى الدورة
لو عايزة رقم تليفون مركز نظم المعلومات ممككن اجيبة لحضرتك

[quote=عبدالمنعم عاشور;3046739]السلام عليكم
اولا مركز نظم المعلومات غير مركز المعلومات
مركز نظم المعلومات بتبقا مدة الدراسة والامتحان شهرين وبتدفعى المبلغ المحدد اللى هوة 120جنية تمن الدراسة وهذا المبلغ لا يسترد
واما 30 جنية بتوع الامتحان بتسترديهم بعد ما تخلصى الدورة
لو عايزة رقم تليفون مركز نظم المعلومات ممككن اجيبة



جزاك الله خيرا
حوالى 330 كله كده كويس معقول جدا
ياريت تبعتلى الرقم عشان اتصل اشوف المواعيد والمكان
متشكرة جدا لحضرتك

ممكن حضرتك تتصلى على الارقام دى
0163131290
0125649114
وان شاء الله هجيب لحضرتك الارقام الارضى لانهم مش معايا حاليا
انتى هاتتصلى على الرقم دة وهما هايقولوا لحضرتك على كل حاجة

جزاك الله كل خير
متشكرة جدا ربنا يعدى الايام دى على خير وأبدأ اتحرك
لو اخدتها هناك هما بيدوا درجات كويسة