بوابة الثانوية العامة المصرية

بسم الله الرحمن الرحيم
السلام عليكم ورحمة الله وبركاته

ف الاول احب انى مكنش بتقل عليكم بس انا قلت اتكلم هنا علشان كنت محتاج انى اتكلم مع اى حد

انا اسمى رامى من اكتوبر
انا كل مشاكلى تعتبر دراسية
والسبب انى مكنتش عايز ادخل ثانوى عام
بس اللى حصل انى دخلته وده كان بسبب والدتى وقرايبى
المهم
انا كنت متفوق جدا ف دراستى وكنت بطلع من المتفوقين دايما ف اخر السنة
وجيت ف اعدادى جبت مجموع 90%
وبصراحة انا مكنتش عاوز ادخل ثانوى عام
بس طبعا زى ما بيتقال حكم القوى
بعد ما دخلت ثانوى عام ابتدت المشاكل
1-مستوى دراسى منخفض جدا
2-بقيت دايما سريع الانفعال ودايما بتخانق مع زمايلى ف المدرسة
____________________________________
دى حاجة
الحاجة التانية
انا حلمى من وانا صغير وحلم اهلى برضه انى ادخل كلية هندسة
وكنت شايف ان ده هيتحققلى من صنايع احسن من العام
ولكن طبعا كل محاولاتى مع والدى ووالدتى فشلت
وكله بسبب انى كنت متفوق دراسيا
وجيت السنة دى وانا ف تانية ثانوى حاولت انى ابدا بدايه جديدة مع الثانوى العام وقلت احاول انى اجتهد واذاكر وربنا يوفقنى بس للاسف برضه كل محاولاتى راحت ف الهوا
وبقيت اروح المدرسة بس علسان امسح الغياب واقعد مع زمايلى شوية وامشى
وحاولت انى اخد دروس ف المواد بس من كتر ما زهقت وياست سيبت الدروس وبقيت بقعد قدام الكتاب اقرا الدرس واحل عليه بس برضه كل ده حاسس انه فشنك
والدتى كل ما تشوفنى تقولى زاكر وبتفكرنى بايام زمان كنت ف المواد كلها تمام خصوصا الرياضة والعلوم والتاريخ والانجليزى
بس للاسف انا مش قادر انى اشوف نفسى ف الثانوى العام
____________________________________
سالت مدرسين كتير عندنا ف المدرسة عن الحكاية دى كل نصحنى بانى اتقرب من ربنا بالصلاة والدعاء وقراة القران
مع العلم انى بصلى من وانا ف اولى ابتدائى ووالدى معودنا على التدين
وبصراحة اخر امل ليا هو ان حد هنا يجاوبنى
علشان انا مش قادر اتخيل نفسى ف كلية غير الهندسة

وطبعا كل الكلام ده ماثر عليا نفسيا وبقيت ف تعب دايم

ياترى ايه الحل؟؟؟؟؟؟؟؟؟؟؟؟؟؟؟؟
واتمنى ان ربنا يجعل ف وشكم القبول والاقى النصيحة اللى من هنا هى النصيحة اللى تخلينى رامى بتاع زمان
الطالب المتفوق
والسلام ختام