لو كان بتوع يوم الغضب طالوا حاجة .يبقي أنتم هطولوا حاجة
 

يا جماعة الخير أقدر فيكم الحماس .
لكن وكتير هيزعل منى .......مش هتنجح الوقفة
ولو وقفتم سنين مش هتفرق معاهم
دول عالم لايخاف الله .هيخافوا منكم
وعلى فكرة اللى عارف بالوقفة قليل جدا يعنى لو راح حد هيكون حوالى بالكتير قوى 1000فى حالة لو راح حد
وعلى فكرة الحكومة مش هتوافق على أى طلبات خالص وده لأسباب كتير منها
أولا الحكومة لم تشبع من السرقة حتى الآن
ثانيا هيقولوا لو وافقنا على طلباتهم هنلاقى الكل طلع بمظاهرات يطالب بحقوق زيهم يبقي نستهم ولو بالقوة ويكونوا عبرة لغيرهم
ثالثا لستم القوة الضاربة التى تهز الحكومة والوزير وخصوصا وزيرنا المتغترس يعنى لو قرأنا الواقع هنلاقى نفسنا مفيش غير الهترة وقلة القيمة مع ناس لاتخاف من عقاب ربنا
دول بيحاربوا ربنا مش هيقدروا على شوية كيك على النت
أين نحن من أيام عمر بن عبد العزيز الذى كان يتقى الله فى المال العام
على فكرة الريس وأمثالة بشرهم الرسول بعذاب النار ويوم الحساب قريب
لو الريس يفكر فى اللى مر من عمره هو ومن حوله هيجد وا أنفسهم أقرب مما يتوقعون من لقاء الله
والقصاص هيكون عسير وأليم ومضاعف
وأفوض أمرى إلى الله
وأنا معكم فى الوقفة علشان محدش يقول ده جبان وخواف أنا أول المتواجدين لو كان فى وقفة بجد

أحيي فيك روح الشباب
باين عليك صغير مشفتش من الدنيا حاجة
هترضى وهتطاطى والأيام بيننا وهنتقابل يوم 30لو جاء يوم 30

بحر العرب إلهي تغرق في بحر الظلمات

حرررررررررررررررررام عليك والله احنا قلنا اللى عنده كلمه حلوة يقلها واللى معندوش يتفضل يخرص علشان بجد مش ناقصة امثاللك يحبطوا فينا زيادة كفانا اللى احنا فيةميعادنا 30/1 ان شاء الله

سؤال وارجوا الاجابة عليه من المحترمين مشرفى المنتدى ايه هدفكم فى تثبيت الموضوع ده بالذات دون موضوعات المندى الاخرى مع ان ده من وجه نظر الاعضاء غير ضرورى بالمرة للتثبيت

دي سياسة جديده للمنتدى مش عارف ايه لازمتها
يعني المواضيع اللي بتشجع على التظاهر بتكون عادية وممكن تتحذف
انما موضوع زي المكتوب ده ممل وبيكسر المجاديف ... فيجب تثبيته
ليه بقى ؟؟؟؟؟؟؟؟ اسألوا المشرفين

السلام عليكم ورحمة الله وبركاتة

بصراحة انا شايف ان كلامة فى كتير من الصح ، وبالرغم من ذلك لابد من وقفة نعبر فيها عن غضبنا وعن وجهة نظرنا


يا جماعة مفيش شىء قانونى ماشى فى البلد ، احنا مش هنضحك على روحنا ، وابسط مثال على ذلك انا


فالبرغم من انى من ذوى الاحتياجات الخاصة ومن حقى التعيين وانا الان متخرج من 11 عام واعمل من 9 سنوات فى التربية والتعليم ، وبجرد مطالبتى بحقى فى التعيين ضمن نسبة المعاقين لا اجد اى جدوى سوى قلة القيمة والخناق

لدرجة اننى وفى فترة من الفترات اصبحت معروفا بالاسم والشكل لامن الوزارة من كثرة ذهابى للوزارة للمطالبة بحقى ولولا اننى معاق لكان مصيرى الحبس منذ فترة طويلة


كنت فى البداية اظن اننى عندما اطالب بحقى وانا فى ظروفى هذه اجد من يعطينى ذلك الحق ولكن مع مرور الايام عرفت ان لا حق فى هذا البلد

ملحوظة بما ان ادارة المنتدى ثبتت مثل هذا الموضوع فهى مصلحة لنا جميعا لاننا هنقدر نقول كل اللى عايزين نقولة بسهولة وحرية ولو حذفوة يبقى خير وبركة هههههههههههه

يا استاذى انا اختلف معك تماما
لان احنا طلباتنا واضحة وصريحة ومعلنه
والباقى على ربنا

وموش هنرجع الا بالتأكيد على التثبيت
زمزش هنمشى الا بقرار من الوزير
والمختصين