كيف نصبح علماء او مخترعين او شخصيه مؤثرة؟
 

موضوعكم جميل وهادف وله تميزة العلمى والأجتماعى لصالح تنمية المخترعين والمبدعين فى مصر
ولكنى أضيف من هىالهيئة الواجب عليها رعاية هؤلاء المبدعين... أهى أكاديمية البحث العلمىأم جمعيات أهلية مصرية تحب هذا الوطن وأبنائة
ممكن من خلال منتدى الثانوية العامة أن نطرح هذا الموضوع الهام ونعمل معا جميعا على نجاحة ودعمة
والله الموفق والمستعان وشكرا لطرح الفكرة الرائعة

جزاكم الله كل خير وتوفيق أستاذ مدحت صلاح
مروركم شرف لنا جميعا

ياريت يهتم أحد بالناس الى نفسها تتعلم كويس عشان تحاول تبدع

الحقيقى كثير من ابنائنا مبدعين ولكن نظام التعليم التلقائى يقتل فيهم الابداع فى حين ان الدول المتقدمه تنمى هذا الابداع اذا وجوا طفلا يشخبط يبقى فنان ويهتمو به ويصبح فنانا مشهورا واذا لعب بالمكعبات يبقى مبتكر ويحب الفك والتركيب وهكذا اما نحن يكون الطفل فعلا موهوبا ولا نهتم به لافى البيت ولا فى المدرسة فتضيع موهبته
يا ريت نهتم فعلا بالموهوبين فهم فى صغرهم موهوبين وببعض الاهتمام سيكونو مبدعين وعلماء

[quote=هبة اسماعيل;3447975]انا طالبة كنت فى المرحلة الاعدادية وسأتوجه ان شاء الله السنة القادمة الى المرحلة الثانوية واحب ان اكون مبدعه افيد مصر بقدر ما استطيع ولكن كيف ؟ كيف استطيع ان انمى مهاراتى لم انكر انى قد حاولت و يكفى شرف المحاولة لكنى اريد فعلا بشدة ان اصبح من المبدعين المصريين والمبتكرين ارجو من المهتمين بهذا الاقتراح ان يضعوا خطط لتنمية مهاراتنا وانى سوف اتبع كل ما يطلب منى لكى انمى قدراتى سواء كان فى اى مجال من المجالات العلمية والله اعلم بما اقول ولكم جزيل الشكر .. والتقدير لمقترح هذه الفكرة وجميع الاساتذه المؤيدين ...
ما شاء اللع عليكى يا هبه واتمنى ان يكثر الله من امثالك فمجرد اهتمامك للدخول الى هنا والسؤال يوحى فعلا بعزيمتك واول ما انصحك به هو القراءة فى التنميه البشريه وتحديد الاهداف فهناك كتب للدكتور ابراهيم الفقى انا شخصيا افادتنى كثيرا وطبعا كتب العلوم والمعرفه انا لست متخصصه ولكنى تربويه وام اسعى لجعل اولادى علماء وانصحك بما افعله معهم من الان وهم صغار ولا تنسى انتى الان فى الاجازة استفيدى منها فى دراسه الكمبيوتر
فمراكز الكمبيوتر فى مصر كثيرة فاستغلى وقت فراغك فيما هو مفيد حتى لا يضيع منكى هباءا وفى النهايه اتمنى لكى النجاح والوفيق:av4056bb7jp3:

اتوجه لحضرتك بجزيل الشكر وان شاء الله هاكون عند ظن حضرتك وسابدأ بقراءة ما هو مفيد وياااااااارب احقق اهدافى وانفع بلدى وتحققى لاولاد حضرتك ما تريدينه ياارب و يكونوا عونا لبلدنا مصر الحبيبه

ربنا يوفقك ويا ريت تحاولى تشجعى اصحابك حتى تتسع الدائرة واصحابك يشجعو اللى يعرفوهم وهكذا نستطيع تغيير جيل باكمله

تحية طيبة لحضراتكم
الأن موسم الإجازة المدرسية وهى فرصة للقراءة والأطلاع والهوايات فهيا نسارع فى الأستفادة منها
وربنا يوفق الجميع للتقدم

فعلاً يامستر يجب علينا الاستفادة من الاجازة بتنمية مهارتنا بشكل خاص اى فى المجال الذي نحبه وان شاء الله سافعل ذلك

بس فى مشكلة فى المكتبات العامة اللى احنا بنروحلها عندنا مكتبة مبارك فى بورسعيد شرط بدخول قسم الكبار اللى فيه الكتب العلمية الكبيرة اللى على اد عقليتنا ان يكون السن 16 او اكثر من 16 سنة مينفعش يبقى 15 او 15 ونص هو القراءة بالسن ولا بالعقل مش لازم يبقى سننا كبير عشان نستوعب اللى احنا بنقراه او حتى عشان نحافظ على الكتب واداب المكتبة هو ده اللى المفروض يتراعى ازاى يعنى احنا نبقى عندنا 15 سنة وعاوزين نتثقف فى حجات اكبر من عقلنا ميرضوش ويخششونا قسم الاطفال اللى مفهاش غير قصص الاطفال و حجات منستفدش بيها اصلا ....