رأى والكل يشارك
 

عندى رأى يا جماعة وأرجو من الحضور المشاركة لو بكلمة
الحل مش فى الإعتتصام لأن هناك فيه حل واحد ليس له ثانى
وقبل ما أقول الحل أريد أن أسأل سؤال لكل واحد فيكم
1- كم عدد المعلمين المتعاقدين فى مدرستك
2- كم تكون نسبتهم بالنسبة للمدرسين الأساسيين

إذن الحل هو الإنقطاع عن العمل للمدة ثلاث أيام على الأكثر أثناء سير الدراسة
لأنه ببساطة مش هتموت من الجوع ولا هتندم على ال 365 جنيه فى حين الناس اللى بتقبض ما يزيد على الألف
رغم أنهم أقل منك فى المؤهل

يا جماعة والله لقد أصبحنا أضحوكة الناس وما نلاقيه من شفقة
قولولى بالله عليكم من المستفيد من هذا الوضع
أنا شخصيا لا أريد التعيين ولكن أريد أن أعيش عيشة كريمة , مرتب مناسب ,وضع اجتماعى مناسب 0

كله كلام فاضى

إحنا بإذن الله رايحين ويا ريت اللي عنده كلمة يخليها لنفسه

لا تراجع عن الإعتصام موعدنا 30/01/2011

مشكور يا أبو عبدالرحمن على المتابعة
بس يا اخى انت ممكن تكون فهمتنى خطا الواحد مشعارف يعمل ايه من اللى بيحصل دلوقتى
وأحب أقوللك على معلومة انا مسافر السعودية بعد 20 يوم تاركا عقدى ولااعلم كيف تكون الحياة لكن انا مضطر
وانا مشفق على اخوتى واخواتى من اللى سيحدث

والله يا أبو عبدالرحمن أنا معاكم فى كل حاجه أنا كنت اول واحد فى حملة التوقيع
ويا أخى مفيش أسف احنا اخوات

بلاش اليأس وخلينا نعمل حاجة الاعتصام دة ابسط شئ عشان نرجع اي جزء من حقوقنا او علي الاقل نثبت ان لنا حقوق وضايعه