الوطن باق والأشخاص زائلون .. ومصر العريقة هي الخالدة أبداً
 

http://www.algomhuria.net.eg/algomhu...G-1%20copy.jpg

انا مش هاتكلم كتير عن الفتره اللى فاتت , وايه اللى حصل .. لان الدنيا كلها عارفه ايه اللى حصل
والتاريخ سيشهد بذلك .

لكن دلوقتى وبعد التطورات دى كلها والاحداث الجاريه
وبعد كلمه الريس امبارح

ايه احساسك دلوقتى ..

• لسه عاوز تكمل مع المظاهرات ويسقط النظام ويرحل الرئيس مبارك .
• نصبر ونشوف اللى وعدنا بيه الرئيس ونهدى كده شويه

ياريت اسمع ارئكم كلها , واى حد عنده راى يطرحه للنقاش

ويارب الفتره دى تعدى على خير http://l.yimg.com/us.yimg.com/i/mesg/emoticons7/2.gif

المفروض بجد نصبر شويه و نشوف ايه الى هيحصل و يا سيدى ان محصلش الى احنا عاوزيه نبقا نتظاهر تانى و ساعتها مصر كلها هتخرج .

ان لم يعطي النظام الحاكم ضمانات تؤكد علي اجراء اصلاحات دستورية فعلية وكما يطالب بها أغلبية الشعب المصري , فلن تخرج كل هذه الجموع مرة أخري !!
الذي يفعله النظام الحاكم الأن من تصريحات ووعود وفي نفس الوقت نري أفعال تتناقض مع الوعود والتصريحات وتؤكد علي الاستمرار في عدم الثقة في النظام كله !!!!!

فعلا الموضوع كله فى الثقه لان الشعب مش واثق ان الحكومه هتنفذ لانها بتوعد و بس

يا جماعه المفروض نصبر شويه ونشوف ايه الى هيحصل
وربنا يستر علينا

السلام عليكم

نكمل

ليتها تكتفي بالوعود فقط , بل الأدهي أنها تفعل ما يتعارض تماماً مع كل وعودها وتصريحات كل المسئولين ( بما فيهم نائب الرئيس ورئيس الوزراء الجديد ) , الجميع لديهم نفس السياسات , فلا يغرنكم الكلام المعسول والمغلف بالمنطق والحكمة , بينما النية المبيتة هي بقاء النظام حتي وان لم يكن الرئيس علي رأس هذا النظام !!
هذا هو الهدف الأمريكي والاسرائيلي والذي يسعي إليه الحزب الحاكم الأن !!

لازم نصبر شوية لان دلوقتى بيحاول انه ينقذ اللى يقدر عليه
وحتى كمان نقدر نعرف مين من الاشخاص اللى يكون قادر
على تحمل المسئولية بعد الدمار والخسائررر وكمان موضوع الثقة
مفيش منه خوف لانه شكل حكومة معظمهم ناس محترمة وبيحاولوا يعملوا
حاجة .. ومعدش ليه لزوم الثورة لان المطالب كلها وضحت....

طب بجد حضرتك فهمنى..... كلهم بيحاولوا يعملوا حاجة علشان البلد تمشى.... رئيس الوزراء رجل محترم وليه سجل مشرف... يعنى كده معدش فيه حد كويس خالص....يعنى احنا رايحين لفين !!!!!!!

لم أقل بأنه يجب أن يرحل الأن , ولكن يجب عليه اعطاء ضمانات مؤكدة باجراء التعديلات الدستورية بالفعل وأن تكون الانتخابات القادمة تحت اشراف القضاء دون أي تدخل من الدولة بأي صورة من الصور !
أما عن الحكومة الجديدة , فما هو الدليل علي كونها حكومة محترمة ؟!!
لقد صرح رئيس الوزراء بأنه طلب من رشيد محمد رشيد أن يتولي الوزارة , ولكنه رفض , ثم يأتي قرار النائب العام بمنعه من السفر والتحفظ علي أرصدته !! ونفس الأمر حدث مع وزير المالية السابق , ولكننا في انتظار قرار النائب العام بشأنه !!
رئيس وزارة يختار وزراء لا يعرف مدي أمانتهم ونزاهتهم , فهل يصلح لتولي هذا المنصب ؟ وهل يختلف في هذا الأمر عن سابقيه ؟!
هذا بخلاف تأكيده علي عدم التعرض لأي شخص في ميدان التحرير بأي صورة من صور الأذي وتأكيده مراراً علي هذا الأمر في عدة قنوات فضائية , وفي صباح اليوم التالي , يحدث ما رأيناه جميعاً ورأه كل العالم أيضاً , ثم يعتذر عما حدث ويؤكد بأن الحكومة غير مسئولة عما حدث , فمن هو المسئول , وما هي فائدة الحكومة , وما هي فائدة الداخلية , وما هي فائدة وجود الجيش هناك ؟!!

انا مع انة يرحل علشان المظاهرات تهدى

لان المظاهرات مش هتهدى الا مع رحل الرئيس

على فكره لو رحل البلد هتغرق ومش هتطفو مره تانيه
وهنعمل زى العراقيين ونقول نار مبارك ولا جنة امريكا
والمظاهرات اصلا ماكانش من مطالبها رحيل الرئيس
بس العناصر المندسه فى وسطهم لمصالح شخصيه لما شافت ان الرئيس بينفذ مطالب الشباب قالوا نطلب رحيله فى وسط الهوجه دى واحنا نستولى على عرش مصر

بس لانه راجل وطنى وبيخاف على بلده ماسبش الحكم
عايزينه يهرب زى غيره لامش هيحصل لان مصر مش زى تونس ولا مبارك زى بن على
الراجل ده بيحب بلده

موجود دلوقتى نائب وهو عمر سليمان يستلم الحكم