|
حيرتونى
بجد انا احترت من الاخبار العاجله دى فى ناس تقول ان المتظاهرين ابتدوا يمشوا من ميدان التحرير و ناس تقول انهم هيفضلوا لحد ما يحققوا كل مطالبهم و ناس تقول ان الريس هيتنحى و ناس تقول لا بجد انا احترت و اتشتت و مبقتش عارفه اصدق مين بالظبط .
|
ههههههههههههههههـ
عندك حق والله الاخبار دى كلها تجنن بس هما قالوا مش هنمشى حتى لو مبارك مشى لازم كل المطالب تتحقق وبعدين نمشى يعنى مبارك يمشى وحكومة وحدة وطنية تمسك ويحصل تعديلات دستورية ............. ومش عارف ايه تانى |
اقتباس:
يا خبر دا احنا كده لسه ادمنا للسنه الى جيه . |
فعلا والله ! بس انا عندي اقتراح : احنا نفضل فالتحرير كدا لحد ما الريس يمشي والنائب يمشي والوزارة تمشي والنظام كله يمشي بمجلسي الشعب والشورى وننتخب ريس على مزاجنا وحكومة ونظام .. ومش مشكلة بئا البلد ايه ال هيحصل فيها ! وعجبي من هكذا عقل ! |
اقتباس:
بجد عندك حق يا نقاء |
اسمح ليا ارد عليكى انا لما طرحت الموضوع مكنش قصدى انه تنحى بالفعل انا كان قصدى انه نفترض انه تنحى ومشى وساب البلد
هانعمل ايه ومين اللى هايسبق وياخد حتة التورته اما بالنسبة لخبر ان اللى فى الميدان مش هايمشوا ده طبعا اكيد رافضين يمشوا وعمرهم ماهايمشوا الا لما يتحقق اللى هما عايزينه وخلينا مستنين |
اقتباس:
علشان لو فضل الحال على كده البلد هتخرب الناس عاوزة تصرف مرتباتها ومش عارفة ربنا يستر ولازم يكون فى حل سريع |
محدش مدرك ان فيه ملايين من الناس بيعيشوا يوم بيوم
فيه عمال باليوميه مش لاقين قوت ولادهم ارحمونا بقا و ارحموا الناس الغلابه دى |
بجد احنا لازم الوقت ندعي ...لان دي الحاجه الوحيده اللي نثق فيها الوقت
|
احمينا يارب من الفتن وعدى بينا يارب كل المحن
يارب ارحم مصر والمصريين اللهم امين |
اقتباس:
ومش مشكلة اصحاب المرتبات البنوك ممكن تفتح .. لكن الملايين ال بيشتغلوا باليومية تعمل ايه ؟؟ لازم نفكر فبعض .. حرام ال بيحصل ده |
اقتباس:
انا مش اصدى عليكى خالص انا شوفت موضوع بيقوا ان الريس هيتنحى و هيسيب الحكم لعمر سليمان و ناس تقول لا و بجد كل الاراء متضاده و انا احترت اصدق مين . |
اقتباس:
بس اتوقع الحظر هيرفع وتعود الحياة لطبيعتها |
لالازم نشد من عزم بعض الشيخ القرضاوي رئيس علماء المسلمون علي مستوي العالم يقول اصبروا وسابروا واثبتوا ان نصر الله قريب لقد فرض عليكم ما انتم فيه ودعا عواصم الدول الاسلاميه ان يثبتوهم بالدعاء لهم لانهم في موقع عصيب مما ادي
عدد من المظاهرات في العواصم الاسلاميه والغربيه تؤيد المصريين وتقول لهم اثبتوا وتصف مبارك بالطاغيه وتدعو المحكمه الدوليه بمحاكمته كما قال شاب من المتظاهرين اما السفاره المصريه في الاردن انا مصري طالع عيني هنا من غير كرامه اصبروا واسقطوا حكمه تزايد عدد المحتشدين في التحرير الي ثلاثه مليون اعلان الاخوان المسلمين انهم لن يتم ترشيحهم للرائسه ولن يكونوا من طلاب السلطه في يوم من الايام وانما نريد اصلاح البلد ولن نكون الثلث المعطل في مجلس الشعب |
اقتباس:
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههه سبحان الله بجد ولا حول ولا قوة الا بالله عندى تعليق بسيط على الجملة الى انا علمت عليها بالاحمر اولا القرضاوى ده رئيس علماء على نفسه وتانى حاجه عرفت اهمية حديث الرسول - صلى الله عليه وسلم - " استفت قلبك وان افتاك الناس وافتوك " صدق رسول الله -صلى الله عليه وسلم - بتدعى الشباب للخراب بلدهم كنت فين وكان فين علماء المسلمين والقدس بضيع ولا احداث العراق مكنش عايش ولا كان نايم نومة طويلة وصحى مع شباب الفيس بوك انا اثبتوا واصبروا ان نصر الله قريب على الاساس ان كافر الى ماسك الحكم او يهود حاكمين البلد بنحاربهم والله المجانين فى نعيم انا مش عارف اقول ايه بس بجد الله يرحم صدام حسين او جمال عبد الناصر الى كان يعيش فى حكمه مكنش يقدر يجيب سيرته وكان حاكم البلد من حديد ومع ذلك الشعب كله كان بيحبه دى اخرة الديمقراطيه والله الشعب ده فعلا عاوز يتحكم صح وكان فى بنت وواحد اسمه عماد على الاولى حالا من شباب الفييس والله دورت على الارقام انى ادخل مباشر واكسفهم بس مظهرتش بصراحه اديهم 10 /10 تمثيل كل لما حد يدخل مكالمة ويقول خطبة وطنيه تعيط ويقولك التانى الشباب عاوز يتجوز ومش لاقى شغل هنشوف هل شباب مصر كله هيشتغل ولا لا ؟؟؟ |
| جميع الأوقات بتوقيت GMT +2. الساعة الآن 04:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.