بوابة الثانوية العامة المصرية - نـــــداء للاســتــاذ أبـــو بــطـة والاخوة الزملاء

بالله عليك عايز مساعدة حضرتك على وجه السرعة ، لإنة بقوم بإعداد ملزمة بها أسئلة واجابات واعايز انزلها المنتدى قبل الترم الثانى .

هتناقش مع حضرتك فى موضوعين الموضوع الاول نختلف مع بعض فيه ومع الاخرين أما الموضوع الثانى فنتفق مع بعض فيه ولكن نختلف مع الآخرين . أقصد بالآخرين : الاخوة الزملاء الاعزاء اللى فى المنتدى ومنهم أستاذى الفاضل سيف سالم .

الموضوع الاول بخصوص الامر Do While ... loop
مثال

sum = 0
x = 1
Do While x < 5
sum = sum + x
x = x +1
loop

المطلوب
1- قيم المتغير x .
2- القيمة النهائية للمتغير x والتى يتوقف عندها التكرار .
3- عدد مرات التكرار .

الحل الخاص بى وببعض الزملاء داخل المنتدى
عدد مرات التكرار هو أربع مرات ، وقيمة المتغير x هى 2 و 3 و 4 و 5 وقيمة x التى يتوقف عندها التكرار هى 5
الاختلاف ناتج من المرة الرابعة للتكرار والتى تكون فيها قيمة x = 5 والتى تكون غير مطابقة للشرط .
أنا فى البداية كنت مثل حضرتك ولكن اقتنعت بالعافية .

وذلك للآتى عندما تكون قيمة x=4 فى المرة الثالثة للتكرار سيكون قيمة الشرط True وبالتالى سيقوم البرنامج بتفيذ الاوامر التى تلى Do While والتى تكون المرة الرابعة للتكرار وتصبح عندها قيمة x = 5 وعندما نعود لمطابقة الشرط نحد ان قيمة الشرط False ولكن ذلك بعد ما تم التكرار وظهرت قيمة x = 5 . فهل من الممكن أن يعود البرنامج عما قام بتنفيذه .
************************************************** ****************************
الموضوع الثانى بخصوص الامر For ... Next
اللى انا وحضرتك بنتفق فيه ولكن نختلف مع بعض الاخوة داخل المنتدى

مثال

x = 2
for i = 0 to 7 step3
x = x*2
next

المطلوب
1- عدد مرات التكرار .
2- قيم المتغير i .
3- قيم المتغير x .

الحل الخاص بى واعتقد مما رأيته من مشاركات حضرتك ان أيضاً مثل حل حضرتك

المرة الاولى للتكرار قيمة i =0 قيمة x = 2*2 = 4
المرة الثانية للتكرار قيمة i = 3 قيمة x = 4 * 2 = 8
المرة الثالثة للتكرار قيمة i = 6 قيمة x = 8 * 2 = 16

وذلك لأن كلمة for تحدد بدابة التكرار وبالتالى قيمة i=0 تعتبر ضمن التكرار ( المرة الاولى للتكرار )

الحل الخاص بالاخوة الزملاء
المشكلة اللى محيرانى انهم متفقين فى عدد مرات التكرار وقيمة x ولكن الاختلاف فى قيمة i .
حيث كانت قيمة i لديهم 0 و 3 و 6 و 9 .
طيب ازاى بيذكروا ان عدد مرات التكرار ثلاثة فقط . وازاى قيمة i=9 وانا اخر قيمة عندى 7 .

أرجوووووووو المشاركة من الجميع للوصول لحل نهائى وموحد للكل ولكن يكون عن اقتناع للجميع