يحيا ميدان التحرير............ امريكا وصلت
 

لوس أنجلوس تايمز: بعض قطع الأسطول السادس تتجه إلى البحر الأحمر


آخر تحديث: السبت 5 فبراير 2011 3:14 م بتوقيت القاهرة








ذكر مسئولون أمريكيون، الجمعة أن وزارة الدفاع (البنتاجون) بدأت تحريك سفناً حربية وبعض عتادها العسكري للتأكد من جهوزيتها حال اقتضت الضرورة إجلاء رعايا أمريكيين من مصر.

ووصلت كيرسارج، وهي سفينة هجومية برمائية على متنها ما بين 700 إلى 800 من المارينز من وحدة الاستطلاع 26 التابعة لمشاة البحرية المارينز بالإضافة إلى السفينة بونس إلى البحر الأحمر، ورابضتا قبالة سواحل مصر حال تدهورت الأوضاع هناك. واستبعد مسئولون في البنتاجون كلياً احتمالات التدخل العسكري في مصر، جازمين بأن تحريك القطع البحرية لأغراض الطوارئ حال استدعت الضرورة عمليات إجلاء من هناك.

وبالإضافة إلى قوات مشاة البحرية، تضم ترسانة كيرسارج عادة عشرات المروحيات وطائرات مقاتلة من طراز هارير قد تستخدم في مهام الإجلاء وعمليات إنسانية وفق مسئولين، علماً أن أكثر من ألف من طاقم السفينة الحربية كانوا قد أوفدوا إلى أفغانستان الشهر الماضي في عملية نشر مؤقتة، ما يترك القطعة البحرية بثلث طاقمها المعتاد حالياً.



الرابط:
http://www.manshet.com/link_view.aspx?PageLink=40

ممكن يتقال

لاحول ولا قوة إلا بالله اللهم احمي بلدنا من كل سوء آمين

أمريكا أكبر حليف لنظام مبارك وترغب في استقرارها واستمرارها هو هذا مايمكن أن يقال بطلوا بقي نغمة المؤامرة والتفتيت يا مخبرين يا مخبرين

اللي يقبل الوضع ده يقال عليه ( أمعه ) .................................................. ....................

وفسروا بقى معنى الكلمة دي

معلش وفى رايئ حضرتك جايين ليه؟
بعد ما طلبوا من مبارك الرحيل
وبعد ما رشحوا البرادعى
وبعد ما طمئنوا اسرائيل ان اللى جاى افضل

اللي يتقال بعد كدا ان حضرتك واللي زيك يروح يكملوا نوم في ثبات عميق ويتغطوا كويس خوفا من أمريكا و نظام مبارك لما يزول.لكنكم ببساطة وخدين علي كدا النوم و بس انما نطالب بحقوق لأ, انما نطالب بحرية لأ, نطالب بكرامة لأ,نتنهب ونتسرق في قوتنا ولقمة عيشنا أه,نتبهدل ونتذل يا سلام ولا أجمل,يضحك علينا بشوية وعود عمرها ما هتتحقق ياااااااا كمان ونبي كمان,تتزور أصوتنا وتتسرق أحلام هو دا المطلوب.
لكي الله يا مصر.

يا ريت يكون اسلوبك فى الحوار افضل من ذلك
ولا انت فاكر نفسك وطنى
والناس كلها خونة وجبانة
انت واللى فى التحرير مرفهين وبتفكرو فى تعديل الدستور
هو انت كنت قرأتة
محدش بيتكلم عن البطالة والاسعار
وكأن الكل حفظ الدستور
وبقت هية المشكلة الاساسية
لو كلن كدة قولى المادة 89 من الدستور فيها اية؟

و الله حاجة غريبة فعلا هو انتم لما ما تعرفوا تردوا تقولوا عضو جديد لو حضرتك نظرتي لتاريخ عضويتي هتلاقي قديم يا استاذة من شهر 6 /2010 و لكان انا ولا أنتي ولا أي حد يعرف انه ممكن في ثورة تقوم في مصر .
بدل ما نتكلم في قديم وجديد ناقشي الموضوع بموضوعية ويكون عندك قدرة علي تقبل الاخر ومتبقيش كدا زي الحكومة والنظام والحزب الوطني.............. تحياتي.

انا لم اتعدي علي أحد ولم اتهم أحد بالخيانة ويا رب نكون كلنا وطنين مش أنا بس ولا أنت بس. والله انا مش مرفه انا طالع عيني زي كل المصريين مرتبي 320 جنيه قولي انت بقي اعمل بيهم ايه.و يا ريت حضرتك تتفضل وتقولنا ايه اللي في الدستور مع اني اعرف اني ارادة الشعوب اقوي من اي دساتير في الدنيا........... تحياتي

يااخى حرام عليك بقى ارحمنا من افكارك دى يعنى مش عارفة والله ازاى بتتكلم عن ظلم النظام ونهبه للبلد ودلوقتى شايف ان لو دخلو يبقى شىء عادى حسبنا الله ونعم الوكيل احنا مش مخبرين احنا ناس بنحب مصر