انسوا التثبيت
 

اخدنا صابونة
يعنى ناس تثبت وناس لا لية يعنى واحنا ذنبنا اية اننا لسة ممتحناش الكادر مع اننا عملنا كل الشروط اللى قالوا عليها

معاكي حق يا انسه دعاء لاني كنت موجود النهارده واتكلمت في الموضوع ده بس رضا ابو سريع ده إنسان منافق وانا لاحظت ده لازم نتحرك

أنا شغال من 2002 لحد 2009 بالعقد العادى
ومن 1/1/2009 بالعقد المميز
ياترى هيعملوا ايه ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!

ياجماعه موضوع التثبيت دا مش مريحنى بقالهم كتير بيقولوا هيثبتونا
ومفيش اى حاجه حصلت
وبعدين بس هما قالوا كدا عشان يهدونا ومش نتظاهر
والمفروض اننا مش ننخدع بالكلام دا

يعني اية
بلاش تشاؤم اهم حاجه يثبت اي حد وبعدين احنا وراهم

خليكم ورا الاوهام

الله يحرق التثبيت والى عايزينه طول ما بتكلوا فى بعض مش نافعين البلد سقط

مع احترامي الشديد لصاحبة الموضوع : بلاش حكاية (صابونة ) ..دي

منافق ازاى... يعنى ايه الكلام اللى خلاك تحكم عليه كده

يااختى دى برضو خطوة كويسة ماهى اذا الناس اللى استوفت الشروط وامتحنت اتعينت ده معناه ان الباقى باذن الله هيدخل الامتحان ويستوفو شروطهم ويتثبتو ماهو كله عقد وبالنهاية لازم المساواة وعندك قانون الكادر واضح وتقدرى وقتها ترفعى قضية بموجب القانون ده اذا فكرو بس يتلاعبو هى مش انانية على اد ماهى تنفيذ لبنود القانون انه لازم اجتياز امتحان الصلاحية عموما شوية صبر وباذن الله هتفرج وبعدين يااستاذة اهو كله كلام انتى شفتى حد يعنى وصله قرار التعيين

يا جماعة ارتاحوا وخدو نفس عميق اللى هيتعين هما 43 الف اللى استوفوا الشروط وشكرا

فيه حاجه هامه جدا مش واخدين بالنا منها وهى ان قانون الكادر الذى تسير عليه التربيه والتعليم يختلف مطلقا عن قانون الوظيغه العام او قانون العمل


حيث ان كلام وزير الماليه ليس موجها مطلقا الى العاملين فى التربيه والتعليم (المدرسين) انما موجه للعاملين طبقا لقانون العمل حتى الى العاملين العمال فى لالتربيه والتعليم ينطبق عليهم نفس الكلام وليس نحن (المدرسين)

ثانيا لو تلاحظوا كلام وزير التربيه والتعليم انه خلال اسبوع سوف يتم تعيين ال 43 الف معلم مساعد


هذا والله اعلم لانه لو شمل هذا الكلام كل الفئات وايضا التربيه والتعليم يبقى ده هدم لقانون الكادر


ارجوان تكونوا فهمتم كلامى.