|
للتعليق على كلمة مبارك
شباب مصر وشاباتها بميدان التحرير يا راجل مش بتوع ميدان التحرير اللى قلتم عنهم خونة وعملاء ومخربين وبياخدوا 50 جنية ووجبة كنتاكى وعاطلين واقذر الاوصاف ؟؟؟ وعلى اتساع أرض مصر أتوجه اليكم بحديث الأب بدأنا الشحاتة بقى بأننى أعتز بكم كجيل جديد معقولة ؟؟؟؟؟ قبل كل شىء دماء الجرحى والشهداء لن تذهب هدراً غريبة هو انت بتعزينا فيمن قتلتهم ؟؟؟ يقتل القتيل ويمشى فى جنازته وسأحاسب من أجرم فى حق الشباب بأقصى أنواع العقاب من القانون كدة عرفنا انك مش ماشى استجابتى لكم ولمطالبكم إلتزام لا رجعه فيه سمعنا الكلام ده كتيييييييير اللى خلاك كدبت علينا فى وعودك 30 سنة حنصدقك دلوقتى واللى خلاك محققتش الا الفساد وخراب البلاد والخصخصة وبيع ممتلكات الشعب وثروة ضخمة لك ولأعوانك معقولة تقول الجارديان ان ثروتك اكثر من 70 مليار ومتطلعش تنفى ؟؟؟ وأحرص كل الحرص دون ارتداد أو عودة الى الوراء يعنى عارف اننا مش حنصدقك والا لو كنت عارف اننا بنصدق كلامك ما كنت احتجت الى استخدام هذا التأكيد الشديد وذلك بأقتناع أكيد لسة مقتنع دلوقتى ؟؟؟؟؟؟ لأن مطالبكم عادلة ومشروعة سبحان الله الذى أنطقك بالحق قول بقى ل 0000و لمنافقوك ومن يدافعون عنك لا تكونوا أحرص منى فأنا اعترف بأنهم شرفاء وان مطالبهم مشروعة مش عايز بعد كدة .... يتكلم على المتظاهرين نص كلمة فهاهو من تعبدونه من دون الله يقر ويعترف بمشروعية مطالبهم وأعلم أن الخطأ وارد فى أى نظام سياسى ولا يهمك يا ريس ايه يعنى 500 ماتوا و 7 الاف جرحوا ؟؟ الخطأ وارد ايه يعنى بلطجيتك افزعوا الناس ودمروا البلاد ؟؟؟ الخطأ وارد ايه يعنى تخصخص المصانع وتشرد العاملين ؟؟ الخطأ وارد ايه يعنى تطيح فينا شرطتك تعذبنا وتبهدلنا وتقتلنا ؟؟؟ الخطأ وارد ايه يعنى حالنا يصعب على الكافر فيتفشى الفساد والمحسوبية والواسطة وتنعدم الكرامة ؟؟؟ خطأ وارد ايه يعنى تبيع لاسرائيل الغاز بدولار وربع وتبيعهولنا ب 5 دولار ؟؟؟ خطأ وارد ايه يعنى شبابنا يغرق فى العبارات بتاعة محاسيبك وميتحاسبوش ؟؟؟ خطأ وارد ايه يعنى يموت اهلنا فى الهلوكوست " قطارات الموت " ؟؟ خطأ وارد ايه يعنى تحاصر الفلسطينيين وتبنى لهم جدار عازل فولازى أقوى من جدار اسرائيل ؟؟؟ خطأ وارد ايه يعنى نثور ونقولك لا أكثر من12 مليون ونخرج فى مظاهرات وانت تفضل على قلبنا .؟؟؟؟ خطأ وارد ايه يعنى تزور الانتخابات 99% حزب وثنى ومفيش معارضة ؟؟؟ خطأ وارد والمهم هو الأعتراف به وتداركه وتصحيحه لسة فاكر تصحح بعد 30 سنه دا التصحيح ضاع بالتقادم لا أجد حرجاً من الأستماع لشباب بلادى طيب يا عم مهم بيقولولك امشى ؟ ارحل يعنى امشى ولا مبتفهمش ؟ الشعب يريد اسقاط الرئيس ؟ والشعارات الكتيرة ولا هى بيقولوها باللاتينى ؟؟؟؟ ولكن الحرج كل الحرج الأستماع الى املائات أجنبية تأتى من الخارج هههههههههههههههه والله ضحكتنى يا راجل يعنى اسرائيل التى سعت الى تثبيت نظامك لأمنها ولغازها لم تفلح وامريكا التى تقف الى جانبك وتملى عليك تزرع قمح قد ايه عشان المعونة يبقى مين اللى بيسمع كلام الخارج ثم هو انت بتتكلم عن خلية من 12 شخص عشان تقول ذى الأغبية والبغبغاءات اجندة خارجية وكراسة خارجية وكتب خارجية ؟؟؟ دا 12 مليون مصرى امتى اسرائيل جندتهم امتى امريكا جندتهم وصرفوا قد ايه لتجنيدهم ؟؟؟ فبلاش كلمة اجندات وكرسات خارجية خااااااااااااااالص شباب مصر أوكد عدم ترشحى ومتمسك بذلك قديمـــــــــــــــــــــــــة ،وتفويض نائب رئيس الجمهورية بكل الأختصاصاتكما بنص الدستور الدستور نفسة بيديك الحق فى استرجاع مهامك من نائبك كما ان النائب المفوض من الرئيس لا يستطيع حل مجلس الشعب ولا تعديل الدستور يبقى حنعمل ايه بنقل الصلاحيات يعنى بتضحك علينا ؟؟؟ ثم هو انت نفسك لك صلاحيات ؟؟؟ صلاحياتك سقطت يوم 25 يناير بإرادة الشعب ودا نص الدستور ان الشعب مصدر السلطات وبلغ النصاب القانونى لاسقاطك وسأمضى فى حماية الدستور يا سيدى هو مستغنى عن حمايتك ثم فيه حاجة اسمها الشرعية الثورية وانت اعترفت بأنها ثورة وعند حدوث الثورات يسقط الدستور ودا لسبب بسيط الدستور اعلى القوانين مكانه ولذلك القوانين العادية يتم تصويت مجلس الشعب عليها اما مواد الدستور يصوت عليها مجلس الشعب ثم تعرض لاستفتاء عام يعنى لازم اغلب الشعب يوافق عليها طيب دلوقتى الشعب قال كلمته ب 12 مليون شخص ومعهم قدهم مرتين مخرجوش للتظاهر منهم من يحرس بيته من بلطجية الحزب ومنهم من لا يريد التظاهر ولكنه رافض للنظام يعنى غالبية الشعب قالك لا والدليل ان معدناش بنشوف مؤيدين ليك لأن اللعبة ظهرت انهم كانوا مأجورين وبلطجية فعليه يوجد الشرعية الثورية او الدستور الثورى حتى يتم الأنتقال السلمى برؤية للخروج من هذه الأزمة بنحو يحقق مستقبل مصر فى اطار انتقال سلمى مع حوار لجميع أطياف الشعب المصرى للخروج بالوطن من هذه الأزمة والله انت اللى أزمة وبدءنا حوار وطنى مع الشباب الشباب فى الشوارع واسفر على توافق مبدءى بخطوط عريضة لنضع ايدينا على الطريق الصحيح ثم ننتقل به الى خريطة طريق خريطة طريق تاااااااااااااانى يعنى منستش مفاوضات الفلسطينين مع الاسرائليين وهى فعلا خارطة طريق اللى قعدت اكتر من 8 سنوات ولم يتحقق منها شئ |
ياااااااااااااااااااااااااااااااااااااااااه دعلى كده بقى ملهوش حاجة حلوة
و مادام هو مستعبدنا بقالوا 30 سنة جات على 8 شهور دول مش قادلاين نستحمله فيهم و الله حراااااام مهو قال ان حنعيش بكرامتنا الفترة الجاية و حننتقل لمرحلة احسن و لا لازم فضايح يا جماعة لازم تراعه سنه دراجل كبير برضه حضر حرب اكتوبر و شاف المت مئات المرات مش معقول نقوله امشى بالمنظر ده المصريين اهل كرم و شهامة و يفعل الله امرا كان مفعولا |
أرحل فالرحيل قليل
لا تدور حولنا فتلك الجموع لا ترضى سوى بالرحيل فدماء شهدائنا تملا كل الشوارع و الميادين فصور شهدائنا تصرخ فى وجهك |
مش مهم مبارك
المهم مصر وعشان مصر تكون قوية لازم نصبر الاشهر القادمة شوية ولما تخلص نبقى نشوف موضوع محاكمة مبارك وأخذ حقنا منه لازم يعود الاستقرار فى الفترة القادمة وهذا ما أقر به العديد من الوطنيين زى وائل غنيم وكثير من شباب الثورة وكثير من الرجال الكبار العقلاء يعنى الشىء لو زاد عن حده ينقلب ضده |
اقتباس:
والله المشكلة مش فيه لوحده دا معانا ناس فى المنتدى بيهاجموا بيدافعوا باستماته عن مبارك وكأنهم صم لا يسمعون بكم لا ينطقون عم لا يبصرون لم يروا مظاهرات الشارع المصرى وردود فعلة وكأنهم من كوكب آخر وعاملين فيها مثقفين وهما اغبياء تافهين ربنا يحشرهم مع مبارك اللى بيحبوه |
اقتباس:
ايه ضماناتك يا اينشتين ؟؟؟ ثم افرض انه مات كنا برضه حنحتاج لرئيس |
حسبي الله ونعم الوكيل .....
|
اقتباس:
حسبى الله ونعم الوكيل فى كل من رضى بالنظام الظالم ويتهم الشرفاء اخوانه بالعمالة |
http://t3.gstatic.com/images?q=tbn:A...KluIaRtHhZuSsc الفريق سعد الدين الشاذلي بطل من أبطال حرب أكتوبر الذي تفخر اي دولة وأي شعب ان يكون لديها رجلا مثل سعد الدين الشاذلي http://t3.gstatic.com/images?q=tbn:A...KluIaRtHhZuSsc ولكن الدوله لم تكرمه بل حكمت عليه بالسجن 3 سنوات غيابيا وعندما عاد من منفاه عام 1992 اعتقله الرئيس مبارك حتى مات رغم ان الحكم كان ثلاث سنوات فقط http://t3.gstatic.com/images?q=tbn:A...KluIaRtHhZuSsc إن ارتكب جُرما وذنبا فان تاريخه كبطل من ابطال حرب اكتوبر لم يجعله من المعصومين ولم يشفع له ولم يغفر ذنبه فأبقاه مبارك معتقلا حتى مات |
اقتباس:
يعنى عايزنا مبارك نغفر له 30 سنه ذل وسرقة عشان نصر اكتوبر طيب ليه لم يشفع للشاذلى انتصار اكتوبر |
انا مع اينشتين لما قال اننا المفروض نشوف مصر ونحميها الاول لانها قت مطمع جامد واكيد فى صيادين شاطرين
وفعلا انا خلاص زهقت من مبارك انا لحد امببارح كنت من المؤيدين والمعارضين يعنى على الحياد لكن شوفت الشهداء وحسيت بأهاليهم وكنت منهاره لأن فعلا هو السبب وبعدين هو بيقول انه هيحاكم ويعاقب اللى عملو كده واللى قتلوهم فالأولى انه يحاسب نفسه الاول ربنا يرحم كل شهيد وشهيده ماتوا فى الثوره ويحمى مصر ويعليها ويببعد عنها الفساد وربنا يسامحك يامبارك انت انت واللى حواليك وفعلا زى ماعمل لمصر اخد اضعاف مضاعفه وزهق كثير من دماء شبابها اللى اقدر اقوله حسبى الله ونعم الوكيل فى كل فاسد وكل من كان له يد فى قتل الشباب اللى كانوا فى الثوره |
اقتباس:
معك حق شكرا على المرور |
أنا لست مع مبارك
أنا مع مصر وأنا أكره مبارك لكن الأمر أنى أخاف على مصر لكن أنت معك حق |
ها قد رحل مبارك
ولم تحدث كارثة ولا حاجة أعتذر عن خوفى وأقدم التحيات لحضرتك ولجميع الذين لم يخافوا |
اقتباس:
الله يخليك يا اينشتين انت شخص شجاع تعترف بالخطأ بكل شجاعه وجرأة ليس العيب ان نخطئ التقدير ولكن العيب ان نصمم على الخطأ |
| جميع الأوقات بتوقيت GMT +2. الساعة الآن 06:13 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.