|
نفسى انسى وانسى
نفسى فى صنف حشيش نفسى فى صنف حشيش ينمل الدماغ وينظف النخاشيش علشان انسى طابور العيش واخش فى الغيبوبه وانسى مشكلة الانبوبه وأنسى بلدنا المنهوبه وانسى اللى بيجهزوه علشان يبقى رئيس للمخروبه وأبقى مسطول وأنسى أي مسئول من اللى سابوا الناس فى السيول وانسى ان نظيف اتجوز وبقى بيعول وانسى مجلس الشعب وفتحى سرور وانسى البرادعى وايمن نور وانسى شوبير ومرتضى منصور وانسى تعديل الدستور وانسى اللى ساكنين فى القبور وانسى انفلونزا الطيور وانسى مشاريعنا الفاشله فى توشكى وابو طرطور واخش فى الاستهبال وانسى علاء وجمال وانسى التوريث والنيل اللى نازلين فيه تلويث وانسى ان منتخبنا كويس زى ما قال الرئيس وانسى تصدير الغاز واحناعندنا ازمة بوتاجاز وانسى قطر العياط وانسى قطر الصعيد وانسى احمد عز واحتكار الحديد وانسى زحمة المواصلات وانسى الانتخابات وانسى فتاوى الفضائيات وانسى العشوائيات وانسى فشل التعليم وانسى هشام طلعت وسوزان تميم وانسى الاهرام وانسى الاخبار وانسى ثروة الريس ال40 مليار اللى مش بالجنيه المعفن لا بالدولار وانسى انه خلى بلدنا افقر من زنزبار وانسى المعارضه وانسى الاحزاب وانسى تامر حسنى وعمر دياب وانسى مشكلة النقاب وانسى انفلونزا الخنازير وانسى اوربا وامريكا وانسى الصين المتقدمين عننا بسنين وانسى البيت بيتك وتامر امين وانسى ان كيلو اللحمه بقى بتمانين وانسى اننا فى الزباله غرقانين وانسى الماده سته وسبعين والماده سبعه وسبعين وانسى فريق الساجدين وانسى اليسا وهيفاء وهبى وانسى الفول والطعميه وازهى عصور الديموقراطيه وجامعة الدول العربيه والجماهيريه الليبيه والكفيل فى السعوديه وانسى بطرس غالى والضريبه العقاريه وانسى الطلعه الاولى الجويه والمصالحه الفلسطينيه وانسى فتح وانسى حماس وانسى هنيه ومحمود عباس وانسى العراق وافغانستان وانسى ايران وانسى باكستان وانسى ماما سوزان وانسى الاخوان وانسى محمد ابراهيم سليمان وانسى ان حد من 0900 يطلع كسبان وانسى كل ممثله حيزبون بتاخد فى المسلسل كام مليون وانسى ايامنا السوده واحضان طنطاوى والبابا شنوده وانسى القذافى والبشير وانسى كل ملك وكل امير اللى حاكمين من سنين من غير تغيير وعلشان اعرف ان الصنف كويس لازم ارشح نفسى وأبقى الريس |
شكرررا على الموضوع الجميل
|
دايما مواضيعك رائعة ياقمر ربنا يبارك فيكى يارب
|
جميلة جدا مادمت لم ولن تنسى وطنك مصرمن الأن:078111rg3::078111rg3:
|
ههههههههههههههههه
انتي نسيتيني اسمي :bosyht9: |
راااااااااااااااائعه جداااااااااااا بجد
تسلم يداكى |
بارك الله فيك
جميل جدا |
شكرا لمروركم العطر
|
شكرا يا روزين على المجاملة
|
| جميع الأوقات بتوقيت GMT +2. الساعة الآن 05:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.