|
رساله من محمد علاء مبارك الى أمه و جده حسنى مبارك
ازي...ك يامامي وحشتيني قوي انتي وبابي واخويا الصغير وجدو وتيتة وعمو جمال وكل اصحابي . مصر كلها وحشتني يامامي يوم 25 يناير صحابي في الجنة نادولي وقالولي تعالي بسرعة يامحمد في ناس من بلدك دخلو الجنة قولتلهم مصريين! قالو ايوة دول شهداء كمان يامحمد... جريت بسرعه معاهم اشوف الشهداء اللي من بلدي واسلم عليهم وافتخر بيهم وكل يوم بيجي شهداء تانيين ولما كثرو قوي يامامي وذادوا ووصلوا اكتر من 300 شهيد قلت لصحابي وانا فرحان عارفين دا اكيد جدو بيقود مصر في حرب تانية علي اسرائيل او اعدء تانيين روحت يامامي وقعدت معاهم علشان يحكولي عن جدو القائد واللي بيعملة واسمع بطولاتهم ولما سألتهم هي مصر بتحارب مين وانتو استشهدتواازاي وفين ؟؟؟؟ وجدو كرمكم قبل ماتيجوا الجنة !!! بصوا لبعض ومحدش رد !!! سألت تاني ردوا عليا مين قتلكوا ؟؟؟؟؟ واتقتلتوا برصاص اسرائيل ولا مين ؟؟؟؟؟ وجدو عمل اية في اللي قتلكوا! ولما بكيت لاول مرة لان الجنة مافيهاش حزين قالولي لا مش اسرائيل دة رصاص مصري يامحمد حراس جدك يامحمد هما اللي قتلونا لقتني مش فاهم حاجة صرخت وقلت مش عاوز اسمع حاجة وجريت ورحت قعدت لوحدي لكن الشهداء جم وقالولي متبكيش يامحمد انت ملكش ذنب وخدوني في حضنهم وطبطبوا عليا حسيت بدفا حضنك يامامي وهما بيضموني في صدرهم رفعت راسي وقلتلهم انتو طيبين قوي.... قالولي مش احنا بس اللي طيبين دة كل المصرين طيبين يامامي انا مش هاسأل حصل اية ولا عاوز اسمع حاجة لكن قولي لجدو انا مش اغلي من اي واحد منهم عند ممتو وزي ماحسيتي يوم ما انا مت اوصفيلة كل ام حاسة بأية دلوقت وقوليلة انتي لاني انا مخاصمة.... ازاي هان علية كل الناس دي ومعملش حاجة لللي قتلهم قوليلة لازم يبرد قلوب الامهات والابهات دا الابن غالي وانتي عارفة يامامي ويابابي قولو لجدو انة خلاص مبقاش ينفع يبقي رئيسها بعد اللي حصل جدو لازم يرتاح في بيتة ويسيب مصر لولادها هما اولي بيها وانا هادعيلة ربنا يغفرلة وقبل ما اخلص كلام يامامي اهم حاجة والكلام دة لبابي وعمو جمال وجدو قبل ماتسبوها لولادها يديروها اوي يكون يابابي في مالك انت وعمو جمال وجدو حق لمصر وللمصرين وخدتة اوعو يابابي.... انا بحبكو ومقدرش اشوفكوا شايلين زنب زي دة اوعوا يابابي مال الشعب الطيب الغلبان الشقيان تاخدوة معاكوا تصرفوا وتعيشوا منة بقيت حياتكوا . اوعي يابابي اخويا الصغير ياكل ويعيش ويتربي بمال مش من حقة وفية مصرين كتير مش لاقيين. ساعتها تبقي كتبت عليا افارق اخويا دنيا واخرة لانة لازم يتربي بمال حلال عشان اقابلة يوم في الجنةوقول لجدو وتيتة وعمو جمال وطنط خديجة ان الجنة حلوة قوي احلي من اي حاجة ولا اي مليارات مش حلال تستاهل يضحوا بالجنة عشانها دا ربنا بيسأل عن كل جنية كسبتة ازاي وصرفتة في ايه والسلام عليكم ياعيلتي اللي بحبها والسلام تحية اهل الجنه |
|
لاشماته في الموت
لاشماته في الموت
|
مشكووووووووووووووووووووووووووووووووووووووووووووووو وووور
|
الله الله الله ان الجنة حلوة قوي احلي من اي حاجة ولا اي مليارات الله الله الله اكبر الله اكبر اللهم ارزقنا الشهده في سبيلك اللهم امين
|
بارك الله فيك لقد اسالت دموعي
|
ياريت تكون وصلتلهم
بس حرام الريس مبارك فى غيبوبة تامة فى شرم الشيخ قالوا مرضيش يسافر وقال عاوز أموت فى مصر سمعتم عن الخناقة بين جمال وعلاء مبارك بسبب أعمال الافتراء الذى قام بها هو وشلته والخناقة وصلت للتطاول بالضرب وقال الريس مبارك يوم الجمعة اجمال وسوزان "ضياعطوا تاريخى فى مصر بسبب الافتراء والظلم" فشكل الريس راح بسبب جشع أبنه جمال ومبارك لا تنسونا بدعواتكم لكم منى خالص السلام والتحية |
اقتباس:
ليتهم يتعظون ! مشكور علي هذا الطرح المميز جداً . |
يا ريت لوحد يوصل الرسالة دي ليهم يمكن تاثر فيهم
|
ممتازة .. اللهم اغفر لكل من أساء فى حقنا وأهده يارب
|
اللهم ارزقنااااااااااااا الجنه بارك الله فيك
ربناااااااااا يغفر للمسلمين والمسلمات |
اللهم أرحمنا بمن توفى من أطفالنا والحقنا بهم فى جنات النعيم
اللهم نسألك الدرجات العلى للشهداء وافرغ علينا وعلى اهليهم الصبر |
السلام عليكم ورحمة الله وبركاته
بجد رسالة مؤثرة جدا وفكرة رائعة وجزيتم خيرا وأسال الله أن يجعل ماهو آت خير مما مضى |
رسالة مؤثرة جدا
|
الله ع الجمال
هنستاذنك نضعها فى الشخابيط العدد القادم الخاصه بمدرسه كفر صقر الثانويه بنين |
| جميع الأوقات بتوقيت GMT +2. الساعة الآن 12:42 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.