|
انا ضد الثوره انا حر
مش فاهم حاجه بيقولو عملو الثورة عشان الديمقراطيه واختلاف الاراء
ولما حد يختلف معاهم يكون عميل وخائن اقسم بالله انني مانتخبت يوم حد من الحزب الوطني وفي انتخابات الرئاسه انتخبت ايمن نور كرها في الحزب الوطني انا مختلف مع الثوره اتفقت معاه وكنت فرحان بيها لغايه خطاب الرئيس الثاني يوم الثلاثاء خلاص خدنا حقنا عايزين ايه عايزين دويله زي قطر واميرها يفرحو في مصر ورئيسها اي حاكم هيجي مصر بعد كدا هيقف ازي امام هذا الكلب القطري لو اختلف معاه هيجمه في قناه الحقيره واحد ملوش خير في ابوه هيكون له خير في مين كان ممكن ناخد حقنا بشكل جميل لو صبرنا وكان الريس هيكون حريص علي صورته في التاريخ لاكن العند وبعض عملاء قطر افسدو كل شيء وبكره الايام تثبت ذلك |
بسم الله الرحمن الرحيم البيان رقم خمسة من المجلس الأعلى للقوات المسلحة : "فى ظل الظروف الطارئة التى تمر بها البلاد وقيام القوات المسلحة بحماية أبناء الشعب الشرفاء الذين قاموا بالمطالبة بحقوقهم المشروعة وبعون الله وتوفيقه أصبح المناخ مهيأ لتيسير سبل الديمقراطية من خلال صدور إعلان دستورى يضمن تعديلات دستورية وتشريعية تحقق المطالب المشروعة التى عبر عنها الشعب لتهيئة المناخ الديمقراطى الحقيقى إلا أنه تلاحظ قيام بعض القطاعات فى الدولة بتنظيم وقفات رغم عودة الحياة الطبيعية فى ظروف من المفترض أن يتكاتف فيها كافة فئات وقطاعات الشعب لمؤازة هذا التحرك الإيجابى ودعم جهود المجلس الأعلى للقوات المسلحة لتحقيق كافة طموحات وتطلعات المواطنين". "إن المصريين الشرفاء يرون أن هذه الوقفات فى هذا الوقت الحرج تؤدى إلى آثار سلبية تتمثل فى الآتى: أولا : الإضرار بأمن البلاد لما تحدثه من إرباك فى كافة مؤسسات ومرافق الدولة. ثانيا : التأثير السلبى على القدرة فى توفير متطلبات الحياة للمواطنين. ثالثا : إرباك وتعطيل عجلة الإنتاج والعمل فى قطاعات من الدولة. رابعا : تعطيل مصالح المواطنين. خامسا : التأثير السلبى على الاقتصاد القومى. سادسا : تهيئة المناخ لعناصر غير مسئولة للقيام بأعمال غير مشروعة الأمر الذى يتطلب من كافة المواطنين الشرفاء تضافر جميع الجهود للوصول بالوطن إلى بر الأمان وبما لا يؤثر على عجلة الإنتاج وتقدمها. "والمجلس الأعلى للقوات المسلحة يؤكد أنه فى سبيل تحقيق الأمن والاستقرار للوطن والمواطنين وضمان استمرار عجلة الإنتاج لكافة مؤسسات الدولة ، يهيب بالمواطنين والنقابات المهنية والعمالية القيام بدورها على الوجه الأكمل كلا فى موقعه مع تقديرنا لما تحملوه لفترات طويلة. "ونأمل من الجميع تهيئة المناخ المناسب لإدارة شئون البلاد فى هذه الفترة الحرجة إلى أن يتم تسليمها إلى السلطة المدنية الشرعية والمنتخبة من الشعب لتتولى مسئوليتها لاستكمال مسيرة الديمقراطية والتنمية. |
اتق الله قطر دولة شقيقة
|
يا راجل حرام عليك اتق الله كنا هنصبر اكثر من كدا !!!!!!!!!!!!!!!!!!
|
انت حر
ومش شرط الاجماع من الشعب على الثورة |
فعلا انت حر .. وانت مش خاين ولا عميل ... بس مش من حقك لا انت ولا غيرك تقولو كلام مش عارفينه مادام دا هايمس ناس تانية ... معارضين الثورة اوك دي حاجة ترجعلكم بس ماحدش يطلع يتكلم غلط ع الثورة ... انا واحد من اللي شاركو ومتابع اللي بيحصل من قبل 25 وبجد بحس بجهل الشعب المصري لما الاقيهم بيتضحك عليهم ويجرو ورا شائعات هدفها انها توقع الناس ف بعض وتعمل فتنة والغريب انهم بيصدقو اوي ويدافعو عن دا مع ان لما نسال حد ايه دليلك ميلاقيش غير شوية كلام سطحي من اللي بيتقال .. اتقو الله بقى ماحدش قالكم انزلو الثورة ولا غيره وانتو احرار بس ياريت لو الكلام مش هيكون موضوعي ومنطقي وبأدلة يبقى بلاشه خالص ...
|
بكره هتعرف قيمة الثورة !! لما تلمس التغيير بنفسك
|
صدقني يا أخي انا لا أشكك في وطنيتك أو صدقك في حبك لبلدك أشعر ذلك من خلال كلامك أتفقنا ؟! http://r15.imgfast.net/users/1511/58...miles/8450.gif يا أخي انت حر تقبل أو ترفض إنت حر ومن الآن فصاعدا لن يقبض عليك أحد حينما تتحدث وتقول رأيك أتفقنا ؟! http://r15.imgfast.net/users/1511/58...miles/8450.gif وبدون قسم مصدقك وأكاد ألمس هذا الصدق في كلامك الذي يخرج من القلب أتفقنا ؟! http://r15.imgfast.net/users/1511/58...miles/8450.gif ورأيي انك استغثت من الرمضاء بالنار وهذا رأيي وما أراه وأنا حر أيضا أتفقنا ؟! http://r15.imgfast.net/users/1511/58...miles/8450.gif أننا في بلادنا تملك جيشا من الإعلاميين ومعدي البرامج والفنيين والكثيرين والأكثر من رائعين ولو أطلقناهم في محطاتنا الفضائية والأرضية لالتهمت عصاتهم كل أحبال القنوات التي ذكرتها لأننا الأصل ونحن الذين علموا من يعمل في هذه القنوات وليس هذا تفضلا بل واجب علينا أيضا ولكن كان من الواجب أيضا أن تكون لنا نفس الحرية والإمكانيات المتاحة لغيرنا لأنه لو حدث هذا ساعتها كنت ستعرف قيمة ما لديك ولاتجهنا جميعا إلي إعلامنا دون إذن أو طلب أو إعلان أتفقنا ؟! http://r15.imgfast.net/users/1511/58...miles/8450.gif أخي الكريم لي طلب من الكرم ألا تسب أحدا حينما تختلف معه وهذا ما أرجوه وما أنادي به دائما وكما تعلمنا المسلم ليس بالشتَّام ولا باللَّعان أتفقنا ؟! http://r15.imgfast.net/users/1511/58...miles/8450.gif أرجو من سيادتكم أن تقرأ ما كتبت عندما أختلفت مع الآخرين وماكان ليس اختلافا ولكنه ُثأر |
قطر
اقتباس:
وشوفي خريطه مصر الرسميه قطر شيله حلايب وشلاتين من خريطه مصر |
اقتباس:
عايز دليل خريطه مصر بص عليها كويس بص علي خريطه مصر علي قناه الحقيره حاجه تانيه الجزائر اليمن فيها مظهرات اشمعنا التركيز علي مصر لو قريت الشريط الاخباري امس في قناه الحقيره ستجد دهوه لمظاهره مليونيه يوم الجمعه يعني القناه دي مش عيزه مصر تفوق لما قلت واحد ملوش خير فأبوه اظن كلنا نعرف الي عمله امير قطر في ابوه |
اقتباس:
اقتباس:
ياأخي الفاضل قطر ليست مخولة بوضع خريطتنا نيابة عنا هم بس من باب الاستعجال نسيوا ذلك http://r15.imgfast.net/users/1511/58...miles/8450.gif وبرغم كل ما لديهم من وسائل وكل ما لديهم إمكانيات ليست لهم أو لغيرهم القدرة علي ذلك http://r15.imgfast.net/users/1511/58...miles/8450.gif ياخي الفاضل وعلي وزن كلام ياسر عرفات ياحلايب وشلاتين ما تهزك ريح http://r15.imgfast.net/users/1511/58...miles/8450.gif |
اقتباس:
دي بتوضح موقف دويله قطر من مصر |
اقتباس:
حضرتك لو ماتعرفش احب اقولك ان مصر هيا اهم دولة في الشرق الاوسط .. بدليل ان العالم كله بيتابع اخبارها وانتبهو لاحداثها بصورة اكبر بكتير جدا من اللي حصل وقت احداث تونس .. دا اولا .. ثانيا مصر احداثها ف الفترة دي كان هو المانشيت الرئيسي ف اي جريدة على مستوى العالم وكل قنوات الاخبار .. ومكانش فيه احداث ف باقي الدول بالاهمية دي ولما بدا يبقى فيه حاجات كبيرة ف الدول دي بدأو يجيبوها ... ووقت ما كانت احداث مصر بتهدى زي ف اسبوع الصمود ودلوقتي .. كانو بيجيبو اخبار تانية وتقارير عن حاجات تانية طول اليوم ..!! وموضوع المليونية يوم الجمعة وكل يوم جمعة دا مش كلامهم .. دا كلام شباب كتير من شباب 25 .. وبعدين افرض ان القناة رايهم راي ملايين من العرب ان الناس محتاجة تفوق ومتحمسين للي بيحصل ونفسهم كل العرب يتحركو .. والملايين دول عاجبهم دا ... يبقى عشان انت مختلف مع الملايين دول يبقى القناة دي عاوزة تخرب مصر ..؟؟؟ ولو القناة هيا السبب في اللي حصل ( ودا طبعا كلام فارغ ومش حقيقي ) فيبقى هيا اللي خلت مصر تفوق بجد ..!! لو انت ليك رأي تاني ف براحتك والايام هاتثبتلك ايه الصح ان شاء الله .. ومالناش دعوة باللي بيحصل ف قطر !!! لو قناة يهودية نشرت اللي بيحصل بمصداقية زي الجزيرة هتابعها واسمعها ... |
والله اتفق معك تماما
فى البداية صح مية مية لكن بعدين صدقت والله |
ناس كتير حتستغرب انى سايب ردى فاضى
لأنى بصراحة مش شايف كلام ارد عليه واللى رد اللى عايز اقولة الاخ zac والاخ عصمت شعبان والاخ هانى الشرقاوى ومستر فهمى اللى قال كلام فى منتهى العقل يا اخى انت حر مش عجباك الثورة خلاص روح لمبارك واقعد معاه البلد خلاص بقت بلدنا واتحررنا عاجبك الثورة ماشى مش عاجبك والله مش حنمسك فيك |
| جميع الأوقات بتوقيت GMT +2. الساعة الآن 12:05 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.