ممكن حد يجاوبني ؟؟
 

انا سمعت كتير عن سياسة الحظر والاغلاق والحذف ...... علي موضوعات في بوابة الثانوية


ومكنتش مصدق ان موقع عملاق زي البوابة ........ يحصل فيه دة

لحد ما شوفت بعيني موضوعين

موضوع الاستاذ مجدي قطب ........ وموضوع الاخت مني الشقية اللي بتتسال فيه عن سبب اغلاق موضوع الاستاذ مجدي قطب

وانا كنت كتبت اليوم تعليق في موضوع الاخت مني الشقية ........ والوقتي جاي اتابع اية رد المسؤلين عن الموقع علي وجهة نظري ...... وجدت ان الموضوع تم نقلة وحذفة

انني مشرف مادة التاريخ في احدي الشبكات التعليمية ( شبكة الاستاذ ) ... ولم يحدث عندنا اي من هذه التصرفات في التعامل مع الراي الاخر .

مع ان هذا الموضوع مش خاص بالسادة المشرفين .... بل هذا الموضوع خاص بكل اعضاء الموقع ( مشرفين واعضاء )


الرجاء تغيير سياسة القمع المتبعة في التعامل مع الراي الاخر ......... في هذا الموقع

لان بصراحة .... الموقع ممكن يتدمر نهائيا

وجزاكم الله خيرا

منقول وارجو عدم تكرار ذلك

بالنسبة للى حضرتك قولته حضرتك شخصية محترمة

النظام دائمااا فى صالح الجميع وعلى فكرة انا الى ناقل مووضوع الاستاذة منى واعتقد ان مكانه الركن العام خطأ جداااااااااااا

هوا ماتحذفش انما وضع فى حجرة الناظر لانه يخص المشرفين

وبذلك نفذت القوانين التى هيا على الجميع

وارجو منك اذا لديك مشكلة او شكاوى او اقتراحات فليس مكانها الركن العام

نورتنا يا فندم

ممكن يا سيدي تقولي ايه هو موضوع القمع المتبع

لو في اي استفسار او اعتراض اكتبه هنا

ويا ريت اعرف ايه السياسة المتبعة في القمع
والسلام عليك

بوابة الثانوية كبيرة

ولا تنتظر نصائح من احد يا فندم

لديك اقتراح اهلا بيك معنا

ولكن فى المكان المخصص له

ياريت كلنا نلتزم بالمواقع المخصصة للموضوع ونلتزم بالقوانين لان هذا الكلام سارى على الجميع ولا فرق بيننا على الاطلاق ونشجع اصوات المعارضة فى مناقشة اى موضوع

بوابة الثانوية قلعة كبيرة فى عالم الانترنت

ولا يجب مقارنتها باى منتدى اخر

منتدى الثانوية كبير ...كبير

اولا شكرا علي الاستجابة السريعة بتاعة حضراتكم

ثانيا :- انا معرفشي ان حجرة الناظر دي مخصصة للشكاوي ...... انا اعتقدت ان مفيش ركن مخصص للشكاوي ........

لذلك انا اسف من سوء التفاهم اللي حصل ....

لذلك لما وجدت موضوع الاستاذة مني مش موجود في مكتنة انا ظنيت ( ان بعض الظن اثم ) ان الموضوع اتحذف

لذك اعذروني علي الكلام اللي قولته


وجزاكم الله خيرا

أهلا بحضرتك بيننا حصل خير

ولا يهمك يا فندم

وتحت امرك دايمااااااااا

انا مقلتش ان بوابة الثانوية مكان صغير او تافهة

انا قولت انه موقع محترم جدا

ثانيا انا لم اقارن بينها وبين موقع اخر .... انا كنت بعرض وجهة نظري .... اللي اساسها الخوف علي هذا الموقع الممتاز

اما موضوع لا يصح مقارنتها باي موقع تاني ....... اعتقد ان حضرتك غلطان في دة ..... لان المفروض دايما يبقا فيه مقارنة دائمة مع الاخرين ..... لان المقارنة هيا اللي بتظهر ايه اشيء اللي ممكن يتعمل علشان الموقع يبقا احسن واحسن

اما ان حضرتك ترفض تقارن بينها وبين اي موقع اخر ( مهما كان هذا الموقع صغير او جديد ) فدة يبقا كارثة

لان كدة حضرتك بتعتبر ان الثانوية وصلت لحالة الكمال ...... ودة قمة هرم التفوق ..... اذا النتيجة الطبيعية بعد كدة السقوط .... لا قدر الله

وتقبلوا فائق احترامي وتقديري لكم

وجزاكم الله خيرا

المقارنة اذا لم تكن كفء يبقى غلط

شوف تاريخ منتدى الثانوية بين الانترنت والاعلام والتليفزيون

وشوف المتديات الاخرة

اسال طلبة المدارس وانتا تعرف

وشكراا يا فندم

ان شاء الله انا معدتش هقول نصائح للموقع الكبير بتاعنا ( بوابة الثانوية ) ..... طالما ان اولي الامر ..... اكثر فهما والماما وحكمة ...... ومش نصيحتي اللي هتغير الكون

وانا خلاص عرفت ان فيه قسم للشكاوي ........ بعد كدة لو فيه شكوي ..... هقدمها فيه


وشكرا علي الحوار المفيد دة

وشكراا لمرور حضرتك

ومنتدى الثانوية ترحب بالجميع

لاننا جميعا اخوة ولا فرق بيننا

نورتنا

ممكن طلب من ا/ عثمان لو سمحت حضرتك مدرس تاريخ ياريت تغير التوقع لان هذا التوقيع أهانة للمدرسين وأنا واحد منهم يدوب خدمة خمسه وعشرون عاما بالتربية والتعليم