دعوة لأنهاء كافة الأعتصامات الدولة مرتبكة واسرائيل على الأبواب
 

ارجوكم يا اخواني لا تصطادوا في الماء العكر الدولة بقت ضعيفة الأمن بقى ضعيف اسرائيل على الأبواب كفاية مظاهرات واعتصامات خربت مصر مصر بقي فيها خساير تقدر ب45؟% من الدخل القومي ارجوكم راعوا صالح البلد واحنا داخلين على الديمقراطية وكل واحد هياخد حقة كفاية فوضى ارجوكم ارجوكم احنا مش عارفين البلد رايحة لفين حرام

فعلا احنا لازم نقف جمب البلد لحد متتبنى وبعدين نشوف مصالحنا الشخصية الناس ماتت عشان يدفعوا عن البلد واحنا بنستغل البلد اللى سكتنا دة كلة جايين دلوقتى فى الازمة دى؟وعيزين نتثبت؟كان فين دة من زمان؟بقالنا سنين مش بنتحرك وجايين دلوقتى؟؟؟ياريت كل مشئول يراعى ضميرة شوية ويعمل اللى يقدر علية من غير اعتصامات

فعلا هذه انتهازية وانانية وقصر نظر.
لابد من وقف كل اشكال الاحتجاجات والاعتصامات خلال هذه الفترة.
على كل انسان عاقل ان ينصح غيره بالهدوء لأن الوقت ليس مناسبا لتلك المطالبات.
لو كان ابوك ظروفه صعبة فمن العار ان تضغط عليه بطلباتك.
ارجو نشر هذا الرأي في كل مكان.
نحن الان في مرحلة البناء.

انا كتبت موضوع اسمه نصائح لشعب مصر للامانة هو منقول ياريت نعمل باللي فيه

بارك الله فيك يا اخى الفاضل
ويا ريت الكلام ده يصل للشباب ويعملو بيه
لانه فيه صالح لمصر وجميع المصريين

لا يا جماعة دي مش انتهازية
دي مطالب مصيرية وحقوق مهضومة
وكنتم فين لما البلد ضاعت بسبب ضعف التعليم بسبب احتقار المعلم
دي مظاهرات سلمية
حتعرف الحكومة دي والجكومة اللي جاية المشاكل فين والجرح اللي كان من اسباب الثورة فين
علشان البلد لما تتبني
تتبني صح
واسرائيل تخاف موووووت من مصر الان اكثر من قبل لان الشباب صحي

مظاهرات سلمية تماااااااااااااام
بس المصالح متعطلة دى وصلت ان دكاترة القصر العينى مش عايزين يشوفوا شغلهم


كمان عربيات الاسعاف السواقين عملين اضراب واعتصامات طب والمرضى والعجزة وذوى الحالات الحرجة يعملوا ايه


ياريت نبطل نفكر فى نفسنا بس فعلا البلد محتاجة لكل ساعد من سواعد ابنائها