| ~: Zac :~ |
16-02-2011 11:45 PM |
انتم يا معلمين مصر املنا في التغيير ... والله والله انا برغم اني طول حياتي نصيبي كان غالبا بييجي مع مدرسين " مخيبين للآمال " بس مازلت احترم وظيفة المدرس ... لانها فعلا اهم وظيفة في مصر والعالم ... كلمة مربي اجيال بقت بتتقال بهزار .. مع انها كلمة حقيقية ... ومدرس المرحلة الابتدائية ليه شرف ومكانة اعلى من رئيس الجمهورية نفسه .. عشان كده لما التعليم في الفترة اللي فاتت كان فاسد شوفنا الاجيال طالعة عاملة ازاي ودا نشد الفساد ف كل الجهات التانية ... طبعا فيه مدرسين محترمين جدا وبيتقو الله بس انا بتكلم عن قطاع التربية والتعليم بصفة عامة .... بالله عليكم تبدأو تغيرو القطاع دا كله بأي شكل ... عاوزين المدرس لما يكلم طالب ابتدائي يعرف انه بيكلم حامل راية المستقبل ... عاوزينه يربيه ويعلمه عشان يطلع راجل مثقف واعي يعرف ازاي يتكلم ويغير بلده للاحسن .. مش عاوزين عدم مبالاة ومادية تخلي الشباب يتجرو لطرق مسدودة مايرضاش عنها حد وكلنا عارفين ايه اللي كان بيحصل ... بالله عليكم انتو بجد امل مصر في مستقبل احسن ... لازم انتو تاخدو بمبادرة التغيير وتبدأو تغيرو اسلوب التعامل مع الطلبة والتفاهم معاهم وتعليمهم وتربيتهم ... وصلولهم العلم الصحيح والاخلاق الجميلة يشوفوها فيكم يحسو بقيمة الحوار والتفاهم ويحسو بقيمة العلم مش يكرهوه ويبقى كل همهم انهم يعدو الامتحانات وف الاخر يطلعو جيل جاهل تافه مالهوش اي طموح ف الحياة ... انا عارف ان التغيير هيكون صعب بس دا واجبكم كمعلمين ومربيي اجيال ... وربنا يوفقكم ان شاء الله وساعتها بجد هنطبق بيت الشعر .. قف للمعلم وفه التبجيلا .. كاد المعلم ان يكون رسولا .. :)
|
