|
أحداث اعتصام المعلمون يوم 16 فبراير أمام الوزارة ... يشمل صور وفيديو ......
بسم الله الرحمن الرحيم اخوانى المعلمين لقد ذهبنا اليوم إلى الوزارة من مختلف أنحاء الجمهورية فى البداية كان العدد بسيط لكنه بدء يتزايد مع الوقت فبدأت تتعالى الهتافات بطلباتنا وكان المطلب الأساسى هو التعيين الفورى للجميع وبدون شروط بإلاضافة إلى إلغاء الأكاديمية وتعديل المرتبات و ماتم من جهتهم بأن خرج إلينا مندوب من الوزارة قائلاً بأنه قد أصدر الدكتور هانى هلال قراراً أمس بتعيين 43 ألف معلم قد استوفوا الشروط اللازمة للتعيين أما الباقى فسوف يتم تحديد ميعاد لإختبارهم الأسبوع القادم وبالنسبة لمعلمى الحصة فسوف يتخذون أماكن زملائهم بعد أن يتم تعيينهم دا الكلام اللى اتقال .. كلام .. كلام .. كلام ودا مش كفاية وبعدها لم يخرج أحد للحديث معنا فإتجهنا فى مسيرة نفخر بها جميعا وتليق بنا كمعلمين يحافظون على سير الطريق بصورة طبيعية إلى مبنى الإذاعة والتليفزيون وقت الظهيرة وازداد العدد أثناء المسيرة وعند الوصول وجدنا بعض الزملاء هناك قاموا بالإنضمام إلينا وللأسف كل هذا حدث فى ظل غياب تام من الاعلام المصرى وقمنا بإرسال طلباتنا إلى عقيد بالقوات المسلحة بداخل مبنى الاذاعة لرفعها للقائد الأعلى للقوات المسلحة قامت بعدها قناة النيل وأخبار مصر بعمل بعض الأحاديث القصيرة لتقديم مطالبنا من خلالها إلى أن انتهى الاعتصام فى الساعة السادسة مساءً فى النهاية لقد اتفقما جميعاً على الذهاب يوم الأحد القادم الموافق 20 فبراير إلى الوزارة الساعة 10 صباحاً بإختصــار يمكننا القول بأنه حتى الآن لم يتم الإستجابة لمطالبنا لكن بدأ الكثير من المعلمون يستجيبون ويقدمون على المطالبة بحقوقهم فالعدد يحتاج لدعم أكبر وعلينا العمل جاهدين للتجهيز باعتصامنا فى الاحد القادم وإن شاء الله بعد اعتصامنا اليوم وظهوره كما رأينا يمكننا القول بأن إعتصام الأحد القادم سيكون أقوى بمشيئة الله تعالى مع العلم بأن الاعتصام سيكون مفتوح بمعنى الأحد وإن لم يستيجيبو فالإثنين ثم الثلاثاء وهكذا ... إلى أن يتم تنفيذ مطالبنا فنحن نطالب بحقوقنا فقط وليس أكثر من ذلك وبّإذن الله لن يضيع حق وراءه مُطالب فيديو لجزء من الإعتصام أمام الوزارة http://www.youtube.com/watch?v=R3L9aOO3Zy4 http://img222.imageshack.us/img222/8789/photo0348m.jpg http://img692.imageshack.us/img692/4647/photo0353.jpg http://img824.imageshack.us/img824/7639/photo0351.jpg بعتذر ياجماعة كنت أتمنى أنقلكم الصورة أثناء المسيرة وأمام مبنى الاذاعة والتليفزيون لأن لأن مساحة الموبيل امتلئت وبدون كارت الجروب الجروب الرسمى والاول لـ معلمي مصر صفحتنا على الفيس بوك معلمون معتصمون والله الموفق ....... |
يا ريت يا جماعه اللي ناوي يروح يوم الاحد الوزارة للاضراب يسيب رقم تليفونه علشان لو حد جه متاخر وعايز يعرف احنا فين يتصل ويجينا في المكان اللي هانبقي فيه
شكرا |
انا اول من سيذهب ان شاء الله وكمان فيه عدد من الزملاء اللى عددهم كبير هايروح اما انهم يثبتونا كلنا بدون شروط او الاضراب من اول يوم فى الدراسة والاعتصام مش كفاية بهدلة خدنا تربوى ورخصة كمبيوتر ولقالنا كام سنة ولا امتحانات ولا تثبيت ولا زفت خلاص الواحد مل وما فيش غير الاعتصام
|
اخوانى و اخواتى امتحان الكادر وضع للترقى وليس للتعيين كما يحدث مع اعضاء هيئه التدريس بالجامعات
لذلك لابد الفصل فى طلباتنا بين التثبيت لجميع المعلمين بدون شرط ثم نرى من يستحق الترقى ممن اجتاز الامتحان ومن يستوفى الشروط يذهب ليمتحن وتتم ترقيته |
|
هو ده الكلام
|
لابد من الاتحاد
الاتحاد يصنع المعجزات ودى فرصة مش هتكرر وهى تثبيت جميع العقود بلا شرط لان استقرار التعليم لابد ان ينبع من استقرار المعلم انا من وجهة نظرى ارى ان التعاقد يتم عندما يكون الواحد خارج البلاد او بيعمل بمدرسة فى دولة اخرى لكن اتعاقد فى بلدى جديدة دى |
واللهى العظيم انا كنت مشارك النهاردة فيها بس للاسف مكانش فى عدد كبير زى ماتوقعت
|
بكره في اعتصام ..نرجو المشاركه امام وزارة التربية و التعليم
|
والله المفروض الكل يعمل اضراب فعلا ويتعين كل المدرسين سواء عقد مؤقت او مميز او بالحصة انا كنت مع واحد صاحبى دالوقتى وهو شغال فى البترول من سنتن وبيقول انة اتثبت اليومين دول والتربية والتعليم اقل مدرس بقالة سنتين تلاتة وكمان مفيش مرتبات مقارنة بالبترول يبقى عيب قوى اللى بيحصل معانا ومع زمايلنا لازم من وقفة احنا مش اقل من اى حد فى اى وزارة تانية
|
احنا في الاسماعلية كل يوم في مظهرات امام المديرية
ودi فيديو للمظاهرة http://www.youtube.com/watch?v=FupK8ED4Kws |
ان شاء الله هنكون جدعان وهنطالب بحق المعلمين الاساسيين والمؤقتين
|
|
والله ياجماعة انا شغال بالمكافاة الشاملة وخت الدبلوم العام والدبلوم الخاص والicdl ولسة ب 105
|
نرجو من الجميع عدم التخاذل
والتواجد مع جميع الزملاء الأحد القادم 20 فبراير |
| جميع الأوقات بتوقيت GMT +2. الساعة الآن 01:44 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.