انس الفقي فضح محمود سعد علي الهوا .. انت كنت بتحارب عشان عقدك يزيد من 7 مليون ل9
 

محمود سعد في لقاء مع عبد اللطيف المناوي رئيس مركز الأخبار في التليفزيون .. المناوي بيدافع عن نفسه ومحمود سعد عايش دور البطولة وبيهاجم التليفزيون والنظام .. انس الفقي اتصل وقال لمحمود سعد انت شغال في التليفزيون وعقدك كان 7 مليون وحاربت عشان يبقي 9 مليون وبتقبض من اتحاد الاذاعة والتليفزيون والآن تتبرأ من التليفزيون و انت كنت قاعد بالبجامة في بيتك ومش حاسس بحاجة و احنا اللي كنا في المعمعة .. وقال لمحمود سعد انت ياما حاولت تعمل لقاءات مع الريس وكنت بتتحايل عليا عشان تعمل حوار مع جمال مبارك ومع الريس وقلت ازاي عبد اللطيف المناوي يعمل معاهم حوارات و انا لأ .. فبلاش تعيش دور البطولة دلوقتي عشان تكسب شعبية

محمود سعد وشه جاب الوان وقال انا مش هرد علي الكلام ده ..

بتوع الكورة بياخدوهم فى شهر

والله حاااااااااااجة غريبة فعلا

هكذا تدور الأيام وتفضح اللئام
لقد شاهدت الحوار ولم أخرج إللا إن أصحاب العقول فى راحة وأصحاب الفلوس ياقلبى لاتحزن

حرا م عليك يا أنس

محمود سعد خرج للمظاهرة بحثا عن وظيفة ولاشقة للزوجية !!!!

7مليون !!!!!!!!!!!!!!!

دى إدارتنا التعليمية بمدرسيها وادارييها كلهم مابيخدوش المبلغ ده

وكل مصيبة تحصل يرموها على التعليم !!!!!!!!!!

وكمان البرنس عمار الشريعى كان بيدور على إيه ؟

ياريت مانصدق غير صوت اللى يستحق من الملايين المعدمين

وكفايه بقى الملايين لأصحاب الملايين والملاليم للمعدمين

كفاية بكاء على من ينهبون المال بحكم القانون ويقولوا حقهم

عامل بشركة المحلة من عشرين سنة يخرج من الفجر يرجع بعد العشاء

ومرتبة 600جنيه -- لما يسمع الخبر ده -- ياترى هيقول إيه ؟؟

وقعد طول مدة الثورة فى الشارع مع الشباب

لما عرف إن واحد من الشباب جيرانه فى الضرائب بيأخد 1500فى الشهر بعد سنتين فقط

ياترى هيسمع لواحد زى الملياردير محمد سعد يتكلم بالنيابة عنه؟

كفاية نضحك على نفسنا وندافع عن هؤلاء

شكرا لكم

لما يكون البرنامج بيدخل 100 مليون يبقى مش خساره فيه 7 مليون

اكثر حاجة محزنة هذه الأيام ان كثير من الأشخاص الذين كنا نحبهم ونحترمهم ظهروا على حقيقتهم ، فمحمود سعد الذى تحدث كثيراً عن معاناتنا ومشاكلنا ، وكنا نشعر أنه واحد منا ، لم يكن ذلك الا وسيلة لكسب شعبية كبيرة ، ليستغلها فى المساومة للحصول على ملايين اكثر وأكثر 0

والله احنا غلابة بنجرى ورا مرتب محترم وشقة وهما بالملايين

شكرا لمروركم جميعااااااااااااااا

ما اعتقدتش برنامج ايه اللى يدخل 100 مليون والناس مش لايقة تاكل
حتى لو دخل البرنامج كده عادى يعنى ياخد 7 مليون
كلامك تمام

شكرا لمرورك

بصراحة الثورة دى حتبين ناس كتير على حقيقتها وعلى رأى اللى قال"اذا اختلف السارقان ظهر المسروق " المشكلة ان الرموزكلها بتسقط رمز وراء الاخر
ربنا يستر على بلدنا الاصيلة يا ناس اتقوا الله فينا وفيها

بالنسبة للمحايلة عشان حوار مع الرئيس او مبارك فهذا ليس عيب على الإطلاق، ربما كان يريد مواجهتهم بما وصل اليه حال الناس ؟!!
والا فليذكر لنا الوزير الهمام لماذا منع محمود سعد عن أداء هذه الحوارات؟؟!!!

جميعنا الى وقت قريب بكينا لوفاة حفيد الريس وحزنا لحزنه كذلك
ومازال بقلوبنا حزن لما انتهى اليه حاله وكم تمنينا ان ينظف نفسه من بطانة السوء وكم ناشدناه انهاء الفساد والاهتمام بالشعب المطحون !!!!!!!

أما عن حكاية ال 7 مليون وال9 مليون فهذه لو كانت كاذبة لماذا لم ينفيها محمود سعد؟؟!!!