خبر هام لكل العقود وخاصا العقد اعادي والعقد بالحصة
 

خبر هام
من التوجيه المالي والاداري بمديرية التربية والتعليم القاهرة انه سوف يتم تثبيت المعلمين المساعدين سواء كانوا علي بند 2/3 باب اول اجور موسمين او 3/10 باب اول اجور موسمين الذين ماضوا فترة 3 سنوات كمعلم مساعد وحاصلون علي الكادر والتربوي والicdl وتحسب نهاية الثلاث سنوات مع نهاية شهر فبراير 2011 اما اذا كانوا اقل من هذا ولو بيوم فلن يتم تثبيتهم اما العقود العادية او العقود اللي بالحصة تنسي التثبيت ممكن يتم تحويلهم الي عقود مميزة
بما اننا لم نقضي علي الفكر الفاسد الي الان
فعلا حسبي الله ونعم الوكيل فيهم لاننا في العقود العادية خريجين التربية التي كان لنا تكليف لكن الوزير السابق حسين بهاء الدين هو من سحب منا حقوقنا وتركنا في الهواء من لله سوف ينتقم منه الله علي ما ارتكبه في خريجي كليات التربية
فهل يجوز ان يلغي التكليف بالعمل للشرطة للاطباء فلما تم هذا بنا الا فعل الفساد
فيجب محاسبة كلا من فتحي سرور وحسين بهاء الدين ويسري الجمل ورضا ابو سريع علي ما افسدوه في التربية والتعليم من مناهج واهانة المعلم

دول عددهم لايتعدى 9000 معلم

زي ماقولنا


معظم المعلمين المساعدين أو الأغلبية منهم تعينهم 1/7/2008م

الباقي هيروحوا فين ظلم كبيييييير

و الله اول واحد يتحاسب هو أحمد درويش ال ********** لانه صاحب قرار فصلنا
ربنا ينتقم منه اللى ظلمنا
ربنا يورينا فيه عجائب قدرته
ربى انى مغلوب فانتصر من أحمد درويش

الازهر عقود متصله من 2005 والعقد المميز من2008
كده نظامه ايه

احنا فى البحيرة ينتهى عقد الغالبية من المعلمين المساعدين يوم 9/10/2011 يعنى ايه الكلام ده يعنى اسامينا مش حتكون موجودة عشان فرق 9 ايام ايه اللى بيحصل وايه اللى هما ناوينه بالنسبة لنا بالظبط ايه العك اللى بيحصل فى الوزارة ده والمشكلة الاكبر ان مفيش مسئول نتوجهله ويدلنا على موضوع التثبيت هل هو حقيقة ولا كذبة زى المعهود حسبى الله ونعم الوكيل

اسفة العقد ينتهى 9/3/2011

مش ملاحظين ان الاخبار الرخمة من العضويات الجديدة


برجاء المراقبة للاخبار اللى بتستفزنا

طيب انا عقد عادى
ايه الموقف
طيب يعنى يمكن تاخدو عقود هو احنا ممكن نفضل ب100 جنيه بعد كل ده
ياريت توضح

العقود عندنا في محافظة قنا تبداء من 1/4/2008م
يعني حسب كلامك المفروض ان احنا حنتسبت في نهاية شهر مارس
فهمنا بالظبط كلامك
وبعدين احنا قلنا لينا قانون كادر غير قانون 3سنوات
افهموها بقة

طيب والتعاقد 1/7/2008 هايكون ولا مش هايكون ارجو توضيح

اولا اشكر كل من رد علي مساهمتي واريد ان يعرف استاذي الفاضل خادم المسلمين 1 بانني لست من المشاركات الجدد نعم ان عدد مشاركتي قليلة ولكني اتصفح الموقع دائما وعلي تواصل دائما فيما يخصنا نحن المعلمون الجدد اما عن مشاركتي فهذا ما حدث بالفعل اليوم في مديرية التربية والتعليم بالقاهرة ولست وحدي من سمع هذا الحديث بل معي مجموعه من العقود من مميز وعادي وكون كتب هذة المشاركة حتي نفكر سويا في اسلوب علمي وسلمي وواضح لتحسين اوضاعنا جميعا بكافة انواع العقود لذا لابد ان لا ندخل في دائرة التشكيك هذة واذا اراد احد الذهاب للمديرية التربية والتعليم فهي متاح للجميع في العباسية بجانب عبده باشا للتاكد من صدق ما رويته
اما فيما يخص مدة التعاقد فمن 3 سنوات لمن تم مده تعاقده كمعلم مساعد 3 سنوات في نهاية شهر فبراير2011
لذا كل من المعلمون المساعدون يحسبون مده التعاقد منذ بدء التعاقد كمعلم مساعد حتي فبراير 2011
وهذا ما علمته مع العلم اني عقد عادي رغم اني خريجة تربية عام قسم فلسفة واجتماع ومعي دبلومتان تكنولوجيا التعليم ودورات تنمية بشرية وجودة وتصميم مواقع ولغة انجليزية والسبورة الذكية وتنفيذ مشروع اعدادته في كيفية تفعيل وحدات التدريب بالمدارس و بصدد تحضير الماجستير في التعليم الالكتروني واعمل منذ 6سنوات كعقد عادي
وارجو التركيز من هدف نشر هذة المساهمة هو فتح باب النقاش لايجاد حل من خلال مشاركتنا واقتراحتنا للتوصل الي حل
وسأبدا باقتراح ان نكتب مطالبنا بشكل واضح في نقاط ونرسلها الي مجلس الوزراء ووزير المالية وبعض الاعلامين الشرفاء ىني احس شخصيا بالتفاءل نحو رئيس الوزراء الفريق احمد شفيق ووزير المالية سمير رضوان

حضرتك برضواااااا مردتش عليا
احنا ايه موقفنا العاملين بالعقد العااااااادى
هناخد مميز ولا ايه بالظبط