|
لازم امشى انا اسفة بجد " سمر سعد"
بسم الله الرحمن الرحيم
سلام عليكم ورحمة الله وبركاته انا بجد مش عارفة ابتدى منين ولا اقول ايه غير ربنا يوفقكم جميعا بأذن الله ومصر حالها يبقا افضل بأذن الله الحقيقة انا بمر بظروف خاصة جدا ومش هقدر ادخل المنتدى تانى وبجد السنتين اللى قضيتها معاكم كانوا اجمل ايام عمرى بجد وبجد انا بشكر كل اصدقائى اللى هنا اللى بجد احترمتهم وحبتهم جدا من كل قلبى وبدعى لكل حد اعرفه او الظروف ماسمحتش انى اتعرف عليه لكن بتمنا منكم انكم تفتكرونى دايما بالطيب وبتمنالكم كل التوفيق وبجد ايامى معاكم عمرى ما هنساها الف شكر ليكم وربنا يوفقكم فى رعاية الله ولا اله الا الله samar.. saad |
ايه يا سمــــــر الكلام ده ؟؟ في ايه ؟؟
حد ضايقك هنا فى المنتدى ولا حاجة ؟؟؟؟؟؟؟؟ |
ايه الكلام ده بقي
اهو ده الكلام اللي يزعل الواحد اما يلاقي زمايله بنسحبوا من جنبه ليه يا سمر؟؟ مينفعش اللي بيتكتب ده علي فكرة انا حسابي مع الكيبورد اللي كتبت الكلام ده |
ليه يا سمر بس ؟؟
انا مش مصدق والله ؟؟ يعني انا اغيب عن المنتدى كل ده والمشاركة الأولى اكتبها في موضوع اعتزالك ؟؟ طب وطالما قضيتي هنا اجمل ايام عايزه تمشي ليه طب مين اللي زعلك ؟ لا اله الا الله |
قول حاجة ياعم زيكا
مش هينفع الكلام اللي بيتقال ده |
ايه يا سمر الكلام دا بقا....
طيب و ...اجمل مشوار..!! ولا نسيتي .. ولسه كنا بنهزر وبنضحك ف التوبيك ... ليه بس دا كله .. بجد اجمل مشوار لازم هيكمل وانتي هتكوني اول وحده ترد فيه .. اما بجد انتي عارفه .... سمر اي حاجه ظريفه حصلت من اي حد ارجوكي اوعي تاثر عليكي ودا اللي احنا اتعلمناه سوا... واكيد .. منتظراكي..ومتاكده هترجعي وان دا محصلش ..يبقا احنا بجد مكناش اغلي حاجه لبعض... |
ليه كدا بس يا سمر
طيب السبب الامتحانات و لا ايه و ماينفعش تسيبى اصحابك و احبابك كدا بالسهولة دى فكرى فى الموضوع تانى ان شاء الله ربنا هايحل المشكلة دى |
مينفعش اي حد يدخل ويخرج كدا بمزاجه لازم نعرف يا سمر ايه الأسباب التي أدت الى ذلك .. مش معقول كل الناس اللي بتحبك دي وتسيبيهم وتمشي كدا .. فكري تاني
|
اقتباس:
انتي قضيتي معانا في المنتدي سنتين كنتي فيهم عضوة محترمة و نشيطة و متميزة و الكل بيحبك انتي مش مجرد عضوة انتي واحدة من اسرتنا الكبيرة اسرة منتدي ثانوية لو عندك فعلا ظروف ممكن تمنعك من دخول المنتدي لفترة معينة .... مفيش مشكلة لاننا هنفضل فكرينك .... و مش هننساكي و مهما غبتي علينا فمكانك في ثانوية محفوظ .... سلام يا احلي عضوة و اجمل اخت .... |
ليه كدا ياسمر ؟ خيرا ان شاء الله .. اتمنى تراجعي نفسك مرة تانية فلو على الدراسة ممكن يكون ترك المنتدى مؤقت وترجعي لنا تاني ان شاء الله.. اما لو حد زعلك ولا حاجة قوليلي بس :stickjo4::stickjo4: وربنا يوفقك يارب والجميع .. |
موضوعاتك ومشاركاتك تجعلنا نتمسك بقلمك أختنا الفاضلة ننتظر تألقك وأبداعك بارك الله فيك |
لماذا يا سمر ده أنا كنت بشوف فيك بنوتة حلوة وقلم متميز ورأى وشخصية محترمة أنا محبش أشوف المنتدى من غير سمر أو
أى عضو من أعضائه المتميزين حرام ده أنا لسه بتعلم منك ومن المنتدى المحترم بجد |
ايه ياسموره مينفعش تمشى
وهتمشى ليه؟ لو حد ضايقك قولى واحنا نجيبلك حقك بس متمشيش |
الله الله اللهم صلي ع النبي في ايه يا سمورة مالك بس ؟؟؟؟؟؟؟ امانة عليكي يا شيخة ما تسيبي المنتدي فكري الموضوع تاني الله يكرمك تقبلي مروري
|
انا بشكر حضرتكم جدا جدا بجد
وانا الحمد لله رجعت تانى وبشكر كل واحد علق على موضوعى وربنا يخليكم ليا يارب الف شكر لحضرتكم وبجد ماكنتش اتصور كمية الحب دى ليا |
| جميع الأوقات بتوقيت GMT +2. الساعة الآن 02:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.