هل يصح ان يكون المعلم انتهازى وانانى ؟؟؟؟؟؟؟؟؟؟؟
 

يقول الله تعالى : وفى السماء رزقكم وما توعدون " صدق الله العظيم
يااخوانا البلد بتفرح بالثورة وبتتعافى من فترة صعبة وليس من اللائق بالمرة ان المعلمين القدوة يحاولوا يصطادوا فى المياة العكرة . فليكن كل هم الشعب اتمام الثورة العريقة والتكاتف جنبا الى جنب لنصرتها

ارجوكم فكروا فى كلامى وتيقنوا ان كل شئ مقدر

على فكرة يا ريس حجازى انت داخل منتدى غلط . اكيد انت تقصد منتدى ستات المصاطب اللى حضرتك اكيد عضو بارز فيه .
للاسف لسه فيه عقول كدة بعد الثورة !!!!!!!!

يا استاذ محمد حسين انا ماقولتش اننا مالناش حق نتظاهر وانتو لو متابعين من فترة طويله انا دعيت والله اكتر من مرة للتظاهر والاعتصام للحصول على حقنا المسلوب .
لكنى باقول مش دة الوقت المناسب واكيد فى ناس كتير عارفين ان اصابع الحزب الواطى ورا كتير من التظاهرات الوفئوية دى عشان يدخلوا البلد فى فوضىويوقفوا عجلة سير الامور ف البلد .

اضف ايضا عمال الشرطة ........

غير كده ده حق مسلوووووووووووب ومنهوووووووووووب

د هم اللي استغلونا

احنا عندنا اكتر البلد عقد واجر وشوف بقي مرتباتنا اد ايه

احنا ناجحيين في الكادر اكتر من سنه لا خدنا الكادر ولا اتعينا

احنا عملنا icdl وامتحنا انجليزي وصرفنا علي الدبلومه اكتر من اللي بنقبضه

اقل حاجه بيودونا ابعد بلاد المسلمين علشان احنا يا عقد ياجر

يبقي احنا انتهازيين كده !!!!!!!!!!!!!!!!!!!!!!

يا تري حضرتك عقد ولا اجر

وحضرتك تعرف أه عن الثورة
الأستاذ حجازى عنده حق نقطنا بسكاتك
لأن كلامك بيؤكد أشياء كثيرة
وأصلا كلامك مرفوض تماما
وتعليقك على الأستاذ حجازى لا يتفق مع ما بدأته بآيات من القرآن

مين قالك ان احنا بنصطاد في الميه العكرة ومين قالك ان احنا ماكناش بنطلب حقنا لكن حكومتك قبل الثورة وبعدها هي اللي عودتك علي الاسلوب ده
ده ابسط حقوقنا احنا مش بنطلب علاوة 100% زي الشرطة و150% زي القوي العاملة أحنا طالبين الامان اللي هو صعب تحقيقه في الزمن ده

- اما عن ما اعرفه عن الثورة فهو كثير يبدأ حيث بدات فى المهد ع الفيس بوك ويستمر مع استمرارها فى جميع مراحلها حتى الصعبه حتى الامس القريب كنت والحمد لله فيها ومعها واسأل الله القبول .

- اما عن كلامى الذى يؤكد اشياء كثيرة فليس من تلقائ نفسي لكنه كلام حكماء البلاد واعضاء الثورة وعلماء الدين وكل من له عقل ومنطق ...ولكن لا تفقهون .

- وان كان هذا كلام هؤلاء الحكماء والعقلاىء والعلماء وانتم تنكرونه وترفضونه منى فليس عيبا فى .

- اما عن ردى على الاخ حجازى فحضرتك للاسف شفت ردى وتجاهلت كلامه الذي بدأ به . وذاك عجيب !

- يااخوانى انا لا انتصر لرايي ويعلم الله ذلك و قد اكون احوجكم لهذه التظاهرة واسبقكم للمناداة بها

لكنى اقوووووووووووووووووووووول : لكل مقام مقال . وربمالو تركنا هذا الحق مؤقتا لوجه الله يبدلنا الله خيرا منها ان شاء الله

- وياسيدى انا با عتذر للاستاذ حجازى ان كنت تجاوزت فى ردى على بدر منه .

و هاهو الشيخ محمد حسان فى مؤتمر الجبهة السلفية بالمنصورة امس يفتى بحرمة الاعتصامات الفئوية هذه الايام لانها تزيد الفتنه وتنشر الفوضى فى البلاد .
وكان تقريبا نفس رأي الدكتور القرضاوي فى خطبة جمعة النصر فى ميدان التحرير ؟
عايزين ايه تانى ؟؟؟؟؟؟؟؟؟؟؟؟

قولتلى بقي الشيخ محمد حسان ....مش هو برده اللىقال قبل المظاهرات " يأخوانا المظاهرات مش بتوسع الرزق " أمال ايه ياشيخ محمد اللى بيوسع الرزق تجارة الآثار

اظن با استاذ تامر ان الشيخ محمد حسان - جزاه الله عن الاسلام كل الخير - اعلى وارفع من ان اى انسان فى الدنيا يتهكم عليه او يزايد على نزاهته او ولائه لدينه ووطنه .
وان كان موضوع التثبيت ده هيخلينا نجيب سيرة ائمتنا الاجلاء بالشكل الوقح دة يبقى طظ والف طظ فى التعيين او اى شئ .

انت بتشتغل ايه اصلا مظنش انك معلم لانك لو كنت معلم بحق كنت عرفت وحسيت باللي باقي زمايلك المعلمين حاسين بيه والحق المسلوب جه الوقت اننا ناخده وده مش معناه انتهازية لان الانتهازي هوة اللي بيستغل الفرص عشان يطلب حق مش بتاعه انما ده حقنا وعلى فكرة افتكر ان احنا بني ادمين وعندنا التزامات قبل مانكون معلمين ومش بنطلب اكتر من حقنا واخلع العباية اللي مش بتاعتك دي ابعد عن القرآن وعن محمد حسان وغيره من رموز الاسلام لان اسلوبك في الكلام ملوش دعوة ولا بالقرآن ولا بمحمد حسان وبعدين لو حقك مش ضايع كدة عرفني انت بتقبض كام وبتدفع ايجار شقة بكام وبتاكل بكام ولو متجوز زينا احكيلي بتصرف منين؟ من الدروس ولو حصل وتعبت ولا مت لاقدر الله هتعمل ايه تقدر تعرفني ياعم احنا موجوعين سبينا في حالنا الله يهديك ...