|
كخ متقولش منقول
السلام عليكم ورحمة الله وبركاته اذيكم يا جماعه موضوعي المره دي مش طويل ولا رغي كالعاده بس هيكون بسيط وهيتلخص فيحاجه بسيطه اغلب الاعضاء كانوا من فتره لو نقلوا موضوع بيكتبوا منقول ودا للامانه انما انا ملاحظ حاجه بجد اليومين دول كتير اوي ان في مواضيع كتير بتكون منقوله ومش بيتكتب عليها منقوله ويمكن العام بصراحه من اقل المنتديات الي بلاقي فيها مواضيع منقوله وحتي لما بيكون في بيكتبوا منقول بس انا بعتب علي الناس الي بتنشر مواضيع ومش بتقول انها منقوله وبعتب علي الناس الي مش بتقراء المواضيع النقوله ومش بتعترف بيها والي انا كنت واحد منهم بس اكتشفت ان في مواضيع منقوله مفيده جدا يعني ملخص الموضوع دا اني بطلب من اي حد بينقل موضوع يقول منقول لان دي امانه واي حد مش بيحب يقرا المواضيع المنقوله ياريت تجرب ومش هتخسر حاجه ويمكن تغير فكرتك لان صوابعك مش زي بعضها وياريت محدش يكون زعل من كلامي |
شكرا علي النصيحه يا عدول
وفعلا دي امانه و لازم لما الواحد ينقل موضوع يقول انه منقول |
اكيد وده فعلا موجود حاليا فى المنتدى ومعظم الاعضاء بتكتب منقول وشكرا للنصيحة |
بسم الله الرحمن الرحيم السلام عليكم ورحمه الله وبركاته والله يا دكتور حضرتك عندك حق فى اللى بتقوله بس الموضوع المنقول على فكره بيبان إنه منقول حتى لو مش إنكتب كلمه منقول |
بشكر كل الاعضاء علي مرورهم وردودهم وعايز اقول للسادات ان ممكن اعضاء ميعرفوش انهم مواضيع منقوله ويفتكروا انها بتاعت العضو دا ونفرض يا سيدي ان العضو عارف هو انت لما تيجي تكتب مقوله في موضوع مش بتقول وقال الدكتور فلان كذا كذا لان دي ملكيه فكريه بلاش يا سيدي لو موضوع من موضوعاتك الي بجد بتكون مميزه لاقيته منقول لمنتدي تاني وبدون مايتكتب كلمة منقول هتضايق ولا لا لان دي ملكيه فكريه ولا انا بتكلم غلط يا باشا؟ |
لاء كلامك جميل وصحيح بنسبه 100% بس للأسف كده كلمه منقول وحدها لا تكفى يبقى لازم كمان يجى إسم العضو ورابط الموضوع الأصلى ولا إنت إيه رأيك وده كده هيبقى منافى لقوانين المنتدى عشان كده هنكتفى بكلمه منقول فقط وإسم الكاتب الأصلى إن أمكن |
اقتباس:
بس المهم يا عم محمد متكونش زعلت |
وكلمة منقول دى
اديت حق الى كتب الموضوع اصلا ؟؟؟ |
اقتباس:
اقتباس:
رغم اني مش فاهم سؤالك اوي بس هرد علي قد الي فهمته لو كلمة منقول مش هتدي لكاتب الموضوع الاصلي حقه يبقي عدم قول كلمة منقول هيمنع عنه حقه خالص ولا انت سؤال غير كدا؟ |
ميدو يقصد انك لما تقول منقول
كاتب الموضوع الاصلى ما استفادش حاجة لانك ما قولتش اسمه ولا قولت اى حاجة عنه ولا ذكرته أساسآ فا منقول مش ها تفيد فى حاجة ساعتها |
ايوه يا عم محمود بس لما هتكتب منقول يبقي هتحفظ حقه لانك كدا مقولتش انها بتاعتك وملكش دعوه بقي هي بتاعت مين المهم انك قولت انها مش بتاعتك
|
فعلا الاسطورة فهم قصدى
لذلك كلمة منقول عشان كاتب المووضوع يقولالناس ان مش هوا الى كاتبه عشان لو الناس هاجمته ده معنا كلمة منقول دلوقتى فهمتنى |
يا جماعه انا وجهة نظري واضحه
|
كده ميدو جاب اللى أنا كنت عاوز أقوله كلمه منقول لن تجدى ولن تفيد إذا بدام إنت مذكرتش الموضوع الكاتب الأصلى له مين وياترى غنت ناقله من مكان اللى إنت ناقله منه ده ناقله هو كمان ولا كاتبه ويارتى لو إنت كتبته بإسمه هو وهو مكنش الكاتب الأصلى كده يبقى إنت ظلمت الكاتب الحقيقى |
عندك حق يادكتور
|
| جميع الأوقات بتوقيت GMT +2. الساعة الآن 01:51 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.