أحمد جمال الدين موسي وزيرا للتعليم مرة أخرى
 

الدكتور احمد جمال الدين موسي الذى سبق له تولى وزارة التعليم قبل يسرى الجمل سيتولى وزارة التعليم مرة اخرى بالاضافة للتعليم العالى
ويذكر انه تمت اقالته عام 2005 بعد عام من توليه الوزارة او اقل نظرا لقربه من شخصيات اخوانية وهو ما دعى النظام السابق لاقالته

طب هل هو راجل كويس و الا لا

اللى أعرفه عنه إنه راجل كويس جدا وهو أول من فكر فى فكرة كادر المعلمين ولو كان قدر له البقاء فى الوزارة ما كان هذا حالنا .

بس بيقولوا فى الاخبار انه قريب جدا من الاخوان
دى مش حاجة تخوف؟؟؟؟؟؟؟؟؟؟؟؟؟

لا ما تخوفش
اخوان مش اخوان كلنا مصريين كفاية جهل

يا اخي الفاضل الاخوان شريحة كبيرة من شرايح المجتمع وناس في معظمهم محترمين جدا ويشغلوا مناصب راقية في المجتمع يعني مش دقون طويلة وجلاليب قصيرة - مع انصياعي التام لسنة النبي صلى الله عليه وسلم - الشاهد اننا مش عايزين نردد نفس ابواق النظام الطاغي الله لا يرجعه - هما ناس وسطيين في الدين يعني لا هم متطرفين دينيا ( زي جماعات التكفير والهجرة مثلا ) ولا متطرفين علمانيين زي اللي كانوا بيتفرضوا علينا في وسائل الاعلام الرسمية في العهد البائد واللي كانوا عايزين يقصروا الدين في دور العبادة فقط الله يهديهم ويكفي انهم هم اللي فضحوا النظام السابق وكشفوا قوايم الفساد في البلد ( ما تنساش طلب الاحاطة اللي قدمه النائب جمال زهران لمجلس الشعب في 2005 بتهمة اهدار 200 مليار جنيه ضاعوا على الدولة الى بقية القصة الشهيرة ) ومن ساعتها النظام دأب على تشويه سمعة الاخوان في كل مكان وعبر وسائل الاعلام الخاضعة وقتها للنظام

مرحب بالدكتور جمال ةياريت نظرة للتعليم وحاله

إن شاء الله فتحة خير على التعليم

اخوان يعنى كل خيرررررررررررررررررررررررررررررررررررررر

السلام عليكم

والله نشوف اعمالة وانجازاتة وبعدين نحكم علية

ويارب يكون راجل كويس

اول شئ يفكر لنا فية

ناس متخصصة فى عمل المناهج التعليمية الصحيحة للطلبة لان دا هو الطريق الوحيد لاصلاح التعليم

وان شاء الله كل شئ فى مصر يكون فى افضل حال

لو اخلصنا العمل لله
وكل واحد عمل اللى علية
وفقكم الله جميعا

لماذا الخلط بين الدين والسياسة المهم انه يصلح التعليم طول عمرنا بنجيب خبراء أجانب وبنطبق تجارب دول أجنبية التى باءت بالفشل الذريع إخوان ولا مش إخوان كلنا مصريين المهم انه يصلح ما أفسده الدهر

يعني مش دقون طويلة وجلاليب قصيرة - مع انصياعي التام لسنة النبي صلى الله عليه وسلم -

يأخي وهل هذا شيء يحمدون عليه والله إني لأحبهم جدا وعلي صلة بهم وهم يعلمون أن هذا

تقصير منهم أسأل الله أن يغفر لنا ولهم . ولكن أقول هذا يعيب أحد ذقن وثياب قصيرة أليست سنة

رسول الله أم ماذا ؟ وحضرتك إنصعت ولو لربع أو أقل لسنة رسول الله ما استطعت أن تقول هذا .

اللهم اغفر للمسلمين والمسلمات . تقبل مني وافر الحترام والتقدير . وأخيرا عذرا علي المداخلة .