|
اهمال موظفه في الاكاديميه حرمني من التثبيت
ياجماعه انا كنت مقدمه كل حاجه من المرحله الاولى ولما رحت اسأل النهارده لقيت الاكاديميه مضيعه ورقتي السبع مديولات وقالي استني بقى عما نبعت اسمك ويتعملك شهادة صلاحية وبعدين الوزير يمضي عليها وبعدين تنبعت الوزاره ثم للمديرية ثم للمحافظ ثم يطلع قرار لكي وطبعا لازم تبقوا مجموعه ويكون في درجات ماليه يعني بعد 3 او 4 شهور ده مايرضيش ربنا ان اهمال موظفه يعمل في كده ارجوا المشوره اعمل ايه علشان اخد حقي
|
حضرتك محافظة أيه
|
سلميها لله لم يشا الله بعد لكى بالتعيين الحمد لله على كل شىء
والله انا حصل معايا كده كذا مره والحمد لله لحقت نفسى كنت كل اسبوع اروح الاكاديميه واراجع ورقى وفى يوم قالولى انت مقدمتش حاجه والاغرب انهم مرضيوش ياخدوا منى افاده جديده اقسم بالله ولكن ولاد الحلال ربنا يكرمهم ساعدونى والحمد لله وكان مدير الاكاديميه يسترخى على الكرسى ويقولى انت مقدمتش اى حاجه احنا مفيش حاجه بضيع عندنا احنا مسجلين كل حاجه على الكمبيوتر واتريهم بيلعبوا بينا الله ينتقم منهم ومن على شاكلتهم ومن كل واحد يلعب باقدار ومصائر الناس |
انتو كده بتقلقونا يا جماعه والله
ده ممكن كتير مننا يبقا بنفس حالة الاستاذة شيرين ربنا يسترها ويفرح الجميع |
بصى اختى شرين
ربنا طبعا معك فى هذه المشكلة بس انا هقولك حاجة انا عن نفسى مع باقى زميلاتى والزملاء اما ارسلنا ورقنا للاكاديمية فى الاول خالصصصصصصص اول مرة سمعنا اشاعة ان فيه امتحان بالاكاديمية لينا كمعلمين مساعدين مكذبناش خبر روحنا سألنا هناك قالوا فعلا استنوا هتمتحنوا امتحنا ونجحنا سمعنا اشاعة ان ورق اللى نجحوا راح مصر روحنا استفهمنا وفعلا انا عن نفسى روحت للموظفة الصبح بالاجازة (عشان تبقى رايقة كده) شافت اسمى عندها مسجل ان الورق راح مصر وللامانة عندنا بالاسكندرية الموظفين والله والله لم يتهاونوا فى انهم يكلمنوا ويورونا كل حاجة بالتفصيل وقالتلى ورقك راح لكن ورق زمايلك لسه عشان ناقص كذا وكذا المهم قالوا عاوزين شهادة icdl ارسلتها وسألت على ورقى تانى قالوا لا. تعالو خدوا الاصل هاتوا صورة روحت قدمت الصورة وسألت على ورقى اللى عاوزة اوصله من كلامى الكتير ده اننا شعب روتينى لازم كنتى سألتى على الورق كل شوية تتابعيه بنفسك وتروحى بنفسك وربنا معك واعتقد انك لازم تقدمى تظلم من الاهمال برده وابعتيه على فاكسات الوزير والله اعلم |
أنا من محافظة الغربية وشكراا على ردكم علي ويارب ماتحصلش مع حد تاني
|
اقتباس:
|
ارسلي شكوى للوزير على مكتب الوزارة بالقاهرة باسمه شخصيا واطلبي التحقيق في الموضوع واثبتي حقك ولاتخشي في الحق لومة لائم وسيتم احالة الامر للتحقيق ومجازة المسئول لانك ان صمتي تكوني مشتركة مع من ضيعوا حقك وستساعديهم على الاستهتار بمستقبل الاخرين وحينما ينتهي التحقيق سيصدر قرار من الشئون القانونية بانك معينة في التاريخ نفسه معنا
|
ياريت حد يجيبلي موقع الوزاره علشان ابعت شكوى تظلم
|
اه والله احنا لازم نتأكد بنفسنا من ورقنا
وباذن الله ربنا يستجيب لدعوتك بس انتى ارسلى التظلم بسرعة حتى لا يضيع حقك وبرده ادخلى على صفحتك لعل وعسى |
على فكرة ناس كتير من المعلمين الاساسيين امتحنوا الكادر وسقطوا مثلا بمادة
عارفة منهم قدم تظلم واترد عليه انه نجح بالكادر واللى لم يقدم تظلم دخل امتحان الاعادة ونجح برده بس بعد حرب اعصاب بقى لذا اقولك اسرعى بالتظلم الان وربنا هيردلك حقك |
انا كمان اختى شيرين من اوائل الناس اللى قدمت ورقها بس مرحتش تانى ودلوقتى الرسالة موصلتش عندى
انا خايفة تكون ورقة icdl ضاعت منهم و استنى لما يكون فى دفعة تانية من التعينات |
ابعتى شكوى لكل الجهات المعنية مها
1- رئاسة مجلس الوزاء 2- وزارة التعليم 3- مدير الاكاديمية الرئيسي 4- النيابة الادارية بالمحافظة سواء بفاكس او ايميلات او خطاب سريع مسجل بعلم الوصول...............والله انا حزين جدا ليكي بس الخير قادم ان شاء الله ليكى |
ربنا يصلح لك الاحوال ان شاء الله
|
ايميل الدكتو احمد شفيق pm*cabinet.gov.eg
وزير التربية والتعليم الجديد minister*mail.emoe.org |
| جميع الأوقات بتوقيت GMT +2. الساعة الآن 03:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.