|
ورشة مراجعة الفيزياء لكل الطلاب
بسم الله الرحمن الرحيم
السلام عليكم ورحمة الله تعالى وبركاته احنا اتفقنا باذن الله اننا هنبدا مراجعة المواد بالترتيب وعشان الموضوع يبقى منظم هنخلى هنا ورشة العمل يعنى هانجمع اللى عايزينه بعد كده هنجمعهم في موضوع واحد باذن الله عشان الموضوع يبقى منظم محتاجين الاتى:- 1-اولا روابط فيديوهات مستر محمد عبد المعبود بالترتيب وباسم الفصل 2-مذكرات مستر عبد العزيز عطوة 3-امتحانات على كل فصل 4-مدرس يواصل معانا لحل اسئلتنا ودة في موضوع لوحده 5-تقرير كل طالب عن مذاكرة كل فصل وحله وده هيكون في موضوع لوحده 6-الاسئلة الصعبة التى واجهت الطلاب ودى هتكون في نفس الموضوع اللى فيه تواصل المدرسين معانا 7-كل اسبوع يذاكر الطالب ويراجع مش اقل من فصلين 8-مفيش تقصير من اي طالب وبالنسبة للعقاب هيكون نفسي يعنى كل طالب لما يلاقى باقي الطلاب ذاكرت وهو لا هيحس بالتقصير وهيحس ويذاكر باذن الله |
محتاجين شغل اكتر وبسرعة عشان نبدا
اولا ياريت الاخ بلال يعمل موضوع حالا ويضع فيه روابط مستر محمد عبد المعبود باسلوب منظم وجميل ويسمى الموضوع مراجعة الفيزياء لطلاب بوابة الثانوية ولو عنده اسم افضل ياريت بس يكون عام يعنى ميقولش حلقات مستر محمد عبد المعبود عشان تانى خطوة يحط مذكرات مستر عبد العزيز عطوة ومحدش يضع رد خااااااااااالص يعنى نحط الروابط وبس من غير كلام |
فكره حلوه اوى
يا رب وفقنا |
انا معاكوا بس بسرعة الوقت بيجرى
|
وياريت الجدول
و حنبدا من امتى |
انتوا عايزين جدول لكل المواد ولا جدول للفيزياء بس؟؟؟؟
احنا ممكن نعمل جدول بحيث ان كل يوم ماده مثلا والجدول ده يبقي حاجه اضافيه غير مذاكرتك ودروسك |
انا عندي فكره حلوه
احنا ممكن نعمل لينا احنا امتحانات زي امتحانات اخر السنه يعني نتفق مع بعض علي ميعاد مثلا بعد شهر ونقول ان في المعاد ده امتحان زي اخر السنة لان اكيد مش هيبقي في امتحان تجربة ايه رأيكوا؟؟ |
رائعة جدا الفكرة بس ياريت نبدا من النهاردة ياريت زى ماطلبت في بداية الموضوع الاخ بلال ينزل الروابط في موضوع او اي حد يقدر ونتفق على يوم مثلا في نص شهر 3 على امتحان شامل بس ياجماعة الكل يشارك ياللا
|
|
فكره حلوه وانا معاكو
|
وده الرابط الى عمله الاخ بلال والى كنت بفكر اعمله والله
http://www.thanwya.com/vb/showthread.php?t=290173 |
يا جماعة لوسمحتم عشان انا معنديش القدرة انى انزل روابط حد يعمل موضوع بسرعة ويكتب العنوان
مراجعة الفيزياء لطلاب 2011ويكتب محدش يحط ردود خالص عشان نخلى الموضوع منظم اكتر وياريت يخليه منظم اوى يعنى يكتب روابط الفيديو لمستر محمد عبد المعبود وهكذا وياريت ينزل رابط مذكرات مستر عبد العزيز عطوة وبرضو يخليها منظمة وياللا بقة عشان نبدا |
بلال عملها
بس الجدول و لا نظام المراجعة ايه |
ياهالة انا مش لاقية الموضوع بتاع الاخ بلال
انتى قصدك موضوعه الاصلى ولا انه عمل اللى انا طلبته منه ياريت تحطى الرابط اللى قصدك عليه انا مقدرش اقول نظام المراجعة الا لما الموضوع يكمل انا الى الان مش حاسة اننا اتجمعنا كل اللى اعرفهم مهتمين هما انتى وmisty angle واخوة ميكملوش 3 |
بما اننا احنا بس اللى مهتمين خلاص نبدا
انا هاذكر اسامى اللى هيبدأوا مراجعة عشان يكونوا معروفين ويسجلوا حضورهم النهاردة في الموضوع 1-misty angle 2-bebo11 3-هالة عصام 4-Hopeful Girl 5-امير بحر 6-الزعيم اا 7-احمد محمد 99 8-سبيل العالم 9-سها نور كل واحد من الاخوة والاخوات يسجل حضوره النهاردة عشان اتاكد انه معانا في مجموعة المراجعة واللى عايز يشترك معانا يتفضل عشان كل فترة هننزل الاسامى اللى معانا وبالنسبة للمراجعة احنا عايزين في شهر تقريبا نكون راجعنا الفيزياء كلها( اكيد طبعا مع باقى المواد) بالنسبة لتقسيم مراجعة الفصول 1-الفصل الاول والتانى 2-الفصل التالت والخامس 3-الفصل الرابع 4-الفصل السادس 5-الفصل السابع والثامن 6-الفصل التاسع والجزء الاول من العاشر 7-الجزء الثانى من العاشر والحادى عشر 8-الفصل الثانى عشر التقسيمة دى بالنسبة للايام يعنى اعتقد ان كلنا بنذاكر فيزياء يومين ف الاسبوع وبالتالى الجدول دة هنمشي بيه باذن الله وننتهى منه ان شاء الله فى شهر طبعا انا لسة معرفش ال13و14و15عاملين ازاي فخليهم لوقتهم المهم نتفق ع المبدأ ياجماعة عايزين مراجعتنا متكونش حفظ وبس عايزين نكون ف المراجعة دى حلينا كتاب الوزارة ودليل التقويم والامتحان ع الاقل وياريت لو نحل كمان اي كتاب مراجعه علشان ان شاء الله فى نص شهر3نكون راجعناالفصول رقم13و14و15 ونبدا مراجعة شاملة فى الشهر ونص الباقيين باذن الله وساعتها نحل امتحانات ثانوية عامة اللى عنده اى اعتراض او اقتراح ياريت يعرضه مع تسجيل حضوره علشان نتفق بالنسبة لباقى المواد لو حسينا ان الموضوع نجح نبدأ ننسق لباقى المواد باذن الله النهاردة ياريت كلنا نسجل حضورنا والساعة 11مساء باذن الله هيكون الوقت اللى هنتفق فيه فهاشوف اللى سجلوا حضورهم عشان نبدا فياريت الكل يدخل بعد الساعة11عشان يشوف اخر حاجة اتفقنا عليها ياللللللللللللللللللللللللا بقة سجلوا واقترحوا واعترضوا |
| جميع الأوقات بتوقيت GMT +2. الساعة الآن 11:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.