البحيره أجازه كمان أسبوع
 

ايوة فعلا لسة الفاكس واصل حالا من الوزارة على الادارة

مبروك يارب عقبال الدقهليه

طب والامتحانات هتبقى فى نفس المعاد ولا هتتاخر

يا أستاد فارس .. الأخصائى الإجتماعى ... ايه آخر أخبار التعيين فى البحيرة ..

عاجبكم يعنى قرار التاجيل ده والانتخة وقعدة البيت ووقف الحال اللى احنا فيه ومفيش شغل واكيد بعد كدة ضغط المناهج
يارب يكون اخر تاجيل وربنا ييسر الامور

النهاردة الكل كانو فى المدرية من معلمين مساعدين ومعلمين بالاجر واتظاهرو داخل مبنى المدرية قدام مكتب وكيل الوزارة ومنعو اى حد يدخل او يخرج من المدرية وبصراحة يا جماعة اللى بيحصل ده غلط وبجد هيأثر علينا الحكومة مش عارفة تتصرف والدنيا ملخبطة لو نيجى للحق التثبيت لازم يكون للكل وبعد كده اى امتيازات مادية او ترقيات تكون بالامتحان او باى وسيلة مناسبة المهم يتم التثبيت ومن هنا يبدا كل معلم يطور ادائه ويحاول يحصل على كل شهادة او تدريب تسرع من ترقيه والله نفسى حال التعليم ينصلح ونبطل انانية

وأنا معاكى
فعلا
التثبيت يكون للكل
واللى دخل الكادر ونجح وخلص الاى سى دى ال
هو اللى ياخد المرجله التانيه من الكادر
وبكده هانخلى اللى مادخلش هايحاول انه يدخل بأسرع وقت
وهاياخد برضه التربوى والاى سي دي ال

احمدى ربنا وعقبال الدقهليه

ايه مصدر الفاكس ؟ وياريت ترفع صورة من الفاكس اللي وصل علي الموقع . وانت من ادارة ايه ؟

عندك حق
وكلامك منطقى جدا التثبيت للجميع والامتحان او التدريب للترقية ويخليها مشروطة كمان ومحددة بسنوات او شهور معينة عشان محدش يانتخ ويتركن عالتثبيت وميطورش من نفسه
والمظاهرات غير المسئولة دى هى اللى بتوقف حال الدنيا بالراحة كدة الوزير هيسمعنا وهينفذ كل مطالبنا وان شاء الله خير انما احنا مش بلطجية عشان نمنع الموظفين من اداء عملهم ونتصرف بهمجية ده مش اسلوبنا ياجماعة احنا معلمى الاجيال ولازم تكون تصرفاتنا مسئولة اكتر من كدة بلاش الغضب وحده هو اللى يسيطر علينا

الكلام ده موجود على شريط الاخبار فى التليفزيون

شكراً يا أستاد فارس على هدا الرد .. واتمنى للجميع التعيين بدون شروط ..وبعدا إدن حضرتك يعن احنا بنتقل عليك لو فيه حاجة جديدة ياريت ..تعرفنا بيها لأننا تايههين والله العظيم ...وألف شكر