ارجو الافادة
 

السلام عليكم ورحمة الله وبركاته


انا قدمت افادة بالاربع مديولات فى شهر 12 / 2009 ولما طلبوا 7 مديولات قدمتها فى شهر 6 / 2010

ورسالة التهنئة جاتلى بس انا مش عارفة انا كده مقدمه فى انهى مرحله

انا خلاص بجد تعبت اوى

يا ريت حد يفدنى

لاننا فى القاهرة الحمد لله لا فى كشوف فى المديرية اتعلقت ولا اى حاجة نزلت الادارة يعنى بجد حرام تعب الاعصاب ده محدش حاسس بينا خالص

يا جماعة كل الى انا عايزة اعرفه كده انا فى انهى مرحلة من المراحل

يا ريت حد يفدنى

ماهو دي المصيبة

كلنا منتظرين نشوف
واعتقد هايكون في ردود فعل عنيفة جدا للي اسمه مش هاييجي

شكرا لحضرتك

بس انا فرات موضوع بيقول ان من المراحلة الاولى الى السادسه هو الى اتعين والباقى على مراحل

انا عايزة اعرف انا كده انهى مرحلة

وشكرا مرة تانية

لسه محدش يعرف وكل اللي بيتقال كلام وخلاص

انا مقدم إفادة بست مديولات يوم 12 / 1 / 2010
وبعدين قدمت السبع مديولات ف آخر واحد 2010

ورحت اتاكد تاني ف شهر سبعة لقيتهم بيقولوا انت مقدمتش السبع
مديولات يعني ضيعوا الورق
رحت مقدم تاني إفادة بالسبع مديولات ف اول شهر سبعة ومحدش عارف فين الصح وفين الغلط

للعلم انا جاتلي رسالة التهنئة

ازيك يا اييمى
طالمل التهنئه جات لكى فلا داعى للقلق
خير ان شاء الله

بنت كايرو بجد لو ده حصل يبقى حسبى الله ونعم الوكيل

لانى رحت وحاول معاهم بكل الطرق وهما قالولى فيما معناه اننا منجيش تانى مع انى رحت مشوار مخصوص عشان اطمن

ممكن تاكديلى تانى انتى لقيتى اسمك والا لا وقدمتى الافادة امتى وفى اى شهر

ما اقلقش ازاى يا ملك انا خلاص مش بنام من التفكير والله كده حرام

اروح الاكاديمية مفيش حاجة والمديرية برده محدش فاهم حاجة

حسبى الله ونعم الوكيل

شكرا على مشاركتك

يا ايمى انا ظروفى مختلفة لانى ارسلت لهم 4 مديولات فى شهر 12-2009

و ما قدرتش اودى افادة بالسبع مديولات لظروفى لكن ارسلت الشهادة الاصلية منذ و قت قريب و علشان كدة

و لا التهنئة و اسمى وجدتهم - فذهبت الى الاكاديمية فقالوا ان فى اسامى تانية خلال ايام و سوف يرسلوا رسائل اخرى طالما

انى استوفيت الشروط

اقسم بالله يا ايمى انك كنتى فى بالى وقت مشاهدة الاسماء و لكن ما كنتش اعرف اسمك و تخصصك

خصوصا انك بتقولى انهم عاملوكى ومعاملة و حشة

فى المديرية قالولى اللى جاتله رسالة هيلاقى اسمه ان شاء الله - مع ان زميلتى ما جلهاش رساله ووجدت اسمها

لو عاوزة تتأكدى روحى قسم التعليم الابتدائى معاهم الاسامى

الف شكر ليكى بجد بنت كايرو

ويا رب يوفقك وتلاقى اسمك قريب وانا هحاول اروح المديرية بس مش عارفة هاخد اذن والا اغيب ازاى فى اول اسبوع بس هتصرف اكيد

وبجد الناس الى فى المديرية مش عارفة اقول ايه حسبى الله ونعم الوكيل

شكرا ليكى بجد افدتينى فعلا

وشكرا على ذوقك وانك كنتى فكرانى

العفو -يا رب اكون طونتك شوية- احنا اخوات

و على فكرة هم قالوا احنا بنفرز اسامى كل ادارة تعليمية و هنرسلهلم بفاكس الاسبوع القادم

يعنى على يوم الاحد او الاثنين روحى اسألى فى ادارتك بلاش المشوار التعب ده للمديرية

و الف مبروك مقدما

بجد شكرا ليكى انتى فعلا انسانه جميله اوى

ومبروك لينا كلنا ان شاء الله

انا مقدم الشهادة بسبع مديولت في شهر 8 / 2010
و اسمى منزلش
حد يفيدني

استاذ امين محدش فينا يعرف انهى ميعاد للتسليم هو الى كان مظبوط

بس انت لو شفت كشوف التعيينات مفيهاش اسمك واتاكدت

خد افاده تانية بالسبع مديولات واطلع على الاكاديمية وديها ليهم وقلهم انك سلمت زيها قبل كده ومالقتش اسمك

اما لو انت قصدك مالقتش اسمك فى التهنئه انا سمعت هنا ان فى ناس كتير جالها التهنئة ومالقتش اسمها وناس ما جالهاش التهمئة ولقت اسمها يعنى غلطت موظف وان شاء الله تتصلح

وبالتوفيق للجميع