إلى كل المعلمين المساعدين الشرفاء (( نصيحة هامة جدًا)) أرجو التثبيت
 

إلى كل المعلمين المساعدين الشرفاء (( نصيحة هامة جدًا))

هناك بعض المعلمين (( للأسف )) ركبوا الموجة
وكأنهم لسان حالهم يقول
نحن المعلمون المساعدون

تعبنا كتييييير أوى أوى وربنا وحده هو الـ يعلم بينا
معظمنا عمل بالأجر كثيرًا .
ثم عمل بعقود مملة كثيرًا .
ثم عقد مميز ، ثم عقد معلم مساعد .

فينا ناس شغالة من قبل سنة2000 ولسه متعينتش
فينا ناس طلع عنيها فى التربوى & الـ i c d l

والنهاردة جايه ناس خريجة 2009و2010 لا هى تربوى
ولا هى حاجة خـالص عايزة تتعين (( حقهم طبعًا ))

وللأسف هيضيعونا معاهم وساعتها هتبقى خراب !

أنا لا أهاجمهم بقدر ما أدافع عن المعلم المساعد
الـ المنتدى العظيم اسمه((منتدى المعلم المساعد ))

عليهم أن يحترموا القانون الـ مصر كلها بتنادى بتطبيقه دلوقتى.
أنا عارف إنى هتبهدل فى بعض الردود .
ولكن والله هى دى الحقيقة الـ الكل عارفها بس لازم ياخد باله منها .

راجل وكل كلامك صح وانا معاك فى كل كلمه قولتها

مش هقول المساواة فى الظلم عدل لان دى مقولة غلط بس هقول ان التدريس اشرف مهنة و مش اى حد يستحق هذا الشرف ولازم فعلا يكون مؤهل و يخضع لاختبارات تؤهله لهذا الشرف اذا كان الوزير نفسه بيعمل انترفيو قبل الوزارة و بيكون قابل انه يتشاط فى الشارع اذا اثبت عدم الكفاءة
انا فاكر و انا بدرس تربيه مقارنه ازاى المدرس كان بيخضع لاختبارات قاسية فى اليابان و المانيا عشان بس يكون مدرس ابتدائى و للامانة هما عندهم مدرس الابتدائى مكانته اعلى من مكانة الوزير و ده فعلا لا قولا عشان كده سبقونا بكتير
و انا اقسم بالله ان فيه مدرسين كتير و الله العظيم لا يعلمون شىء و جهله تماما بمادة تخصصهم و اخرهم واحد زميلى احرجنى لما جبتله درس و فوجئت انه بيحل غلط و مش عارف حاجه و كان الموضوع ده فى وشى فى الاخر
مش بقول نعذب الناس ولا نذلهم لا
ياخدو مرتب محترم بس يخضعو كل حين لاخر لاختبارات تربوية و مهنية و تقويم و تقييم مستمر لنضمن عودة الهيبة للمدرسة مره أخرى كمؤسسة قيادية فى الدولة

انا من خريجى 95 وما زلت معلم مساعد
ومع ذلك بكل الحب اتمنى ان يعين 2010 ولما لا
لا نريد ان يلاقى غيرنا ما لقيناه نحن
فالعالم يسع الجميع
ولا تخشى يا أخى
لو التعين مكتوبلك هتجده
وبعدين هو من يطالب بحقه يبقى بيركب موجه
احنا حصل فى حقنا اخطاء كثيرة انا شخصيا لن ولم ، وابدا ساسامح كل من ظلمنا
فى تعين أو خلافه
فمن يعمل فى مدرسه لابد ان يحترم ويكون احترامه بان يعين

كلام موزون ومتفق معاة ياما عنينا نحن من الظلم المتعمد في التعيين وتفضيل الاقارب ومن لهم محسوبية اودافعين فلوس
انا اسمي جية اكتر من مرة في التعينات وللاسف بتفرق معايا دايما
المهم مش عاوز افتكر الماضي لانو مرير وملوش طعم
احمد-معلم مساعد -جيد- خريج 2000-جغرافيا

انا مش معاك يأخى من قبلك من المدرسين هلى حصلوا على شهادة كمبيوتر او اجتازو اكاديميه قبل التتثبت طبعا لم يحدث والوضع الان افضل مماى كان ونتمنى ان يكون وضعهم افضل منا ده اسمه حب الخير للجميع على فكره انا الحمد لله مستوفى الشروط ولكن زى ماقولت حب الخير للجميع

استاذي العزيز
كل كلامك حلو
بس ياترى مفكرتش أن فيه كمان ناس شغاله زيك بالظبط من قبل 2000 وبردة بالحصة وبعقد مهين ثم عقد مميز
بس حظهم الحلو أن هما مدخلوش أمتحان الأكاديمية لأي سبب من الأسباب
أيه هو ذنب المعلم المساعد الى عقدة طلع بعد أمتحان الأكاديمية مع انه شغال بقالو سنين يمكن يكون قبل منك
غير أن تخصصه مكانش فيه عقد مميز
تقدر تقولي أنا واحد من الناس شغال من قبل 2000 بسش خريج علوم رياضة
للأسف لما حضرتك أمتحنت أنا كنت لسة في دبلومة التربوي
مع أني خريج 97 مش 2009 ولا حاجة
أرجو انك تبص من أكثر من أتجاه
وبعدين هو فين التثبيت
ربنا يسهل ليك ولكل الناس الي مظلومين
سلام يا معلم

اه عايزنا نتعب زيك ونلوص زيك

علي فكرة لولا الشهداء في ميدان التحرير ولا عمرك كنت هتثبت ولا هتشوف تثبيت

أرجو على كل من يقول رأيه

أن يحدد موقفه (( سواء معلم مساعد & الأجر 00000000هكذا ))

ويكون بصراحة