|
المشروع الدوري لإصلاح التعليم المصري في زمن قياسي منقول للفائدة
مـنـقـول لـلـفـائـدة . الـمـصـدر : http://www.facebook.com/educatemw أنـا شـاركـت فـي الـحـمـلـة و بـقـول أفـكـاريـ و إنـت ؟ |
سبحان الله وبحمده سبحان الله العظيم
|
انت باين عليك مش عايش الواقع 25 جنيه اه الي هندفعها كل شهر ياعزيزي احنا كان بتاخد مننا اكتر من كده اضعاف مضعفه ومكنوش بيبنو لكن كانو بيسرقو ! المهم القائمين علي شؤن الدوله يكون عندهم ضمير ويراعوا ربنا في مسؤلياتهم
|
انا شايف اني الي اقترح الاقتراح دا معاه حق مليون في المية ..
ودا تبريري الخاص .. اولا هما 20 مش 25 جنيه .. كل شهر .. المهم : - انت كلامك مبني على دولة قديمة انتهت بعد 25 يناير .. انهرده مصر دولة جديدة .. واذا كان الي هيمسك الدولة شوية حرمية زي الأول .. يبقا الثورة معملتش حاجة .. انا عاذرك و عاذر التفكير القديم .. لان احنا شوفنا الذل و دفعنا دم قلبنا في حملات زي كدا .. و الناس المسؤلة اخلفت وعودها معانا .. بس خلينا نبدأ واحدة ب واحداة نتفائل و إلا حنفضل ورا طول عمرنا .. أما ردي على الاخ الكريم الي رد الرد الاول .. سبحان الله و بحمد سبحان الله العظيم |
جزاك الله خيرا استاذنا
فكرة المشروع قيمه واود لو تدخل حيز التنفيذ وليعتبر كل متبرع ان هذا المبلغ صدقه جاريه لتحقيق العلم وهذا من الاهداف الساميه نتوسم الخير فى الوزارة الجديده ونسال الله للجميع التوفيق دمت موفقا استاذنا ارجو قبول مرور وتقديرى |
يارب تتنفذ
|
بص هو كويس بس مسألة العشرين جنيه دى مش ولابد
فى ناس بتعيش يومها على العشرين جنيه دى لكن غير كدة الفكرة كويسة وياريت تتنفذ |
نسبة من دخل قناة السويس
ضريبة المبيعات اعتقد تغطى التكلفة وعلى فكرة المهم اعداد المدرس و خاصة الابتدائى |
ما ماما سوزان كانت بتبني مدارس ومن غير ماندفع حاجه
|
انا بس حابب ارد على حكاية انو في مصريين غير مقتدرين مش حيقدروا يدفعوا القيمة المالية .
في في نفس الوقت مصريين مقتدرين و رجال اعمال وفنانين بدل ما هيدفعوا 240 جنيه في السنة هيدفعوا مليون واتنين فا ممكن بكدا يغطوا على كذا واحد مش قادر يدفع .. بس حابب انوه مش انا صاحب الفكرة انا مجرد واحد مشترك في الحملة دي و بينطلب مني انقل الافكار .. وهما بيعملوا درسات للفكرة دي .. و محتاجين مساعدة الدعاية , عدد طلاب مصر , إلخ .. و جزاكم الله كل خير |
ماما سوزان جزاها الله كل خير .. بس ماما سوزان راحت
واحنا الي هنبني بلدنا عشان متكنش حكر على احد بدل ما تكون المدرسة دي صدقة من ماما سوزان وتنضاف لتاريخها المشرف سوزان مبارك انشأت عدد كذا من المدارس . لاء الشعب المصري بنا عدد كذا من المدارس |
انا مش موافق علي اخذ اي نقود من الشعب ...
هي الناس ناقصة البلد فيها فلوس كتير بس منهوبه ... لو رجعنا الفلوس دي للبلد هتعمل حاجات كتييييييييييير |
اقتباس:
اسأل ماما سوزان كانت بتجيب فلوس المدارس الى بتتبني منين اسأل ماما سوزان فلوس مركز سوزان الاستكشافى للعلوم منين و كمان أسال ابنها العبقري جمال كان بيجيب فلوس جمعية جيل المستقبل منين و كمان أسال ماما سوزان لماذا سعت لتعليم ابنائها جمال و علاء و كلنت تعمل على توريث الحكم لجمال وفى نفس الوقت ابناء الشعب يزداد تخلف و جهل و تزداد الامية فى مصر لو عرفت هتلعن الي قالك تقول ماما سوزان و معزرة لكل الامهات الله يرحمها امي و كل أم عانت وربت و كبرت و سعرت من أجل ابنائها و الجنة تحت اقدام الامهات التى تعمل و تسهر و تحمل و تتعب من أجل تربيت ابنائها و تحرم نفسها من كل شيئ من أجل تربية ابنائها و لا تفرق بين أحد من ابنائها هؤلاء هم الامهات و ليس كما قلت ماما سوزان |
خلينا تناقش في الفكرة احسن .. دا الي يهمنا اكتر دلوقتي .
انا بظن و حضرتك معذور لما قلت محدش هيدفع بس لازم نحاول نثق في بعضنا مرة تانية . |
يا جماعة دي مجرد فكرة
|
| جميع الأوقات بتوقيت GMT +2. الساعة الآن 05:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.