اية هي الصفه الي تكرهيها بنفسك
 

أنا دايما بثق فى ناس و فى الآخر مش بيبقوا قد الثقة دى
عايزة أفكر شوية قبل ما أدى ثقتى لحد
حاولت كتير بس بدون فايدة
لو تعطينى نصيحة عشان أغيرها يكون أفضل

تعرفى

الصفة اللى بكرهها فى نفسى

هى طيبة قلبى وسذاجتى كمان

بس فعلا دى مش عيب

بس اعمل ايه

الدنيا دى بقى اللى بيبقى فيها كدة

الناس بقت بتضحك عليه وبيتريقه عليه كتيييييير

حتى أقرب الناس ليهم

بس أنا مش ناوية أغيرها

وربنا يهدى الناس دى

عيوبى كتير ربنا يسامحنى ويهدينى ويهدى كل خلقه ويجعل خير نفسنا هو الظاهر وشر النفس يتمحى بقى ويثبتنا

يووووووووووه متعديش
الطيبة الزيادة والمنطقية اللى بتطغى على الاحاسيس والعصبية الزيادة وانى مش بسمع كويس للاخرين بس كل ده بحاول اغيره واحيانا بتنفع محاولاتى دى واحيانا لاء مانا بشر يعنى بس نفسى ابطل اجلد نفسى واتعامل بهدوء معايا

مفيش حاجة اسمها بتخلي الواحد يتنازل كتيير


لان اصلا مفيش بين الاحبة تنازلات . . . يعني اصلا المفروض نتنازل لبعض من غير ما نحسس المحبوب بالتنازل دة


ولا ايه رأيكو يا جماعة؟؟؟

صح بس لما يجرحك مينفعش تنازل .

اكيد يا نقاء و بيخلينا نتنازل عن حقوق كتير لينا عشان خاطرهم .

انا بضع ثقتى بناس وبعدينالاقيهم مش قدها ولا يستهلوها


ودايما بيكذبوا عليا بس انا بحاول اجنبهم بس بلاقيهم بيوحشونى

الحقيقة فى كذا صفة مش بحبها فى نفسى

بس اكثر حاجة هى الخوف

الخوف من اى حاجة وكل حاجة يعنى مش بحب اكون لوحدى لازم دايما يكون فى حد جنبى
حد دايما يشاركنى فى قراراتى

مشكلتى انى مش بعرف اواجه الحياه بشجاعة لوحدى لكن لو معايا حد بثق فيه بيكون مصدر قوتى
ومش بخاف

جلوسى أمام الكمبيوتر لساعات طويلة وما يترتب عليه من مشكلات فى حياتى ومنها
عدم دخولى المطبخ الا وقت قصير جدا..اختصار وقت حصة المجموعة لساعة بدلا من ساعتين
عدم الكلام مع احد لان تواجدى أمام الكمبيوتر يمنعنى من التعامل مع الناس.