|
مبارك لم يتنحى بعد
ايها الشعب العظيم .. بص يا سيدي .. --------- لن احدثك عن ما حدث في الثوره .. واذكر مدى فضل الشهداء علي الثوره .. ولا هعملك جروب عشان ننظف مصر او هكلمك عن قيمه ميدان التحرير .. او عن الخطر الي بيلحق بمصر .. او عن قناه الجزيره .. او عن كروت الشحن الي كل شويه واحد يقولك .. الحق واشحن بميه ببلاش من هنا .. ويقوم سارق الاكونت بتاعك ( رجاء خاص .. متعدش تشتم فيا .. واني بقلل من الثوره .. واني عميل وزنديق وباكل كنتاكي ) --------- هناك احاديث كثيره .. واقاويل كثيره .. لعدم فقهي وتعمقي في الامر لا احفظ نصها .. ولكنها تقول فيما معناه : ان الشعب الفاسد .. يسلط الله عليهم الحاكم الفاسد .. --------- امريكا كمثال لو شفت الشعب مثلا هتلاقي نصه بيسكر ونصه الاخر بيمارس الفاحشه مثلا .. يعني كأمثله كده .. الشعب ده بايظ وصعلوق ومع ذلك امريكا تعتبر اقوي دوله في العالم .. ليه كده ؟؟.. ملحوظه : في امريكا لو مسؤول ( لا قدر الله ) اظهرلك - بمجرد الاحساس - انه يمتلك سلطه ممكن يستخدمها بدون وجهه حق يجازى او يعفى من منصبه ( خشيه ان يقال انه لا يوجد عدل في الدوله ) سبحان الله قريبه الشبه من دوله عمر ( اي عمر بن الخطاب رضي الله عنه ) سيدنا عمر .. طبعا انت مش محتاج اني اكلمك عن دوله سيدنا عمر .. فهي اعدل دوله بعد دوله رسول الله ملحوظه اكثر تشحشحا : زمان يجي من .. قبل خمسه وعشرين يناير كده .. كان الي يخش كليه الشرطه ولسه علي الباب بيقدم بيعلق خمستاشر نجمه علي عريبته واربعه وتلاتين نسر علي الازاز ودبورتين علي كل فانوس. --------- الصين .. حادث قطر .. قطر كان ماشي كده اذ لا قدر الله بعيد عنك كان في قطر ماشي كده - علي اساس انك شايف يعني - راحوا خابطين في بعض .. راح الوزير بتاع المواصلات مطلع خنجر وراح غازز نفسه .. عادي يعني ملحوظه : الصين عندها اتنين مليار بني ادم نسبه كبيره منهم بيعبدوا تماثيل لا تري ولا تسمع ولا تتكلم ملحوظه : حوادث القطر في مصر زي حوادث العربيات عادي يعني .. يعني احنا عندنا قطر اتقلب قالك ده بسبب الجاموسه لولا الطرطشه كان وزير المواصلات طلع الخنجر ودبح الجاموسه .. --------- هكتفي بالمثالين الي فاتوا .. ونخش في النقطه الرئيسيه ايها الساده الثوار يا كل ام ثكلي .. يا كل زوجه ترملت .. لا كده اوفر ايها الشعب الحبيب .. يا من تظن ان الفساد كان يمثل في شخص اسمه محمد حسني مبارك .. ما كان سلط علينا الفساد الا لفسادنا نحن. 1- ان كنت تفعل شيء من اشياء الفساد بداعي ( يا عميي صلي هو انا لوحدي ) ..فانت سبب من اسباب تسلط الحكام الفاسدين علينا. 2- اذا تهاونت في طلب حقك بأي شكل ما .. واحد ضربك علي قفاك عشان هو سلطه ومخدتش حقك منه بالقانون او بأيدك وعامل فيها طيب وبتقول الله يسامحه وانت عارف انك سايب حقك .. فانت سبب من اسباب تسلط الحكام الفاسدين علينا. 3- اذا كنت ممن يرشون عسكري المرور عشان عربيتك الميه سبعه وعشرين حمرا مش عايزها تاخد مخالفات عشان جمالها ورونقها وعشان انت مكسل تروح المرور .. فانت سبب من اسباب تسلط الحكام الفاسدين علينا. 4- اذا كنت ترى منكرا وتقوم ساكت عشان انت عندك عيال ومبتبحبش تخبط في الحلل عشان صوتها وحش ومراتك نايمه .. فانت سبب من اسباب تسلط الحكام الفاسدين علينا. 5- اذا كنت ممن يتكيفون في وقفه الاتوبيس - وانا وانت فاهمين كويس احنا بنتكلم علي ايه - او ممن يتكيفون بمواقف شبيهه باختلاف الازمنه والوسيله .. فانت سبب من اسباب تسلط الحكام الفاسدين علينا. 6- اذا كنت بتنجز شغلك بالوصفه السحريه - مشي حالك - ستكون سبب من اسباب قله جودتنا وقله انتاجنا بالتالي بالطبع ستكون سبب من اسباب تسلط الحكام الفاسدين علينا. 7- اذا كنت منتظرني ان اعدلك كل اسباب الفساد .. فانت راجل لا مؤاخذه... --------- عزيزي المواطن ..عزيزتي المواطنه الفساد في سجله التاريخي وفي سيرته الذاتيه - السي في بتاعه - عمره ما تمثل في شخص ولكن يتمثل في اخلاق اذا سمحت او فعلت فساد ما فلا تغضب حينما يمارس عليك الفساد فهي دائره مغلقه. لذلك .. ان كنت تظن ان الفساد الذي حل بمصر هو سببه حسني مبارك .. فالرئيس لم يتنحى بعد. --------- بقلم الكاتب / هشـام عفـيـفـي السبت 12 فبراير 2011 |
والله موضوعك جممميييييييييييييييييلللللللللللللللللللللل جددددددددددااااااااااااااااااااااااااااااااا
|
اقتباس:
على فكرة الموضوع منقول يا جماعه |
اقتباس:
جزاك اللهُ كل خير يا أ/ حسام على نقلك لهذا الموضوع المُمتاز جداً ، وإنت بصراحة لمست الجرح في الصميم ، وفعلاً كيفما تكونوا يُولّى عليكم ، نسأل الله تعالى أن يُصلح حالنا وحال المُسلمين اللهُمَّ آمييين يا حيُّ يا قيُّوم ، فساد الأخلاق أكبر مُصيبة ، نسأل الله السلامة والعفو والعافية اللهُمَّ آمييين يا ذا الجلال والإكرام. |
موضوع رائع ربنا يخليك
|
اقتباس:
اقتباس:
|
موضوع متميز أستاذ حسام بالفعل الفساد ليس مرتبطا بشخص بعينه أو جماعة بعينها ولكن مرتبط بأخلاق مجتمع وسلوكه
خد عندك بعض الأمثلة الواقعية عندنا فى قريتنا فى المنيا شباب كتير بيسعى على طلب الرزق وأثناء الأحداث قفلت معظم الشركات وتعطلت معظم المشاريع فأراد الكثير منهم العودة للقرية - عادى حقه - مش لاقى فلوس علشان يعيش بالقاهرة ومفيش قبض الناس تجمعت بالمنيب لتركب سيارات الميكروباص شوف استغلال فئة عريضة من المجتمع تسمى السواقين للموقف رفعوا الأجرة من 15 جنيه للفرد وثلاثة فى الكرسى إلى 100 جنيه للفرد و4 فى كل كرسى والى يسطح فوق الميكروباص 60 جنيه شوف الضمير والفساد هل هذا مرتبط بشخص معين ولا بضمائر أفراد أصحاب المخابز المدعوم أخذوا يبيعون جوال الدقيق بسعر 150 جنيه رغم أن سعره الأصلى 27 جنيه وامتنعوا عن الخبز بحجة عدم وصول الدقيق المدعوم بعض التجار قاموا باحتكار الكثير من السلع بحجة عدم وجود معروض منها ليرتفع سعرها أنا عرف إن البعض هيقولى ده ناتج لغياب الرقابة طب هو فين ضمير الشخص نفسه الذى يفعل هذه الأمور والأمثلة للفساد كثيرة لا تعد " إذا لابد أن نصلح من أنفسنا ونتقى الله تعالى ليرضى عنا فيولى علينا من يخافه ويرحمنا " إن الله لا يغير ما بقوم حتى يغيروا ما بأنفسهم " |
تسم ايد اللي كتب وتسلم ايد اللي نقل الموضوع
|
Mubarak Is Finished
|
شهاده حق ان دي مش اول مره للاسف تعملها المشرفه دي وكان ليها قبل كده موقف اتذكره من اسبوع بردو مع احد الاعضاء وعمل موضوع عن تعمدها تهديد بعض الاعضاء عن طريق الرسايل
|
اقتباس:
بس بردو نحترمه الانها اكبر سننا وصلو علي النبي يا جماعه |
اقتباس:
كلمو مدير الموقع او الاستاذ ممدوح الانصاري ووروه الرسايل اللي وصلتكو ولو ليكو حق هتاخدوه باذن الله لكن المناقشات هنا ملهاش لازمة خالص |
بعد اذن صاحب الموضوع .. العضوين الكريمين لو شايفين اي ظلم وقع عليهما قسم صوت الاعضاء مفتوح للجميع لارسال شكواك .. والمشرفة بتحذف الموضوع او المشاركة المخالفة او غير اللائقة حفاظا على المنتدى وليس من باب قصد عضو بعينه .. وياريت ننتقي الالفاظ ونتكلم باحترام مع الاكبر منا سنا .. |
انا شايفه ان الموضوع اخد اكبر من حجمه
استهدوا بالله يا جماعه |
اقتباس:
اقتباس:
|
| جميع الأوقات بتوقيت GMT +2. الساعة الآن 05:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.