هى فوضى ولاثورة يامن تتشدقون بحب مصر !!!!!
 

احسن حاجه حكاية انه قال لامريكا اذا تنحيت ستحدث فوضي كبيره

مصر هتبقي احسن دوله في العالم ان شاء الله
وكفايه ان الناس دلوقتي بتتكلم بحريه من غير متخاف من حد

واجابة سؤالك:
هي ثوره بمعني الكلمه

عاوزه اسال سؤال
نجحت الثورة مش مختلفين ابدا
ايه اللى عملناه من بعد ما تنحى الرئيس
اغانى اعتصامات مظاهرات فئويه
عملنا حاجه تانية بنتكلك بس
المدارس لغاية انهاردة مفتحتش احنا فتحنا امبارح وصدر قرار بغلقها فى نهاية اليوم
لييييييييييييييييييييييييييييييييييييييه
بسبب الاعتصامات
لو احنا صح فاهمين معنى الاعتصام صح كنا اخدنا حقوقنا ومعطلناش العمل
اليابان عمال احد المصانع قاموا باعتصام ازاااااااااااااااااااااااااااااااااااااااااااااااا ااااااااااااااااااااااااى
راحوا المصنع عادى وعلشان يعروا الادارة انهم فى اعتصام ربطوا شريط احمر على جباههم واشتغلوا عادى بل على العكس اليوم دة اللى هم معتصميييييييييييييييييييين كان اكثر يوم فيه انتاج
بص لاعتصامنا احنا معطلين العمل وكماااااااااااااااااان مبنسمعش للى بيكلمنا اقربها امبارح فى مظاهرات المعلمين فى اسوان راحوا فى مدرسه وراحلهم المحافظ وطلع الراجل على التربيزة وللاسف محدش سامع هو بيقول ايه مشى منهم
وكانت النتيجه تاجيل المدارس
طب وبعدين لامتى

يكفينا حريه التعبير عن الرأى بلا خوف
نحن كنا نشعر اننا مسجونين بجد لاننا كنا نخاف من ان نتكلم بصراحه وبدون مجامله خشيه ان نؤذى اما الان فنحن والله العظيم فى نعمه كبيره لايقدرها الا كبار السن امثالى ياجماعه الحريه دى اغلى شيئ فى الوجود

اختلف مع ما قاله مقدم الموضوع بل الثوره لها ايجابيات كثيره وارجو ان نفطن جميعا ان هناك ثوره مضاده تريد ان يظل الامر محلك سر ولن اتكلم اكثر من ذلك فالكل فاهم المقصود بالثوره المضاده ومن يقوم بها ولمصلحه من ولخدمه اجنده النظام السابق طبعا الذى يريد عوده الاوضاع الى ماكانت عليه قبل 25 يناير

هو كل ما الواحد ينقد الثوره يبقى ثوره مضاده طب ايه رايكم ان الاندفاع بالمظاهرات وطلب المزيد المستفيد منها النظام القديم يعنى الثوره المضاده اذا وجدت لانها بتدفع البلد للانهيار التام وزياده كره الناس للثوره والدليل انقسام الناس المؤيده للثوره وطلب بعضهم الانتظار على احمد شفيق وحكومه تسيير الاعمال

البلد فى فووووووووووووووووضى.........................وسلملى على شباب 25،26،27،28،29،30

س : البلد في فوضى ليه؟
ج : عشان في بلطجية وحرامية و مفيش شرطة .
س : ليه مفيش شرطة ؟
ج : خايفين ينزلو .
س : هم مش المفروض يعملوا شغلهم حتى لو خايفين يعني لو الشرطة خايفة تنزل ( ده افتراض ) الشعب يعمل ايه؟ وباعدين هم مش رجعوا يخدمو الشعب ؟ هم بيخدموه في البيت ولا ايه؟

يا ثوار
 

اللي يزيد عن حده ينقلب الي ضده
أرجوكم لا تشوهوا أجمل ما فعلتم

طيب واخرتها ايه كل ده على الاقتصاد المصرى كلها شهرين ومش نلاقى نأكل ويبقى الشئ الجميل اللى عملته الثوره ضاع ياشباب عاوزين نعمل لكى نحس انه هناك تغير حدث مش كفايه كل واحد مش عارف يعمل حاجه يجرى على ميدان التحرير انا خايف يجى يوم الناس تبطل تروح السعوديه للحج وتذهب لميدان التحرير

السلام عليكم ورحمة الله وبركاته
لمصلحة من إخفاء الحقيقة ؟
لمصلحة من أن يقال لنا كلما أوضحنا صورة وحقيقة ما نراه .. أن هذه هي الثورة المضادة
أقسم بالله أن الفوضى زادت زادت لدينا في الزقازيق
أقثسم بالله لم أعد أأمن على نفسي في الطرقات
حتى الطلبة بالمدارس
قسم يقول أنا مع مبارك بتهريج
ثم نجد من يقول أنه مع الثورة قد قام معهم بالواجب
بلطجة × بلطجة
وكل حجتنا أنهم من أمن الدولة وهم من يسلطونهم

يا من يحب مصر
ليست حرية الرأي لك هي الهدف الأسمى
ربما أنت تحسن استغلال الحرية وغيرك لا

البارحة ... ميكروباص وقف عرض الطريق وعطل حركة السير ونزل صاحبه يتعارك مع آخر

والله الذي لا إله إلا هو
من يومين الطبة يتقاذون الزبادي في الشارع ونالني من ذلك نصيب وغيري أيضاَ
ولا نقول إلا حسبنا الله ونعم الوكيل في كل من يشجع على الفوضى تحت شعار الحرية

اتقوا الله ..

يجب ان نفرق بين المظاهرات الفئوية والمظاهرات التي تطالب باكتمال الاصلاح السياسي فحكومة شفيق هي حكومة فرم الوثائق والمستندات التي تدين الفساد ربنا يعين اللى في التحرير ويوصلنا ىلبر الامان ويهدي اصحاب المطالب الفئوية للصبر على مطالبهم

حضرتك بتقولى معملناش حاجة بعد الثورة صحيح فى تظاهرات لكن عندنا فى اسكندرية الناس فعلا غيرت من نفسها ومبقاش فى زبالة فى الشوارع وكل الارصفة اتبيضت وعملوا حاجات كتير اما بالنسبة للمدارس فهى بتتاجل علشان لسى فى بلطجية ياعنى مثلا احنا عندنا فى قطر اتثبت وكمان اتوبيس وترام
ازاى الاهالى هتامن تنزل عيالها المدارس