|
شاهد شاف كل حاجة
شاهد شاف كل حاجة هل فى مجرم فى العالم يفكر يسرق محفظة ظابط شرطه وهو واقف وسط مجموعه ظباط وجنود ؟؟؟!!! هل يجرؤ قاتل أن يقتل مذيع وهو يذيع الأخبار على الهواء مباشرة ؟؟؟!!! هل يجرؤ أحد أن يعمل جريمة فى مكان مراقب بكاميرات مراقبة ؟؟؟!!! ليه ياترى محدش يقدر يعمل كده ... السبب بيسط جدا ... لأنه عارف إنه متراقب وإنه بسهولة جدا هيتقبض عليه ويعاقب على إللى عمله ... طيب ... معنى كده إن وجود رقابة عليك ... بتمنعك من إرتكاب أى جريمة .... طيب لو إللى عمل الجريمة عملها وهو مش عارف إنه متراقب ... ياترى هيكون أد إيه شعوره بالندم بعد مايتمسك ... ويشوف صورته من كاميرات المراقبة وهو بيعمل الجريمة دى وهو مش قادر ينكر أو يقول أنا معملتش حاجه ... ولو كان عارف إنه متراقب ... أد إيه هيكون تأنيبه لنفسه بعد ما يتمسك ... بعد ما عمل الجريمة وهو بيقول لنفسه ... ما إنتا كنت عارف انك هتتمسك وكنت عارف إنك متراقب ... ليه عملت الجريمة دى؟؟؟ فمابالك لو كانت الرقابة مش رقابة من كاميرا ... لا ده كانت الرقابة أشد شويه ... ده كان فى كاميرات مراقبة ... وكمان اتنين بيراقبوا مراقبة لصيقة ... وكمان أداة الجريمة نفسها كان فيها تسجيل للأحداث صوت وصورة ... ده بقى لا يمكن أى عاقل يعمل الجريمة تخت المراقبة دى ... طب ... لو حد كان تحت المراقبة دى ... وبيعمل جرائم برده تقول عليه إيه ؟؟؟ ... تقول إيه لو كنت أنا وأنت إللى بنعمله كده ... أهو إحنا بنعمل كده فى كل مره بنعصى فيها ربنا ... ياترى مش يبقى الأمر محتاج وقفة للتفكير ... أفهمك ... إنت عارف إن ربنا رقيب عليك ولا لاء ... وإن كل حركة هتعملها ربنا يعلمها ولا لاء ... أنت مش عارف إن ربنا خلق ملكين ملك يمينك وملك عن شمالك بيكتبوا كل حاجه بنعملها سواء كانت خير يكتبها ملك اليمين أو شر يكتبها ملك الشمال ... إنت مش عارف إن عينيك وأذنك ولسانك وإيدك ورجلك ... بل وجلدك كمان ... كل دول شهود عليك يوم القيامة وهيعترفوا بكل ذنب عملته ... {وَمَا كُنتُمْ تَسْتَتِرُونَ أَنْ يَشْهَدَ عَلَيْكُمْ سَمْعُكُمْ وَلَا أَبْصَارُكُمْ وَلَا جُلُودُكُمْ وَلَكِن ظَنَنتُمْ أَنَّ اللَّهَ لَا يَعْلَمُ كَثِيراً مِّمَّا تَعْمَلُونَ }فصلت22 لكن حتى الأمنية دى مش هتتحقق ...خلاص كل حاجه إنتهت: {قَالَ الَّذِينَ اسْتَكْبَرُوا إِنَّا كُلٌّ فِيهَا إِنَّ اللَّهَ قَدْ حَكَمَ بَيْنَ الْعِبَادِ }غافر48 كان أمامهم فرصة فى الدنيا ... كان أمامهم عمر طويل 50-60 سنة ... لكن ضيعوا عمرهم فى لذات وشهوات ... ولم يتبقى لهم إلا الندم والبكاء والعبرات ... خلى بالــــــــــك ... ممكن دى تكون فرصتك الأخيرة فى التوبة ... ممكن تكون اللحظة دى أخر لحظات حياتك ... أوعى تقول بعدين ... أوعى تقول لسه أمامى عمر طويل ... أوعى تأجل توبتك لحظة واحدة ... فمهما طالت حياتك فأخرتها الموت : {كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ }العنكبوت57 ومهما كانت ذنوبك وتبت ربنا هيغفرهالك كلهعا : {قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ }الزمر53 فى الحديث القدسى قال الله تعالى : ( يا ابن آدم ! إنك مادعوتنى ورجوتنى غفرت لك على ما كان منك ولا أبالى يا ابن آدم ! لو بلغت ذنوبك عنان السماء ثم استغفرتنى غفرت لك ولا أبالى يا ابن آدم ! لو أنك أتيتنى بقراب الأرض خطايا ثم لقيتنى لاتشرك بى شيئا لأتيتك بقرابها مغفرة ) كمان لو رجعت دلوقتى ممكن ربنا يخلى كل الذنوب إلى عملتها حسنات : {إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً }الفرقان70 قبل ما أنهى كلامى أفكرك إن نهايتنا فى الدنيا كلنا الموت وبعدها ... إما للجنة ... وإما للنار ... وصدقنى متستحملهاش .... {وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً( 27) يُرِيدُ اللّهُ أَن يُخَفِّفَ عَنكُمْ وَخُلِقَ الإِنسَانُ ضَعِيفاً }28 النساء |
الله عليك يا سادات
جزاك الله كل خير على الموضوع الرائع وياريت نتعظ من الموضوع |
اوهههههههه مووضوع رائع يا سادات بجد
فعلا فعلا الف شكر فنان |
احسن موضوع فى المنتدى
احسن موضوع والله تسلم يا سادات تسلم |
بجد موضوع اقل ما يقال عليه
قمه فى الروعه تسلم يا سادات والله ربنا يجعله فى ميزان حسناتك ويحسن خاتمتنا جميعا وجزيت جنة ربى |
هقولك ايه يا نجم
تسلم ايدك يا سادات والله فعلا لو كل واحد يعرف الحقيقه دي و مش يعرف و بس يؤمن بيها و يعمل بيها هتبقي الدنيا احسن من كدا و زي ما انت قولت في موضوع ليك قبل كدا يقولك انا عارف و ميعملش و في الاخر يقولك ادعيلي بس و الله كل الناس جواها خير و ان شاء الله ربنا هيهديهم و يارب يكون انت سبب في كدا جزاك الله كل خير يا معلم |
موضو عراااااااااااااااائع ايها السادات وجه فى محله
شكرااااااااااااااااا |
شكرا ع الموضوع والتذكرة ..
جزاك الله خيراً |
اقتباس:
ومنور الموضوع بردك العطر ده |
اقتباس:
الأروع هو مرورك يا ميدو ويارب يكون الموضوع عجبك وفادك دى كل الفكره من لموضوع يا جميل ومنورنى بردك الجميل ده |
اقتباس:
بجد الموضوع نور وكلماتك دى أنا أفخر بيها وأعتبرها وسام على صدرى |
اقتباس:
منوره يا جهاد الموضوع بردك الجميل ده اقتباس:
ولكى مثله |
اقتباس:
بجد مرورك أسعدنى كتير يا أحمد ومنور الموضوع برد العطر ده اقتباس:
قادر على مواجه أفكار العرب ومتمسك بدينه اقتباس:
إن شاء الله وجزاك الله خيراً يا أحمد |
اقتباس:
منور بمروك يا أحمد الموضوع وجزاك الله خيراً على المرو أهم شىء عندى الإستفاده |
اقتباس:
وميرسيه كتير على مرور حضرتك وكما قلت سابقاً أهم شىء عندى فى الموضوع الإستفاده وياريت يكون كل من قرأ الموضوع إستفاد منه ولا تنسونا بصالح الدعاء جزانا وجزاكم الجنه اللهم أحسن ختامنا وشفع فينا نبيك وحبيبك محمد عليه أفضل الصلاه والسلام |
| جميع الأوقات بتوقيت GMT +2. الساعة الآن 10:09 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.