استقالة شفيق
 

قبل المجلس العسكرى استقالة اللواء شفيق واسند لعصام شرف تكوين حكومة جديدة
الف مبروككككككككككك

بامانه شديده انا اعزى نفسى على هذا الرجل
واعتذر له نيابه عن نفسى ومن حولى لمت دار بينه وبين الاسوانى بالامس
وعلى فكره من الحديث اللى دار بالامس والله توقعت الاستقاله
وان دل فنما يدل على ان هذا الرجل لا يجرى وراء المناصب
على فكره والله احنا مش قرايب ويا رب محدش يقول عليه عدو للثوره
(الاختلاف فى الراى لا يفسد للود قضيه)

لاحول ولاقوة الا بالله العلى العظيم
لعلكم ترضوا

خسرت مصر رجل من افضل الرجال بسبب اصحاب الصوت العالي الي بينادو بالديمقراطيه لاكنهم مبسمعوش غير اراهم
للاسف مصر اصبحت تدار من ميدان التحرير واصبح الصوت العالي ماثر حتي لو صدر من اقليه لاتعبر عن الشعب

راححححححححححححححححححححححححححححححححح

يا خسارة بجد خسارة

الف مليون خسارة على رجل يستحق التقدير والاحترام وفعلاً لم يعوض هذا الرجل المهذب

وياترى مين الى علية الدور الجمعة الجاية ، عشان الكل يصدق لما بقول دا مخطط حتى تغرق مصر كمان وكمان فى الفوضى وللاسف الامة العربية بالكامل انتوا شيفين معايا انى دى برضة مش هية الفوضى الخلاقة لامريكا مش هى دى الحرب الجديدة ولا لسة دعاوى اصلاح الفساد ولمتى كل يوم الاعلام هيشوة رموز ولمين تعديل الدستور انا مصدومة من يوم 28يناير وعايزة بجد اسيب البلد الى بعشق تربها لانى حسة انى ماليش فيها صوت عيزة برضه زى ما عملين تحققوا ورا النظام القديم تحققوا كمان ورا رموز الايام دى عشان مش كل ين يعوز يعلا يقول انا كنت مضطهد واحنا للاسف نسأف ونجرى ورا

بجد خساره احمد شفيق انو مش يبقى رئيس وزراء انا زعلان اوى اوى

دعوه للدكتور احمد شفيق للترشيح لرئاسه الجمهوريه

يا جماعة ياريت نكون موضوعيين شوية الفريق احمد شفيق راجل مهذب ومحترم في كلامه لكن دا مش كفاية انه يكون ف منصب زي دا !!! وفيه اكتر من حاجة مأخوذة عليه وهو وزير طيران ولما بقى رئيس وزرا ... عاوزين نتعود نحكم على مناصب وافعال وسياسات مش على اشخاص ..!!! ولو قولنا اوك هوا راجل محترم ومفيش زيه بس يبقى الرجل المناسب في المكان الغير مناسب والزمن الغير مناسب .. ياريت نغير طريقة تفكيرنا بقى ونشوف فين الاصلح والانسب للمنصب ومانحكمش على واحد لمجرد انه قال كلمتين حلوين .. بلاقي ناس اول مرة يسمعه عنه بيطلعو يقولو دا راجل محترم جدا وخدم مصر كتير جدا !! ولو كنت سالته عنه قبل كده ولا كان يعرفه ... فبجد لازم نغير طريقة تفكيرنا دي ... ومننساش ان عصام شرف بردو راجل مشهود ليه انه اسم على مسمى وراجل محترم جدا بردو ومن اختيار شباب الثورة وفيه اتفاق عليه من كل القوى السياسية !!

وكيف استطعت أن تحكم وتقيم عمل الفريق أحمد شفيق فى هذا المنصب هل الفترةالتى تولى فيهه كانت كافية ليظهر عمله ويمكن تقييمه هل الوقت الذى تولى فيه كان مناسبا بل تولى فى أصعب الفترات التى تمر بها البلاد
وإذا كنت تحكم على الدكتور شرف بأنه الرجل المناسب فى المكان المناسب طب قلنا تاريخه السياسى الذى يؤكد ذلك هل نستطيع الحكم عليه فى وظيفة ما قبل أن نرى نتاجه
خلاصة القول نرضى عن هذا لأنه معنا ونغضب من هذا لأنه ضدنا كل من يتحدثون فى السياسة الآن لا يفقهون شيئا عنها لأننا وجدنا أنفسنا بمحض القدر فى فترة وعهد لم نكن نحلم بمثله أبدا وكلنا لم نكن نتعلم أو حتى نستطيع التحدث فى السياسة
الان الكل بيتكلم فى السياسة وأنا معاهم

حضرتك انا مش معاكم .. وانا طول عمري بتكلم في السياسة وبنتقد نظام مبارك بالفعل وبالقول ونزلت مظاهرات واتبهدلت كتير وشوفت مصايب بتحصل وكنت طول عمري ف كل مكان بتكلم وبفضح اللي بيحصل وبقول كلمة حق على الكويس والوحش وماليش اي صالح ف اني اتهم احمد شفيق بحاجة مش فيه او امدح عصام شرف بحاجة مش فيه .. تمام ؟؟

بالنسبة لاحمد شفيق فهو اوك عمل طفرة في الطيران المدني بس هوا عمله برائسته لشركة مصر للطيران مش بانه وزير للطيران المدني .. وان كانت دي حاجة تؤخذ عليه لانه كده يعتبر مراقب على نفسه وكان المفروض ميكونش الوزير هوا صاحب الشركة ... حاجة تانية فهو كان بمثابة الاخ الاصغر لمبارك وصديق لكل اصدقاء مبارك ومعاهم على طول الخط وعمره ماعترض وقال لا ... لما عينه مبارك فضل شفيق يدافع عنه طول الوقت ومقالش اي حاجة في صف الثورة ... يمكن كلامه مهذب واسلوبه كويس بس دا مش كفاية نهائي !! احنا عاوزين واحد مؤيد للثورة ومطالبها !! ازاي نثق في احمد شفيق انه يهتم بمحاسبة كل رجال الاعمال الفاسدين واللي اكيد فيه منهم على علاقة صداقة بيه .. وهو مفيش اي حاجة في تاريخه تقول انه اعترض على دا ف يوم ؟؟ حاجة كمان هو وان كان كويس في منصب وزير الطيران فهو مش مناسب نهائي ف منصب رئيس وزرا ومش سياسي ناجح بالمرة ودا كان بيبان من كلامه .. هو اوك اسلوبه مهذب وكويس بس كلامه زي كلام واحد عادي مش كلام واحد مسؤول وف منصب كبير زي دا !!! يعني افعاله وكلامه هما اللي خلونا نقول شفيق يمشي بس دا مش معناه اننا بنهاجمه هوا !! هوا مهذب ومش بنشتمه بس ميبقاش في المنصب دا .. تمام ؟؟

بالنسبة لعصام شرف فحضرتك دا كان معارض للفساد على طول الخط ودا من اكبر خبراء النقل والطرق في العالم العربي وكان وزير للنقل واستقال بعد حادثة عبارة السلام و قطار قليوب .. احتجاجا على سياسة النظام الفاسد ... وهو كان مع الثورة من بداياتها .. وكل القوى السياسية والشبابية في البلد معترفين بشرفه ونزاهته وفيه شبه موافقة بالاجماع عليه للي يعرفو كويس ... مش معنى كده انه ملاك !! عصام شرف لو ظهر منه اي تقصير وانه مش هايصلح للمنصب اكيد هتبدأ الناس تغير رايها فيه ...

مانتوقعش اننا هنلاقي امير المؤمنين يعني واحنا اصلا مش الصحابة ... فاكيد اي حد ييجي مهما كنا عاوزينه ممكن بعد فترة يتغير ومبارك كان كده ع فكرة ...

بس اهم حاجة في فترة حساسة جدا زي دي ان يكون فيه حد نثق فيه ونضمنه جدا مش حد لسه هانجربه ونديه فرصة واحنا اصلا مخترناهوش لمجرد ان بيتكلم باسلوب مهذب !!!

وياريت يا جماعة بجد طلب نبطل طريقة تفكير ان اللي نأيده يبقى كويس واللي نكرهه يبقى وحش .. انا مش بقول احمد شفيق وحش وبشتمه بس انا معترض عن انه يكون ف المنصب دا .. ياريت نبعد من دماغنا الاشخاص ونحكم على المناصب والسياسات وحتى في المرشحين للرياسة بلاقي الناس اللي بتأيد واحد معين بيطلعو يشتمو ف الباقي ... بجد كده ماينفعش وعيب جدا اننا نكون بالمنظر دا بعد ماخلينا العالم يحترمنا و بقت صورة مصر حلوة ادام العالم .. فلازم نتغير ونعرف ازاي نفكر ونحكم صح وازاي نتناقش صح .. :)

اولا : ان غدا لاناظره قريب بخصوص استمرار حكومة شرف وماذا سوف يفعل !

ثانيا : هو مش عصام شرف دا برضه اللى حصل فى عهدة اصطدام قطارا بنها ؟ ولا انا ناسى

ثالثا : فلنحاول المقارنه بين ازهار السكك الحديدية او وزارة النقل والمواصلات ووزارة الطيران المدنى فى عهد كلا الوزيرين .. لنكون منطقيين وحياديين

رابعا : يمكن الفريق شفيق يكون وزيرا فى حكومة مبارك وهو من اتى به رئيس للوزراء ولكن ليس هذا ان يكون الرجل شخص سىء فلنتعود ان نحكم على الناس من افعالهم والرجل لم يبقى سوى 33 يوم وغير وزراء وحاول ان يتحاور ويسمع للناس وهو اول رئيس وزراء يقوم بهذا بل هو اول رئيس وزراء يقوم بالاعتذار للناس .
بل ان حلقة بلدنا بالمصرى فى قناة otv كان الهدف منها اصلا او موضوع الحلقة هو ( الاصلاح المطلوب ) ولكى سى علاء الاسوانى حول الموضوع الى هجوم على الفريق شفيق

خامسا : بخصوص موقع الجمل ... مش هافتى واقول لك يعرف او لا يعرف ولكن وبلا شك ان هذا حدث من وراء ظهر هذا الرجل ومن ناحيته قدم كل ما يستطيع لتقديم الفعله الى العدالة .

سادسا : هل المنادين بسقوط وزارة الفريق شفيق والمنادين بالديمقراطية والحرية قد استمعوا الى اراء باقى الشعب ، اليس بالاحرى ان يكون هناك استفتاء على اقالة الفريق شفيق ام ان رأى الكام الف اللى فى التحرير هو ده صوت مصر

هذه قناعتى ولا حجر على قناعة احد اخر ، قناعتى اننا خسرنا رجلا بصدق لا يعبه انه انه ليس سياسى لاننا نحتاج الى شخص يبنى مصر مرة اخرى وليس شخصا يسعى بكل جد الى السياسة والعلاقات الخارجية .