اخوكم محتار جدا افيدوني ارجوكم حالتي صعبة !!
 

اقتباس:

تعليق انا اشتغلت بالحصة والعقد العادي والمميز منذ 2001الي 10/10/2010م امتحنت الكادر وحصلت علي الرخصة الدولية خريج كلية التربية باختصار 9سنوات في خدمة التعليم كنت باعمل 105جنية في الشهر وكنت باركب موصلات 90جنية في الشهر !!!!! ولكن بعد كل ده حصلت علي عقد عمل في الرياض-السعودية مدرس فيزياء- ثانوي براتب 2000ريال غير الاضافي..... بصراحة كان ده حلم بالنسبة ليه انتظرته 9سنين علشان كده ما صدقت حصلت عليه . مع العلم ان في الرياض صعب الحصول علي ما يسمي بصلاحية (معلم فيزياء ثانوي) ولكن ربنا وفقنا لهذا (الحمد لله) ولكن كنت باتمني اني اتثبت - لن منطبق عليه كل الشروط- بحيث احفظ حقي ولكني محتار جدا ياشباب هل اترك السعودية وارجع الي مصر من اجل الحصول علي حقي ؟؟؟!!!!!!!! بس خايف ان الفرصة الحالية في السعودية تضيع ولا اللي في مصري هية اللي تضيع ؟؟؟ محتار جدا افيدوني ارجوكم حالتي صعبة

:(:(:(:(:(:(:(:(:(:(:(:(:(

وانا مع هذاالراى.......خسارة تضيع فرصة تعين فى بلدك وخصوصا وحاليا ليس فى اى بلد امان......حاول ترجع وبعد ما تتعين وتحتفظ بالوظيفة ابقى سافر وان ضاعت عليك فرصة السفر اكيد ان شاء الله هاتلاقى غيرها....لكن بلاش تضيع فر صة تعينك فى بلدك الى عمرك ما ها تحس بالامان غير فيها.....وان شاء الله ربنا يوفقك للخير

أتفق مع زملائي عليك بالاستخارة وأقدم على القدوم لبلدك فان وفقت في اجراءات السفر كان خير وربنا يوفق حضرتك

ربنا ييسرلك الحال

ربنا معاك اولا وتيجى بالسلامة ياخى انت اتعبت فى البلد كتير فلازم البلد تخدمك فانت حاول تيجى علشان تتثبت وبعد كدة احفظ وظيفتك وسافر

ربنا يوفقك استخير

ما خاب من استخار.. وبالتوفيق بإذن الله

اوعى تستخير
اوعى
الحق بسرعه تعالى
لو هتجيب فى السنه مليون جنيه
مش هطول عليك
انا سبت السعوديه وجيت