|
ممكن تساعدونــــــــــــى ؟؟؟ !!
... السلام عليكم ورحمه الله وبركاته
___ انا حاسس انى ضاااااااايع مش عارف اركز فى المزاكره وبزاكر من غير نظام ولا جدول ... والوقت بيجرى .. وكل شويه اقول خلاص هبدامن بكره هبدا من بكره بس للاسف مش بيحصل ............ يارررررريت رايكم .... ازاى اركز فى المذاكره وياريت اللى يعرف يقولى على جدول امشى عليه كل يوم انا علمى علوم ... وان شاء الله يكون فى ميزان حسناتكم .. ............................. |
السلام عليكم
ممكن اقول لحضرتك على حاجة تساعدك اولا فى موضوع فى قسم الفيزياء اسمه ورشة مراجعة طلاب 2011 ممكن حضرتك تشترك فيها احنا عاملين فيها جدول مراجعة لكل اسبوع و فى امتحان اخر الاسبوع على اللى احنا راجعناه و النهاردة اول امتحان يعنى الاسبوع الاول خلص و بعدين حكاية المراجعة و انك مش عارف تراجع و بتاجلها دى حكاية عزيمة و اراده و هدف حضرتك عايز تحققه حضرتك علمى علوم يعن حاطط هدف قامك انك ان شاء الله تجيب كلية طبية ان شاء الله و ده معروف ان مجموعها عالى و محتاجه شغل جامد علشان تلحقها فمش معقول دكتور وبياجل مذاكرته ده باعتبار ما سيكون ان شاء الله و ربنا يحققلك هدفك فالمهم لازم تفكر فى هدفك و تحاول انك توصله وده بالتعب و لازم تعرف انه مش حييجى بالساهل و اتعب الكام شهر دول حتستريح طول عمرك و فكر فى يوم نتيجتك و حضرتك جايب المجموع العالى ان شاء الله و فرحةتك و فرحة اسرتك و فرحتك و حضرتك داخل الكلية اللى كانت حلم فى يوم من الايام و بقت حقيقة و كل ده حيسهل المامورية اللى هيا بجد صعبة بس سهلة باللى عنده اراده و يارب بجد اكون قدرت اساعد حضرتك |
مبدأيا حكاية هبدأ من بكره هعمل هخلى هسوى
ده اسمها فى علم النفس الحلقة المفرغة عشان تفهمها أكتر شوف كلمات بنلف فى دواير مثلاً و ده أمر طبيعى لأى بنى آدم ما علينا خلينا عمليين ده مش وقت الفلسفة هل مشكلتك معنوية و لا مشكلتك ما بتعرفش تذاكر لصعوبة المادة مثلاً أعتقد لأنك حطيت مشكلتك فى الفيزياء بتعانى مشكل فى الفيزياء خاصة منتظر ردك و ربنا يعينك و يفك كربك يا جميل |
اقتباس:
السلام عليكم انا برضه علمي علوم والله نفس الكلمتين دول بقولهم برضه كل يوم ربنا المستعان بس يعني قدرت احلها شويه مع نفسي بتغيير مكان المذاكره اهي حاجه بتحسسني بتغيير وذاكر الماده الي انت مأجلها وهتشوف امكنتش تاكل الكتاب مبقاش انا يعني مثلا لو لسه مذاكرتش اخر فصلين ف قصه الانجليزي "زي حلاتي" ذاكرهم وهتحس من جواك برغبه في المذاكره موضوع الجدول ده مبيفدش معرفش ليه بالتوفيق،، ويارب تحقق احلامك |
اقتباس:
انت بتجيب المصطلحات دي منين:d |
| جميع الأوقات بتوقيت GMT +2. الساعة الآن 09:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.