نداء الى مشرفى منتدى المعلم المساعد
 

يا ريت المشرفين يردو عملى ويحذفوا الموضوعات دى فورا

لازم نبنى بلدنا بلدنا محتجانا اوى الفترة دى

مش مهم كل واحد فينا يفكر فى نفسه وبس المهم نفكر فى مصر

الى يحب مصر يعمر مصر

بشرط
 

اوافق بس بشرط

اتنزلى حضرتك عن فاكس التثبيت الى جالك

ودية لحد تانى يكون محتاجة عجبى فين كلامكم عن فض الاعتصام لما عملتوا اعتصام فى كل مصر علشان التثبيت

اولا انا مجاش ليه فاكس تثبيت

انا خريجة تربية جيد جدا ومعايا تمهيدى ماجستير ودورات كتير ومع كل ده معلم مساعد من سنين كتير وامتحنت الكادر ونجحت ومعايا icdl يعنى مش محتاجة فاكس ومع ذلك محصلش معايا اى اجراء يعنى محلك سر يعنى انا احق واحدة اخرج واصرخ واطالب بحقى

بس دلوقت لا

بلدى ليها حق عليه مش مهم والله اى حاجة تانية الناس الى ماتت دى كلها دمها لازم يكون ليه تمن لازم نبنى بلدنا من جديد


الى يحب مصر يعمر ويبنى مصر

مش مصدقك كلامك

اكتب حضرتك تنازل عن التثبيت ......معلن على المنتدى وضميرك ربنا

عاوز حقى زيك ........... منطقى ولا لا


وعلى فكرة انا فى اقصى الجنوب فى الاربعين لو تعرفها

ومتزوج ومحتاج التثبيت
ومصر مش ميدان التحرير يا ثوار الثورة
ومش كل الى يعارضكم يبقى ثورة مضادة

انا مش محتاجة ان انت تصدقنى المهم انى رضيت ربنا وقلت الحق

وحسبى الله ونعم الوكيل



الى يحب مصر يبنى ويعمر مصر

يا ريت الكل يشارك برايه

يا استاذة انا بحب مصر زيك
بدليل انى بشتغل معلم مساعد فى الاربعين لو تسمعى عنها
وعاوز حقى زيك فى التثبيت ....ده شىء يزعلك
هى مصر دى بتعتك بس ولا اية

انا اعرف ان قرار التثبيت صدر للجميع الى مر عليه تلات سنين يعنى الكل حتى كل المؤهلات

هو حضرتك متثبتش ليه

انا 1/12/2008
وخلصت icdl
وخريج علوم وتربية
وبسافر فى الشهر مرة واحده اشوف فيها زوجتى وابنى

ومفيش تثبيت

انت بقى عوز تبوظ التعين مش عوز اعتصام شكلك عوز تخربها وبس عشان مصلحتك انت وتقول العيب فينا يا استاذ
ashrafe 2003 انت بتاع مصلحتك

حضرتك قدم ورقك لقسم الاحصاء فى الادارة عشان امتحان الكادر وان شاء الله تنجح وتتعين

حضرتك تربوى ومعاك icdl يعنى ورقك كامل يعنى كلها مسالة وقت

واذا كان على فاكس التثبيت للى مر عليه 3 سنين انت لما هتتم 3 سنين هتتثبت تلقائى يعنى مفيش اى مشكلة

ربنا يوفقك