ممكن مساعدة؟
 

انا ثانوي بس كنت عايزة اسال على طريقة عمل الترانزستور كمفتاح؟
وفي حاجات مش فهماهة مكتوب تحت رسمة الترانزستور كمفتاح
"اذا كان جهد البطارية(بطارية المجمع)vcc و مقاومة دائرة المجمعRc و فرق الجهد بين المجمع و الباعثVcE فان
Vcc=Ic Rc+VcE
فاذا كان الدخل هو القاعدةو عليها جهد موجب فان الدخل يكون كبير و الخرج صغير فيمر في دائرة المجمع تيار كبير Ic فتكون Ic Rc كبيرة فيعمل الترانزستور كمفتاح في حالة غلق"
ارجو تفسير هذا الكلام لاني بجد مش فهماه:):):):):)

انا محتاج رسمة الترانزستور عشان افتكر عشان لسه هاخد الترانزستور السنة الجاية ان شاء الله ومش فاكر بصراحة الرسمة من ثانوي

عاوزة مساعدتكم ارجوكوا كتاب ماركو فى الموائع لقسم مدنى ضرورى بس باللغة العربية

اتفضلى الملف ده شرحت على الماشى كده عشان زهقان شوية

اتمنى يفيدك

بس لما تخلصى متسيش تقولى رأيك عشان لما حد تانى يسأل

http://filaty.com/s/xdW

لا يا راجل ههههههه مدام مدرستش حاجة متتكلمش أحسنلك

أحسن ياخدوا فكرة غلط عننا

احنا بتوع اتصالات يعنى

بالمناسبة ما تستعجلش على الترانزستور لتكرهه زيى خصوصًا لو دكتوركم يقرب لدكتورنا

ههههههه هيكرهكم فى كل حاجة

الترم التانى هيدينا محاضرتين ورا بعض من غير فاصل تخيل بس و ادعيلى

شكرا جدا بس في حاجة ان الرسمة اللي عندي متوصل فيها البعث مع القاعدة و المجمع بس انا هحاول انزل الرسمة

شكرا انا هنزل الرسمة و شكرا للرد

[IMG]http://www4.0zz0.com/2011/03/07/11/637972046.jpg[/IMG]

انا مش فاهمة هو ليه اخد الجهد الكلي للدايرة من البطارية اللي ع اليمين بس و مخدش جهد البطارية اللي ع الشمال كمان ليه

و كمان انا عايزة اعرف يعني ايه دخل و يعني ايه خرج

أنا معايا الرسمة أصلاً

دخل يعنى INPUT و خرج OUTPUT

زى البوابات المنطقية

بالنسبة ليه الجهد كله من البطارية اللى على اليمين أنا قولتلك

هى تعتبر أصلاً دائرة تشغيل زى التليفزيون مثلاً

أما الدائرة الشمال اعتبريها دائرة تحكم صغيرة

و الرابط بين الاتنين الترانزستور

زمان أوى أوى مكانش فيه ترانزستور كان فيه حاجة اسمها صمامات

كان الكمبيوتر قد بيت بحاله و الفايدة من اسمها تتحكم فى الأشارات زى الحنفية

بس الترانزستور جه و الكمبيوتر صغر أكتر و أكتر لحد ما بقى فيه الموبايلات مثلاً

عمومًا الرسمة ده توضح يعنى ايه ترانزستور بس تمعنى فيها أوى

http://www.reuk.co.uk/OtherImages/transistor-model.gif*

أى سؤال هرد عليه مباشرة أنا فاتح الموضوع ربع ساعة منتظر

ميرسي جدا ع المساعدة ربنا يكرمكم يااااااااااااااااااااااااارب

:d
احنا عندنا بناخد الترانزستور في تانية لسة ان شاء الله

وعلي حسب اللي بسمعه من الناس اللي في تانية .... ولا بلاش عشان محدش يطفش :d

فربنا معاك والله بس متخفش كل الدكاترة اللي بيدوا الاليكترونيكس زي الدكتور بتاعكوا كده هههههههههه

ليه كده بس

انت في سنة كام طيب